Gujarati News

Gujarati News

News of Tuesday, 22nd January 2019

મહિલાઓને મળશે મોટી રાહત : મેટરનિટી લીવની સેલેરી થઇ શકે છે ટેકસ ફ્રી

નવી દિલ્હી તા. ૨૨ : કેન્દ્રની મોદી સરકારના વર્તમાન કાર્યકાળનું અંતિમ બજેટ વિશેષ રહેશે. CNBC આવાઝને મળેલી એકસકલૂઝિવ જાણકારી મુજબ, મહિલાઓને મેટરનિટી લીવ વખતે મળતો પગાર આ બજેટમાં ટેકસ ફ્રી થઈ શકે છે. મહિલા મતદાતાઓને રિજવવા માટે સરકારનું આ પગલું ખૂબ જ કારગર નિવડી શકે છે.

સુત્રોના જણાવ્યા મુજબ, મહિલા બાળ વિકાસ મંત્રાલયે નાણા મંત્રાલયને પ્રપોઝલ મોકલી છે. આ પ્રપોઝલમાં ટાંકવામાં આવ્યું છે કે મહિલાઓને મેટરનિટી લીવ વખતે મળતી સેલેરી ટેકસ ફ્રી કરવામાં આવે. અત્રે ઉલ્લેખનીય છે કે સરકારી મેટરનિટી લીવ ૬ મહિનાની મળે છે તો લગભગ મહિલાઓન ૬ મહિનાની સેલેરીના ઇનકમ ટેકસમાંથી મુકિત મળી શકે છે.

આ વર્ષે સરકાર દ્વારા વચગાળાનું બજેટ ફેબ્રુઆરીની પ્રથમ તારીખથી શરૂ થનારા સત્રમાં પ્રસ્તુત કરાશે. આ બજેટના ડોકયુમેન્ટનું પ્રિન્ટિંગ પણ સોમવારથી શરૂ થઈ ગયું છે. બજેટના ડોકયુમેન્ટના પ્રિન્ટિંગ પહેલાં દર વર્ષની જેમ સોમવારે હલવા સેરેમની પણ યોજાઈ હતી.

આ વર્ષે હલવા સેરેમનીમાં નાણા મંત્રી અરુણ જેટલીના સ્થાને રાજયકક્ષાના નાણા મંત્રી શિવ પ્રતાપ શુકલએ હલવાની વિધિ પૂર્ણ કરી હતી. આજથી આશરે ૧૦૦ લોકો બજેટ પ્રસ્તુત નહીં થાય ત્યાં સુધી નોર્થ બ્લોકની બહાર નીકળી શકશે નહીં.(૨૧.૪)

(10:07 am IST)
  • બનાસકાંઠામાં ટ્રેલર અને રીક્ષા વચ્ચે ગમખ્વાર અકસ્માતમાં ચાર લોકોના કરૂણમોત : કુચવાડા પાસે ટ્રેલર રિક્ષા પર ફરી વળતાં રિક્ષામાં સવાર ચાર લોકોનાં ઘટનાસ્થળે જ મોત:રિક્ષામાં સવાર ઠાકોર પરિવારના સભ્યો વિઠોદર આગ માતાના દર્શન કરવા જતા હતા ત્યારે રસ્તામાં કાળ ભેટ્યો access_time 1:19 am IST

  • ભાજપ અધ્યક્ષ અમિતભાઇ શાહના હેલીકૉપટરનાં ઉતરાણ મામલે ભાજપ જૂઠ ફેલાવી રહી છે :હેલીકૉપટરને માલદામાં ઉતરાણ કરવાની મંજૂરી નહિ મળવા બાબતે બીજેપીના દાવાને તૃણમૂલ કોંગ્રેસે ફગાવ્યો :ટીએમસીએ કહ્યું કે ભાજપ જુઠાણું ફેલાવી રહી છે access_time 12:36 am IST

  • બનાસકાંઠા જિલ્લાની પ્રાથમિક શાળાઓમાં 978 જેટલા વર્ગખંડ અને 800 જેટલા ટોયલેટ ખખડધજ :જિલ્લા શિક્ષણ સમિતિના મહિલા ચેરમેને કરી મુખ્યમંત્રી વિજયભાઈ રૂપાણીને રજૂઆત:વિદ્યાર્થીઓના હિતમાં નિર્ણય લેવા જણાવ્યું :ખખડધજ હાલતમાં કલાસરૂમ અને ટોયલેટનું સમારકામ અને નવા બનાવવા રજૂઆત access_time 1:05 am IST