Gujarati News

Gujarati News

News of Tuesday, 22nd January 2019

બિહારમાં વરરાજા બનેલો પોલીસકર્મી પોતાના જ લગ્નમાં ટલ્લી થઇને આવ્યોઃ દુલ્હને પરણવાને બદલે મંડપમાંથી જ તગેડી મૂક્યો

ભાગલપુર: બિહારમાં દારૂ પીને આવેલા વરરાજાને નવવધુઅે પરણવાને બદલે ‌મંડપમાંથી તગેડી મુકતા ભારે ચર્ચા જાગી છે. આ વરરાજો પોલીસકર્મી હોવાનું ખુલ્યુ છે.

દારુ પીને આવેલા જાનૈયાઓએ દુલ્હનના સંબંધીઓ સાથે મારામારી પણ કરી હતી. જેનાથી ગુસ્સે ભરાયેલી દુલ્હને જતું કરવાની ભાવનાથી ચૂપચાપ પરણવાને બદલે બંડ પોકારી લગ્ન કરવાનું માંડી વાળવાની સાથે પોલીસને પણ બોલાવી લીધી હતી. મંડપમાં પહોંચલી પોલીસે વરરાજા અને ટલ્લી થયેલા જાનૈયાઓને પકડી તેમને જેલભેગા કરી દીધા હતા.

આઠ મહિના પહેલા અનુષ્કા કુમારી નામની યુવતીના લગ્ન ઉદય રાઝક નામના યુવક સાથે નક્કી થયા હતા. શુક્રવારે સાંજે જ્યારે ઉદય જાન લઈને પરણવા પહોંચ્યો ત્યારે લગ્નમાં ગીતો વગાડવા મામલે તેણે અનુષ્કાના સંબંધીઓ જોડે બબાલ કરી હતી, અને કેટલાક લોકોને તો ફટકાર્યા પણ હતા.

થનારા પતિએ લગ્ન પહેલા જ આવી હરકત કરતા ગુસ્સે ભરાયેલી અનુષ્કાએ નમતું જોખવાને બદલે મંડપમાંથી જ ચાલતી પકડી હતી, અને પરણવાની ચોખ્ખી ના પાડી દીધી હતી. બિહાર જેવા રાજ્યમાં કોઈ યુવતી આવું કરે તે નવાઈની વાત છે, જોકે અનુષ્કાએ સમાજમાં એક અનોખું દ્રષ્ટાંત રજૂ કરતા પરિસ્થિતિને સ્વીકારવાને બદલે તેની સામે બંડ પોકાર્યો હતો.

(12:00 am IST)
  • પ્રજાસતાક દિવસની 90 મિનિટની પરેડમાં વિવિધ રાજ્યોની 22 ઝાંખીઓ જમાવશે આકર્ષણ : ગણતંત્ર દિવસે આયોજીત સમારોહમાં દક્ષિણ આફ્રિકાના રાષ્ટ્રપતિ રામાફોસા હશે મુખ્ય મહેમાન : દિલ્હીમાં જબરી તૈયારી access_time 1:23 am IST

  • સબરીમાલા મંદિરમાં પ્રવેશ કરનારી મહિલા માટે ઘરના દરવાજા બંધ :કેરળના સબરીમાલામાં મંદિરમાં પ્રવેશ કરીને ઇતિહાસ રચનાર મહિલા કનકદુર્ગાને તેના પતિએ ઘરમાંથી બહાર કાઢી મૂકી : કનકદુર્ગાએ 50 વર્ષથી ઓછી ઉંમરની એક અન્ય મહિલા સાથે સબરીમાલા મંદિરમાં પ્રવેશ કર્યો હતો access_time 1:16 am IST

  • બનાસકાંઠામાં ટ્રેલર અને રીક્ષા વચ્ચે ગમખ્વાર અકસ્માતમાં ચાર લોકોના કરૂણમોત : કુચવાડા પાસે ટ્રેલર રિક્ષા પર ફરી વળતાં રિક્ષામાં સવાર ચાર લોકોનાં ઘટનાસ્થળે જ મોત:રિક્ષામાં સવાર ઠાકોર પરિવારના સભ્યો વિઠોદર આગ માતાના દર્શન કરવા જતા હતા ત્યારે રસ્તામાં કાળ ભેટ્યો access_time 1:19 am IST