Gujarati News

Gujarati News

News of Friday, 22nd January 2021

યુક્રેનના ખાનગી નર્સિંગ હોમમાં લાગી ભીષણ આગ : ૧૫ લોકો જીવતા ભડથું

મોસ્કો તા. ૨૨ : યુક્રેનના શહેર ખારકિવમાં એક ખાનગી હોસ્પિટલમાં આગ લાગવાથી ૧૫ લોકોના કરૂણ મોત નિપજયા છે. અને ૧૧ લોકો ઘાયલ થયા છે. અધિકારીઓએ આ મામલાની જાણકારી આપી હતી. બે માળની ઈમારતમાં શા કારણે આગ લાગી હતી તેની તપાસ ચાલી રહી છે. એક ખાનગી એજન્સી દ્વારા અહેવાલ પ્રાપ્ત થઈ રહ્યા છે કે નર્સિંગ હોમના માલિક અને કર્મચારીઓની પૂછપરછ થઈ રહી છે.

પ્રાપ્ત માહિતી અનુસાર આ આગ બીજા ફલોર પર લાગી હતી. આ મામલે જણાવવામાં આવી રહ્યું છે કે આગ જયારે લાગી તે સમયે ઈમારતમાં અંદાજીત ૩૩ લોકો હાજર હતા. જેનો એક ફોટોગ્રાફ પણ સામે આવ્યો છે. જેમાં બીજા ફલોરમાંથી ધુમાડો નિકળી રહ્યો દેખાઈ રહ્યો છે અને ફાયરબ્રિગેડના જવાનો આ આગને નિયંત્રણમાં લેવા માટે પ્રયત્નો કરી રહ્યા છે. ઉલ્લેખનીય છે કે આ ગોઝારી ઘટનામાં ૧૫ લોકો જીવતા ભડથું થઈ ગયા છે. સરકારે સમગ્ર મામાલાની તપાસના આદેશ આપ્યા છે.

યુક્રેનના રાષ્ટ્રપતિ વોલોદિર જેલેંસ્કીએ આંતરિક મુદ્દાઓના મંત્રીને આ સમગ્ર મામલાની તપાસના નિર્દેશ આપ્યા છે. યુક્રેનના પ્રોસિકયુટરે કહ્યું છે કે અધિકારીઓએ અપરાધિક તપાસ પણ શરૂ કરી દીધી છે અને પ્રાથમિક તપાસમાં એવું લાગી રહ્યું છે કે હીટિંગને યોગ્ય રીતે ચલાવવામાં બેદરકારીને કારણે આ આગ લાગી હતી.

(10:01 am IST)
  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,692 કેસ નોંધાયા :કુલ કેસની સંખ્યા 1,06,25,420 થઇ :એક્ટિવ કેસ 1,86,558 થયા: વધુ 16,288 દર્દીઓ સ્વસ્થ થતા કુલ 1,02,81,391 થયા :વધુ 147 લોકોના મોત સાથે કુલ મૃત્યુઆંક 1,53,053 થયા access_time 1:02 am IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • શેલ્ટર હોમમાં ૩ મહિલાની લાજ લૂંટવામાં આવી: છત્તીસગઢમાં બિલાસપુરના એક શેલ્ટર હોમમાં ત્રણ મહિલાઓના યોન શોષણ નો મામલો બહાર આવ્યો છે એફઆઈઆર દાખલ કરવામાં આવી છે access_time 12:15 am IST