Gujarati News

Gujarati News

News of Wednesday, 22nd January 2020

ઝારખંડના 13 આદિવાસી પરિવારોએ આધારકાર્ડ અને મતદાનકાર્ડ રાષ્ટ્રપતિને પરત આપ્યા : સરકારી વ્યવસ્થા -યોજનાનો બહિષ્કાર

રાષ્ટ્રપતિ સચિવાલયના આદેશ પર આ ફાઈલ હવે ઝારખંડ મંત્રાલય સુધી પહોંચી

 

ઝારખંડના 13 આદિવાસી પરિવારના તમામ લોકોએ પોતાના આધારકાર્ડ અને મતદાનકાર્ડ રાષ્ટ્રપતિને પરત આપી દીધા છે. આ સાથે રજૂઆત કરવામાં આવેલા પત્રમાં સ્પષ્ટતા કરી છે કે, આદિવાસી પરિવાર રાજ્ય સરકાર તેમજ કેન્દ્ર સરકારની યોજનાનો બહિષ્કાર કરે છે.

 એક તરફ ઝારખંડની સરકાર સમાંતર અને સક્ષમ સરકાર ચલાવવા માટે પૂરા પ્રયત્નો કરી રહી છે બીજી તરફ આ 13 પરિવારને સરકારની સિસ્ટમ પર કોઈ ભરોસો નથી. આ આદિવાસી પરિવારના લોકોએ સરકારી વ્યવસ્થા અને યોજનાઓનો બહિષ્કાર કર્યો છે.

 રાષ્ટ્રપતિ સચિવાલયના આદેશ પર આ ફાઈલ હવે ઝારખંડ મંત્રાલય સુધી પહોંચી ગઈ છે. મુખ્ય સચિવ ડૉ.ડી.કે. તીવારીના આદેશ પર આ ફાઈલ જમીન માપણી તથા સંપાદન વિભાગને મોકલી આપવામાં આવી છે. આ ઉપરાંત બીજા વિભાગોનું પણ મંતવ્ય લેવામાં આવ્યું છે. જે આદિવાસી પરિવારોએ આ પગલું ભર્યું છે તેઓ ખૂબ જ ગરીબ છે. દરરોજનું ભોજન સરકારી રાશનની દુકાનમાંથી લેવામાં પણ મુશ્કેલીનો સામનો કરી રહ્યા છે.

  ફાઈલમાં 13 પરિવારના પ્રમાણપત્ર, મતદાર કાર્ડ, રાશન કાર્ડ, આધાર કાર્ડ, જોબકાર્ડ, ગેસ ક્નેક્શન કાર્ડ અને પાન કાર્ડનો સમાવેશ થાય છે.

(12:23 am IST)
  • શિરડીના લોકોએ કહ્યું સાંઈબાબાના જન્મ સ્થળના દેશભરમાંથી 18 દાવા આવ્યા : અમે કોઈ દાવાને માનતા નથી : શિરડીના ગ્રામીણોએ દેશભરમાંથી આવેલ જન્મસ્થળ અંગેના દાવા ફગાવ્યા access_time 1:04 am IST

  • વૈષ્ણોદેવી ભવન હીમવર્ષાથી ઢંકાયું: હિમાચલમાં ૫ નેશનલ હાઈવે સહીત ૪૪૬ રસ્તાઓ બંધ : જમ્મુઃ જમ્મુ- કાશ્મીરમાં ભારે હિમવર્ષાને પગલે ત્રિકુટ પર્વત પર બિરાજિત માતા વૈષ્ણોદેવી મંદિરનું ભવન બરફથી ઢંકાઈ ગયે છેઃ ત્રિકુટ પર્વત પર ૩ ફૂટ, વૈષ્ણોદેવી ભવનમાં ૨ અને ઝાંસી છત્ત પર એકથી દોઢ ઈંચ હિમવર્ષા થઈ છેઃ જયારે હિમાચલમાં ૫ નેશનલ હાઈવે સહિત ૪૪૬ માર્ગ હિમવર્ષાને કારણે બંધ છે access_time 12:58 pm IST

  • બીએસએફએ ગુજરાત, જમ્મુ-કાશ્મીર, પંજાબ, રાજસ્થાન બોર્ડર માટે ૧૫ દિવસ માટે એલર્ટ જારી કરેલ છે access_time 11:19 am IST