Gujarati News

Gujarati News

News of Tuesday, 22nd January 2019

2G - PNB કૌભાંડની તપાસ કરનારાની બદલી

CBIના ડાયરેકટર રાવ ત્રાટકયાઃ કુલ ૨૦ ઓફિસરોની ફેંકાફેંકી

નવી દિલ્હી તા. ૨૨ : કેન્દ્રીય તપાસ એજન્સી સેન્ટ્રલ બ્યૂરો ઓફ ઈન્વેસ્ટિગેશન (સીબીઆઈ)ના વચગાળાના ડાયરેકટર નાગેશ્વર રાવે સંસ્થામાં કરેલાં મોટાં ફેરફારોમાં ૨૦ અધિકારીઓની બદલી કરી નાખી છે. આમાં 2G કૌભાંડ કેસના તપાસનીશ અધિકારી વિવેક પ્રિયદર્શીનો પણ સમાવેશ થાય છે.

ટ્રાન્સફર ઓર્ડરમાં જોકે જણાવાયું છે કે જે અધિકારીઓને બંધારણીય અદાલતો દ્વારા કેસની તપાસ સોંપવામાં આવી હોય એમણે એમની બદલી કરાઈ હોવા છતાં એ કેસોની તપાસ ચાલુ રાખવી.

પ્રિયદર્શીનું પોસ્ટિંગ દિલ્હીમાં એન્ટી-કરપ્શન બ્રાન્ચમાં કરવામાં આવ્યું હતું, પણ એમને હવે ચંડીગઢ ટ્રાન્સફર કરી દેવાયા છે.

તામિલનાડુમાં જેમાં ૧૩ જણ માર્યા ગયા હતા તે સ્ટરલાઈટ-વિરોધી દેખાવો દરમિયાન કરાયેલા ગોળીબારની ઘટનાની તપાસ કરનાર અધિકારી એ. સરવનનને મુંબઈમાં બેન્કિંગ, સિકયુરિટીઝ અને છેતરપીંડી વિભાગમાં ટ્રાન્સફર કરી દેવાયા છે. આ વિભાગ હીરાના વેપારીઓ નીરવ મોદી અને મેહુલ ચોકસી સામે લોન ડીફોલ્ટ કેસોમાં તપાસ કરે છે.

સીબીઆઈના વચગાળાના ડાયરેકટર તરીકે નાગેશ્વર રાવની કરાયેલી નિમણૂકને જાણીતા ચળવળકાર અને સુપ્રીમ કોર્ટના લોયર પ્રશાંત ભૂષણે પડકારી છે. એની સુનાવણી ૨૪ જાન્યુઆરીએ કરાશે. ભૂષણે આ નિર્ણયને આપખુદભર્યો ગણાવ્યો છે અને કહ્યું છે કે રાવની નિમણૂક વડા પ્રધાન મોદી, દેશના સૌથી મોટા વિરોધ પક્ષના નેતા અને દેશના ચીફ જસ્ટિસ અથવા એમના દ્વારા પોતાના પ્રતિનિધિ તરીકે નિયુકત સુપ્રીમ કોર્ટના જજની બનેલી ઉચ્ચ સ્તરીય પસંદગી સમિતિની ભલામણ અનુસાર કરવામાં આવી નથી.(૨૧.૭)

(10:31 am IST)
  • અમદાવાદમાં પ્રદુષણ વધ્યુઃ આંક ૩૦૭ નોંધાયોઃ ''ખુબ જ ખરાબ'' શ્રેણી અમદાવાદમાં પ્રદુષણ આંક ૩૦૭ નોંધાતા ''ખુબ જ ખરાબ'' ની શ્રેણીમાં આવી ગયુ છે. શહેરના નવરંગપુરા, રખીયાલ અને ચાંદખેડામાં પરિસ્થિતી સૌથી ખરાબ છે access_time 3:32 pm IST

  • બનાસકાંઠા જિલ્લાની પ્રાથમિક શાળાઓમાં 978 જેટલા વર્ગખંડ અને 800 જેટલા ટોયલેટ ખખડધજ :જિલ્લા શિક્ષણ સમિતિના મહિલા ચેરમેને કરી મુખ્યમંત્રી વિજયભાઈ રૂપાણીને રજૂઆત:વિદ્યાર્થીઓના હિતમાં નિર્ણય લેવા જણાવ્યું :ખખડધજ હાલતમાં કલાસરૂમ અને ટોયલેટનું સમારકામ અને નવા બનાવવા રજૂઆત access_time 1:05 am IST

  • વીજ મીટરના ભાડા ઉપર લેવાતો ૧૮ ટકા જીએસટી રદ્દઃ હાઇકોર્ટનો ચૂકાદો : જોકે આ વર્ષથી આખા ગુજરાતમાં વીજતંત્રે મીટરનું ભાડુ લેવાનું બંધ કરી દીધુ છે : ટોચના અધિકારીઓએ આપેલો નિર્દેશ access_time 4:15 pm IST