Gujarati News

Gujarati News

News of Monday, 22nd April 2019

એફિલ ટાવરની લાઈટો બંધ :શ્રીલંકામાં બૉમ્બ બ્લાસ્ટના મૃતકોને શ્રદ્ધાંજલિ આપી

શ્રીલંકાની સરકારે સોશિયલ મીડિયા પર પ્રતિબંધ અને કેટલાક વિસ્તારમાં કર્ફ્યુ પણ લાગુ કર્યો

નવી દિલ્હી :શ્રીલંકાના કોલંબોમાં થયેલા શ્રેણીબદ્ધ બ્લાસ્ટમાં અત્યાર સુધીમાં કુલ 290 લોકોના મોત અને 500થી વધારે લોકો ઘાયલ થયા છે આજે સોમવારે સવારે કોલંબો એરપોર્ટ નજીકથી વધુ એક  આઈઈડી મળી આવ્યો. જો કે, આ આઈઈડીને પોલીસે નિષ્ક્રિય કર્યો. ત્યારે બોમ્બ વિસ્ફોટની ઘટના બાદ અત્યાર સુધીમાં 24 જેટલા લોકોની ધરપકડ કરવામાં આવી છે. બોમ્બ વિસ્ફોટમાં ત્રણ જેટલા ભારતીય નાગરિકના પણ મોત થયા છે. હવે આ બધા લોકો માટે એફિલ ટાવરમાં લાઈટ બંધ કરવામા આવી હતી અને બધા મૃત લોકોને શ્રધ્ધાંજલિ આપી હતી

     મળતી માહિતી મુજબ એક હોટલમાં નાસ્તાની લાઈનમા ઉભેલા એક આતંકવાદીએ બોમ્બ વિસ્ફોટ કર્યો હતો. છ કલાકમાં આઠ જેટલા બોમ્બ વિસ્ફોટમાં આખુ કોલંબો ધણધણી ઉઠ્યુ હતુ. વિસ્ફોટની ઘટના બાદ શ્રીલંકાની સરકારે સોશિયલ મીડિયા પર પ્રતિબંધ અને કેટલાક વિસ્તારમાં કર્ફ્યુ પણ લાગુ કર્યો છે.  

  પોલીસના જણાવ્યા પ્રમાણે આતંકવાદીઓએ બોમ્બ વિસ્ફોટની ઘટનાને અંજામ આપવા માટે એક વાનનો ઉપયોગ કરવામાં આવ્યો હતો. ત્યારે પોલીસનું કહેવુ છે કે, કોલંબોમાં દહેશત ફેલાવવા માટે આઈઈડી શ્રીલંકામાં જ બનાવવામાં આવ્યા હતા. જે બાદ આતંકવાદી હુમલાને અંજામ આપવામાં આવ્યો છે

(11:48 am IST)
  • અભિનેતાથી નેતા બની શકે છે અક્ષયકુમાર : ગુરદાસપુરથી ટિકીટ ? : બોલીવુડ સ્ટાર અક્ષયકુમાર ચૂંટણીના મેદાનમાં ઉતરી શકે છે : ભાજપ તેમને ગુરદાસપુરથી ટિકીટ આપે તેવી શકયતા છે : આ બેઠક અગાઉ વિનોદ ખન્નાની હતી access_time 3:23 pm IST

  • કોંગ્રેસ, હાર્દિક પટેલને નજીકના ભવિષ્યમાંજ રાષ્ટ્રીય યુવા કોંગ્રેસના પ્રમુખ બનાવી રહી હોવાની જોરશોરથી ચાલી રહેલી ચર્ચા : જો આ શક્ય થશે તો હાર્દિકનું રાજકીય કદ બહુ મોટું થઈ જશે : સંભવતઃ એકાદ બે દિવસમાજ કોંગ્રેસ આ જાહેરાત કરે તેવી સેવાય રહી છે સંભાવના access_time 10:59 pm IST

  • નરેન્દ્રભાઇ મમતાના ગઢમાંથી બીજી બેઠક ઉપરથી ચૂંટણી લડશે ? ગમે તે ઘડીએ જાહેરાત થવાની સંભાવના: અમિતભાઇ કોલકત્તામાં મહત્વની જાહેરાત કરે તેવી ભારે ચર્ચાઃ ટૂંક સમયમાં પત્રકારોને સંબોધશેઃ પશ્ચિમ બંગાળમાં ભારે ચર્ચા છે કે, નરેન્દ્રભાઇ મોદી વારાણસી ઉપરાંત બીજી બેઠક પશ્ચિમ બંગાળમાં મમતા બેનર્જીના હોમગ્રાઉન્ડ ઉપરથી લડશે access_time 12:33 pm IST