Gujarati News

Gujarati News

News of Monday, 22nd April 2019

કેરળની પથાનામથિટ્ટા લોકસભા બેઠકના બીજેપીના ઉમેદવાર પર નોંધાયા છે ર૪ર કેસ

ગુનાહિત રેકોર્ડ છાપવા માટે અખબારનાં ૪ પેજ ભરાયાઃ ૬૦ સેકન્ડનો વિડીયો પણ બનાવાયો

કોચી તા. રર :.. લોકસભાની ચૂંટણી ચાલી રહી છે ત્યારે એક એવો ઉમેદવાર સામે આવ્યો છે જેની વિરૂધ્ધ કેરળનાં વિવિધ પોલીસ  સ્ટેશનોમાં ર૪ર કેસ નોંધાયેલા છે. કેરળના પથાનામથિટ્ટા લોકસભાની સીટ પરથી ભારતીય જનતા પાર્ટી (બીજેપી)ના ઉમેદવાર તરીકે ઉભા રહેલા સુરેન્દ્રન પર ર૪ર કેસ ચાલી રહ્યા છે. ચૂંટણીપંચે નિર્દેશ આપ્યા હતા કે લોકસભાની ચૂંટણીમાં ઉભા રહેલા ઉમેદવારોને અખબાર અને ટીવીમાં પોતાના ગુનાહીત રેકોર્ડની જાણકારી ફરજીયાત આપવી પડશે.

જયારે બીજેપીના સુરેન્દ્રને પોતાના ગુનાહિત રેકોર્ડ પોતાની પાર્ટીના મુખપત્રમાં છપાવ્યા ત્યારે અખબારનાં ચાર પેજ ભરાઇ ગયા હતાં. ત્યાં પાર્ટીની ટીવી-ચેનલ જન્મ ટીવી પર તેમના ગુનાહીત રેકોર્ડની જાણકારી આપવા માટે ૬૦ સેકન્ડનો લાંબો વિડીયો પણ બન્યો હતો.

ઉલ્લેખનીય છે કે સુરેન્દ્રન પર જે ર૪ર કેસ ચાલી રહ્યા છે એમાંથી રરર કેસ તો સબરીમાલા આંદોલન દરમિયાન નોંધાયા હતાં. પાર્ટીનાં સુત્રોએ કહયું છે કે જો પાર્ટીના મુખપત્ર પર કે. સુરેન્દ્રનના ગુનાહિત રેકોર્ડની જાણકારી આપવામાં ન આવી હોય તો તેમની ઉમેદવારી પર ખતરો હતો, કારણ કે જો કોઇપણ અખબારમાં આ છાપવામાં આવત તો એનો ખર્ચ ૬૦ લાખ સુધી થઇ શકે એમ  હતું અને ચૂંટણીપંચ દ્વારા ઇલેકશનમાં ખર્ચ કરવાની એક સીમા નકકી કરવામાં આવી છે.

(11:28 am IST)
  • ઇન્કમટેક્સ વિભાગે સપાટો બોલાવ્યો : દિલ્હીના ઇન્વેસ્ટિગેટિવ વિંગના DG સહિત દિલ્હી - એનસીઆર, ભોપાલ, ઇન્દોર અને ગોવામાં અનેક જગ્યાઓએ એક સાથે રેડ પાડી અને સર્ચ ઓપરેશન હાથ ધર્યું છે : આધારભૂત બાતમીના આધારે મોટાપાયે કાળા નાણાંનો સંગ્રહ અને હેરાફેરીને રોકવા ITએ આ ઓપરેશન હાથ ધર્યું હોવાનું જાણવા મળે છે : 6 મોટા વ્યવસાયિક ઘરો, 2 મોટી આંગડિયા પેઢી, 2 મોટા જમીનોના દલાલ સહિત 1 બહુ મોટા જવેલર્સ ઇન્કમરેક્સના રાડારમાં હોવાનું કહેવાય રહ્યું છે અને આ તમામ કોઈ ને કોઈ રીતે રાજકારણ સાથે સંકળાયેલા હોવાનું ચર્ચાય રહ્યું છે. access_time 8:07 pm IST

  • નરેન્દ્રભાઇ મમતાના ગઢમાંથી બીજી બેઠક ઉપરથી ચૂંટણી લડશે ? ગમે તે ઘડીએ જાહેરાત થવાની સંભાવના: અમિતભાઇ કોલકત્તામાં મહત્વની જાહેરાત કરે તેવી ભારે ચર્ચાઃ ટૂંક સમયમાં પત્રકારોને સંબોધશેઃ પશ્ચિમ બંગાળમાં ભારે ચર્ચા છે કે, નરેન્દ્રભાઇ મોદી વારાણસી ઉપરાંત બીજી બેઠક પશ્ચિમ બંગાળમાં મમતા બેનર્જીના હોમગ્રાઉન્ડ ઉપરથી લડશે access_time 12:33 pm IST

  • કોંગ્રેસ, હાર્દિક પટેલને નજીકના ભવિષ્યમાંજ રાષ્ટ્રીય યુવા કોંગ્રેસના પ્રમુખ બનાવી રહી હોવાની જોરશોરથી ચાલી રહેલી ચર્ચા : જો આ શક્ય થશે તો હાર્દિકનું રાજકીય કદ બહુ મોટું થઈ જશે : સંભવતઃ એકાદ બે દિવસમાજ કોંગ્રેસ આ જાહેરાત કરે તેવી સેવાય રહી છે સંભાવના access_time 10:59 pm IST