Gujarati News

Gujarati News

News of Friday, 22nd January 2021

સરહદે તણાવને પગલે ચીનથી આવતું કેમિકલ મોંઘુ થયું

આર્સેનિક એસિડ, તોલ્યુને, ઝાયલિન, હેકસ, IPA તેમજ મિથેનોલની આયાત વધુ : ચીનથી આયાત કરાતા કેમિકલના ભાવમાં ૫૦ ટકા સુધીનો વધારો

નવી દિલ્હી તા. ૨૨ : ભારત અને ચીન વચ્ચે છેલ્લા ઘણા સમયથી સીમા વિવાદ ચાલી રહ્યો છે. જેની અસર ભારતમાં ચીનથી આયાત થતી ચીજોના ભાવ પણ થઇ રહી છે. ચીનથી આવતા કેમિકલ સહિતના રો મટિરિયલના ભાવમાં ૫૦ ટકા સુધીનો વધારો થયો છે. જેની અસર આગામી ટુંક સમયમાં કેમીકલ માર્કેટમાં જોવા મળે તો નવાઇ નહીં.

વડોદરા તેમજ આસપાસના મધ્ય ગુજરાતના ૯ જિલ્લામાં કેમીકલ એકસપોર્ટ ખુબ જ વધારે છે. ત્યારે દેશના કેમીકલ સેકટરમાં પણ વડોદરા સહિત મધ્ય ગુજરાતનો હિસ્સો ઘણો મોટો છે. ત્યારે ચીન સાથેના સીમા વિવાદના કારણે કેમીકલ ઉદ્યોગના ચીનથી આવતા રો મટિરિયલના ભાવમાં ૫૦ ટકા સુધીનો ભાવ વધારો જોવા મળી રહ્યો છે. વડોદરા તમેજ ભરૂચ, ઝઘડિયા, દહેજ સહિત આસપાસના મધ્ય ગુજરાતના જિલ્લામાં મોટી સંખ્યામાં કેમીકલ ઇન્ડસ્ટ્રી આવેલી છે. જેમાં આર્સેનીક એસીડ, તોલ્યુને, ઝાયલીન, હેકસઅને, આઇપીએ તેમજ મેથોનોલ જેવા કેમીકલનો વપરાશ રો મટિરિયલ તરીકે થાય છે. જેના ઉપયોગથી અન્ય જરૂરી કેમીકલ બનાવવામાં આવે છે.

તમામ કેમીકલની આયાત ચીનથી કરવામાં આવતી હોય છે. પરંતુ હાલમાં ચાલી રહેલા સીમા વિવાદના કારણે ચીન દ્વારા તેના કેમીકલના ભાવમાં વધારો કરી દેવામાં આવ્યો છે. જે વધારો ૩૦ ટકાથી લઇ ૫૦ ટકા જેટલો છે.

એમએસએમઇ ફોરમના ચેરમેન કશ્યપ શાહે જણાવ્યું હતું કે, ભારતના ચીન સાથેના સીમા વિવાદની અસર કેમીકલ ઉદ્યોગો પર પડી રહી છે. ચીનથી આવતા કેમીકલના રો મટિરિયલનો ભાવ વધારી દેવામાં આવ્યો છે. તેમજ ચીનમાં પ્રોડકશન પણ ઘટયું છે. જેની અસર પણ ભાવ પર થઇ રહી છે. જેના પગલે કેમીકલ ઉદ્યોગો માટે જરૂરી રો મટિરિયલ ચીનથી ખુબ જ મોંઘુ આવી રહ્યું છે. જેની અસર આવનારા સમયમાં કેમીકલ ઉદ્યોગો પર જોવા મળશે.

કયા કેમિકલનો ભાવ કેટલો વધ્યો

કેમિકલ

જૂનો ભાવ

નવો ભાવ

તફાવત

આર્સેનીકએસીડ

૩૦

૬૦

+૩૦

તોલ્યુને

૩૫

૫૦

+૧૫

ઝાયલીન

૩૫

૫૦

+૧૫

હેકસઅને

૫૨

૬૬

+૧૪

આઇપીએ

૬૦

૧૦૦

+૪૦

મિથેનોલ

૧૮

૩૨

+૧૪

નોંધ : કેમીકલના ભાવ પ્રતિ કિલોના છે.

(10:03 am IST)
  • રાજસ્થાનના દોઢ ડઝન જિલ્લામાં બર્ડ ફ્લુનો પગપેસારો: રાજસ્થાનના ૧૭ જિલ્લામાં બર્ડ ફ્લુનો પગપેસારો: સત્તાવાર જાહેરાત: રાજસ્થાનમાં અત્યાર સુધીમાં ૧૮૧ પક્ષીઓ મૃત્યુ પામેલ મળી આવ્યા છે. access_time 12:16 am IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST

  • ગુજરાતમાં પણ ઝડપભેર લવ જેહાદ વિરુદ્ધ કાયદો આવી રહ્યો છે : ગુજરાત સરકાર નજીકના ભવિષ્યમાં લવ જીહાદ વિરુદ્ધ નવો કાનૂન લાવી રહી છે કોંગ્રેસ પક્ષની આંતરિક ચૂંટણીઓ મે મહિનામાં યોજાય તેવી સંભાવના છે આજે કોંગ્રેસની કારોબારી બેઠક મળી રહી છે access_time 11:44 am IST