Gujarati News

Gujarati News

News of Friday, 22nd January 2021

કોઇએ ન ખરીદી લોટરીની ટિકીટ જાતે સ્ક્રેચ કરી બન્યો ૧ર કરોડનો માલિક

નવી દિલ્હી, તા. ૧૯ : ૪૬ વર્ષિય શરાફૂદ્દીન લોટરીની ટિકીટ વેચતો હતો પરંતુ કોઇ તેની લોટરીની ટીકીટ ખરીદતું ન હતું, જેના કારણે તેણે બધી ટિકીટ પોતાની પાસે જ રાખી લીધી, ઘરે જઇને તે જ ટિકીટ તેણે સ્ક્રેચ કરી અને તેને કેરળ સરકારના ક્રિસમસ ન્યુ યર બંપર પુરસ્કારમાં ૧૨ કરોડ રૂપિયાનો પુરસ્કાર મળ્યો. જેનાથી તેની કિસ્મત રાતો રાત બદલાઇ ગઇ છે.  શરાફુદ્દીન પાસે એવો નંબર હતો જેનાથી તેને ૧૨ કરોડ રૂપિયાની લોટરી લાગી ગઇ છે. ખાડી દેશોમાંથી આવેલા શરાફૂદ્દીન અહીં એક નાના ઘરમાં છ લોકોના પરિવાર સાથે રહે છે. પહેલા તે નાનુ મોટુ કામ કરતો હતો પરંતુ છેલ્લા ૭ વર્ષથી તેણે લોટરી વેચવાનુ કામ શરૂ કર્યુ હતુ.  સુત્રો અનુસાર તમિળનાડુ રાજ્યની સીમા પર કેરળના કોલ્લમ જિલ્લામાં સરકારી જમીન પર બનેલા નાના ઘરમાં રહેનાર શરાફૂદ્દીન ઇચ્છે છે કે તે પોતાનું એક ઘર બનાવે અને પોતાના માથે રહેલુ દેવુ ચુકાવું. નાનો એક બિઝનેસ શરૂ કરું. તેના પરિવારમાં પત્ની એક દિકરો, માતા અને બે ભાઇ છે.  લૉટરીના વિજેતા ૩૦ ટકા ટેકસ કપાઇને ૧૦ ટકા એજન્ટ કમિશનને બાદ કરતા ૭.૫૦ કરોડ રૂપિયાનો માલિક બનશે. હવે આ રૂપિયાને કેવી રીતે ખર્ચ કરવા તેનો પ્લાન ઓલરેડી શરાફૂદ્દીને બનાવી લીધો છે.

(2:52 pm IST)
  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • ગુજરાતમાં પણ ઝડપભેર લવ જેહાદ વિરુદ્ધ કાયદો આવી રહ્યો છે : ગુજરાત સરકાર નજીકના ભવિષ્યમાં લવ જીહાદ વિરુદ્ધ નવો કાનૂન લાવી રહી છે કોંગ્રેસ પક્ષની આંતરિક ચૂંટણીઓ મે મહિનામાં યોજાય તેવી સંભાવના છે આજે કોંગ્રેસની કારોબારી બેઠક મળી રહી છે access_time 11:44 am IST

  • પંજાબના બે પોલ્ટ્રી ફાર્મમાં બર્ડ ફ્લૂની પુષ્ટિ : 50 હજાર મરઘીઓને મારી નાખવાનું અભિયાન આજ 22 જાન્યુઆરીથી શરૂ : પી.પી.ઈ.કીટ પહેરી જુદી જુદી ટીમો કામગીરી શરૂ કરી દેશે access_time 12:40 pm IST