Gujarati News

Gujarati News

News of Tuesday, 22nd January 2019

વરસાદ અને હિમપાતથી ઉત્તર ભારત બેહાલઃ હિમાચલમાં ૨૦૦ માર્ગો બંધઃ દિલ્હીમાં દિવસે અંધારૂ છવાયું: રાતભર વરસાદ પડયો

દિલ્હીમાં દિવસે અંધારૂ છવાતા વાહનચાલકોને લાઈટો ચાલુ કરવી પડીઃ ટ્રેન-વિમાન સેવાને અસરઃ કાશ્મીર અને હિમાચલમાં નવેસરથી બરફવર્ષાઃ જનજીવન ખોરવાયું: કાતિલ ઠંડીનું મોજુ

નવી દિલ્હી, તા. ૨૨ :. દિલ્હી-એનસીઆર સહિત ઉત્તર ભારતમાં હવામાન બદલાયુ છે. હિમાલયના રાજ્યોમાં વરસાદ સાથે બરફ પડયો છે તો આજે સવારે દિલ્હી અને એનસીઆરના નઝારાએ લોકોને આશ્ચર્યમાં મુકી દીધા હતા. દિલ્હી અને તેની સાથેના નોઈડા, ગાઝીયાબાદ, ગુડગાવ અને ફરીદાબાદમાં સવારે ૯ વાગ્યે એવુ અંધારૂ છવાઈ ગયુ જાણે કે રાત પડી ગઈ હોય ! માર્ગો ઉપર વાહનોની હેડ લાઈટ ચાલુ કરવી પડી હતી. હવામાનની અસર ફલાઈટ અને ટ્રેનો પર પણ પડી હતી. દિલ્હીથી દોડતી ૧૫ ટ્રેનો મોડી છે.

દિલ્હી એનસીઆરમાં વરસાદની શરૂઆત ગઈકાલે સાંજે થઈ હતી. ગઈ મોડી રાતથી વરસાદ ચાલુ હતુ જેના કારણે ઠંડી વધી હતી. દિલ્હીના સુભાષનગર અને ગુડગાવમાં વરસાદ સાથે કરા પડયા હતા. ઠેર ઠેર પાણી ભરાયેલ જોવા મળ્યુ હતું. હવામાન ખાતાના કહેવા મુજબ હજુ ચાર દિવસ આવુ હવામાન રહેશે.

આજે સવારે ૯ વાગ્યે અંધારૂ છવાઈ ગયુ હતુ. જેને કારણે વાહનચાલકોને લાઈટો ચાલુ કરવી પડી હતી અને મુશ્કેલી પડી હતી.  હિમાચલ અને જમ્મુ કાશ્મીરમાં નવેસરથી બરફ પડતા મુશ્કેલી પડી છે. સીમલા, કુલુમનાલી, ચંબા, મંડી, કિન્નોરમા પણ ભારે બરફ પડતા જનજીવન ખોરવાઈ ગયુ છે. નેશનલ હાઈવે સહિત ૨૦૦ નાના મોટા માર્ગો બંધ છે. અનેક વિસ્તારોમાં વિજળી-પાણીનું સંકટ ઉભુ થયુ છે.(૨-૭)

(11:20 am IST)
  • વિડીયો : ક્યાં જઈ રહ્યો છે આજનો યુવાવર્ગ ? : રાજકોટના યાજ્ઞિક રોડ સ્થિત ધર્મેન્દ્રસિંહજી કોલેજના કેમ્પસમાં ભરબપોરે વિદ્યાર્થીઓના બે જૂથ વચ્ચે થયું ધીંગાણું : અગમ્ય કારણોસર વિધાયર્થીઓના આ બન્ને જૂથે કરી ધોકા, હોકી સ્ટિક અને પાઇપ વડે ભારે મારામારી : સમગ્ર ઘટના cctvમાં થઇ કેદ : એ ડિવિઝન પોલીસે ઘટનાસ્થળે પહોંચી વધુ તપાસ હાથ ધરી (વિડીયો - સ્પીડ રિપોર્ટ) access_time 5:19 pm IST

  • લોકસભાની ચૂંટણી માટે ભાજપે તમામ વિમાન અને હેલીકૉપટર બુક કરાવી લીધા :કોંગ્રેસને કરવો પડે છે સંઘર્ષ :કોંગ્રેસના નેતા આનંદ શર્માએ કહ્યું કે ભાજપે ચૂંટણી માટે તમામ વિમાનો અને હેલીકૉપટરનું બુકીંગ કરાવી લેતા કોંગ્રેસ વિમાન અને હેલીકૉપટર મેળવવા માટે સંઘર્ષ કરી રહી છે access_time 1:18 am IST

  • જમ્મુકાશ્મીરના સોપીયા ખાતે સુરક્ષા દળોએ છ આતંકીઓને ઘેરી લીધા છે આ લખાય છે ત્યારે ઓપરેશન ચાલુ access_time 11:19 am IST