Gujarati News

Gujarati News

News of Monday, 22nd April 2019

કવોટામાં વધારોઃ મોટા રાજ્યોમાંથી અરજી કરનારા તમામ હજયાત્રીઓ જઇ શકશે

ચાલુ વર્ષે વિક્રમી બે લાખ ભારતીય મુસ્લિમો હજયાત્રાએ જશે

નવી દિલ્હી તા.રરઃ ભારતના હજ કવોટામાં વધારો કરવામાં આવતા હવે ઉત્તરપ્રદેશ, પશ્ચિમ બંગાળ, આંધ્ર પ્રદેશ અને બિહાર સહિતના મોટા રાજ્યોમાંથી ચાલુ વર્ષે યાત્રા માટે અરજી કરનારા તમામ લોકો હજ યાત્રાએ જઇ શકશે. મોદી સરકાર સત્તામાં આવ્યા બાદથી હજ કવોટામાં ત્રીજી વખત વધારો કરવામાં આવ્યો છે. આ વધારાનો લાભ અંદમાન અને નિકોબાર દ્રીપસમુહ, દાદરાનગરા હવેલી, ગોવા, લક્ષદીપ, મણિપુર, ઓરિસ્સા, પુડુચેરી, આસામ, ચંદીગઢ, દમણ અને દીવ, હિમાચલ પ્રદેશ, ઝારખંડ, પંજાબ અને ત્રિપુરાના લોકોને મળશે. આઝાદી બાદથી પ્રથમ વખત એવું બન્યું છે કે, અરજી કરનારા તમામ લોકો હજયાત્રાએ જઇ શકશે. ભારતા હજ કવોટામાં વધારો કરવા અંગે સઉદી અરેબિયાની સરકારે ગઇકાલે સત્તાવાર રીતે ઘોષણા કરી હતી. ગત ફેબ્રુઆરીમાં દેશના વડાપ્રધાન નરેન્દ્ર મોદી, વિદેશ મંત્રી સુષમા સ્વરાજ અને લઘુમતિ બાબતોના મંત્રી મુખ્તાર અબ્બાસ નકવીની સઉદીના ક્રાઉન પ્રિન્સ મોહમ્મદ બિનસલમાન સાથે થયેલી મુલાકાતના પરિણામે ભારતના હજ કવોટામાં રપ હજાર સુધીનો વધારો કરવામાં આવ્યો હતો. ચાલુ વર્ષે હજ યાત્રાએ જનારા ભારતીય યાત્રાળુઓની સંખ્યા વિક્રમી બે લાખ જેટલી હશે. તેઓ કોઇપણ સબસિડી વિના હજયાત્રાએ જશે. જેમાં ''મહેરમ'' વિના હજયાત્રાએ જનાર ૨૩૪૦ ભારતીય મુસ્લિમ મહિલાઓ પણ સામેલ છે.

(3:27 pm IST)
  • ઇન્દોરમાં સ્વાઈનફ્લૂનો હાહાકાર ;ગરમીના દિવસોમાં પણ સ્વાઈનફ્લૂનો ફૂફાડો : દર બીજા દિવસે એક દર્દીનું મોત : 35 વર્ષીય મહિલાના મોટ બાદ આ ઘાતક બીમારીથી મૃતકોની સંખ્યા વધીને 60 ના આંકે પહોંચી : છેલ્લા સાડા ત્રણ મહિનામાં સ્થાનિક હોસ્પિટલમાં 206 સ્વાઈન ફ્લૂના કેસ નોંધાયા access_time 1:04 am IST

  • કોઈપણ સંસદીય બેઠક ઉપર લોકસભાની ચૂંટણીમાં કોઈપણ વિસ્તારના પોલીંગ એજન્ટ તરીકે રહી શકાશેઃ હાઈકોર્ટનો ચુકાદો : કોઈપણ સંસદીય બેઠક ઉપર લોકસભાની ચૂંટણીમાં કોઈપણ વિસ્તારના વ્યકિત પોલીંગ એજન્ટ તરીકે કામ કરી શકશે તેવો હાઈકોર્ટે ચુકાદો આપ્યો છેઃ પોરબંદર પંથકમાંથી હાઈકોર્ટમાં પીટીશન દાખલ કરવામાં આવ્યા બાદ હાઈકોર્ટે ચુકાદો આપ્યો access_time 4:12 pm IST

  • હવે જયાપ્રદા પર વિવાદમાં ફસાયા :કહ્યું આઝમખાને મારા વિરુદ્દ ટિપ્પણી કરી છે એ જોતા માયાવતીજી વિચારો, આઝામખાનની એક્સરે જેવી આંખો તમારા ઉપર પણ ક્યાં ક્યાં નજર નાખીને જોશે :જયાપ્રદાના નિવેદનથી ચૂંટણીપંચ ખફા :જયાપ્રદા વિરુદ્ધ ફરિયાદ access_time 12:35 pm IST