Gujarati News

Gujarati News

News of Tuesday, 20th November 2018

ચાણસ્માના પીંપળ ગામ નજીક ઈનોવા ગાડી ટ્રકમાં ઘુસી જતાં યુવકનું કરૂણમોત

૧૦ માસ અગાઉ મૃતક યુવકનાં લગ્ન થયા હતા

ચાણસ્મા તાલુકાના પીંપળ ગામ નજીક રોડની સાઈડમાં ઉભેલી ટ્રકની પાછળ ઈનોવા કાર ઘૂસી જતાં ઈનોવામાં સવાર એક યુવકનું ગંભીર ઈજાના કારણે મોત થયું હતું. જ્યારે અન્ય બે જણાને ઈજા થતાં મહેસાણા ખાતે સારવાર માટે ખસેડાયા હતા.

  આ અનેગની વિગત મુજબ ચાણસ્મા તાલુકાના પીંપળ ગામના વતની અને જૂનાગઢ આંગડિયા પેઢીમાં નોકરી કરતા ઠાકોર કનુજી ચતુરજી તેમના બે મિત્રો કિરણજી દિવાનજી અને ઠાકોર નિકુલજી ઈશ્વરજીને લઈ રાત્રે ૮ વાગે લણવા ગામે ઈનોવા ગાડી (જીજે-૧૧એ એસ-૩૦૧૬)માં પેટ્રોલ ભરાવવા ગયા હતા જ્યાંથી પરત પીંપળ આવી રહ્યા હતા ત્યારે પીંપળ નજીક ટ્રક (પીબી ૦પ ડબલ્યૂ ૯૬૧૩) ને પંકચર પડેલું હોઈ રોડની સાઈડમા ઉભી રાખી હતી, જેની પાછળ ઈનોવા ઘૂસી ગઈ હતી. જે અકસ્માતમાં ઈનોવામાં બેઠેલા ઠાકોર કિરણજી દિવાનજી (ઉ.વ.૧૯)નું ગંભીર ઈજાના કારણે મોત થયું હતું. જ્યારે ઈનોવા ચાલક કનુજી ચતુરજી અને ઠાકોર નિકુલજી ઈશ્વરજીને ગંભીર ઈજા થતાં મહેસાણા ખાતે સારવાર માટે લઈ જવાયા હતા. મૃતકનું મહેસાણા સિવિલમાં પીએમ કરાયું હતું. ઘટના બાદ ટ્રક ચાલક વાહન મૂકીને નાસી ગયો હતો.
   અકસ્માત અંગે મૃતકના દાદા ઠાકોર સોમાજી માનાજીએ ચાણસ્મા પોલીસ મથકે ફરિયાદ નોંધાવી હતી.અત્રે ઉલ્લેખનીય છે કે, મૃતક કિરણજી ઠાકોરના દશેક માસ અગાઉ ચાણસ્મા મીઠીધારીઆલ ગામે લગ્ન થયાં હતાં. આ ઘટનાથી પરિવાર સહિત ગ્રામજનોમાં ઘેરા શોકની લાગણી છવાઈ ગઈ હતી

(1:00 am IST)
  • જમ્મુ કાશ્મીરમાં મહાગઠબંધનના વિચારથી બીજેપી બેચૅન બની :જમ્મુ કાશ્મીર વિધાનસભા ભંગ થયા બાદ પૂર્વ મુખ્યમંત્રી અને પીડીપી નેતા મહેબુબા મુફ્તીએ સિલસિલાબંધ ટ્વીટ કર્યા : મેહબૂબાએ ટ્વીટ કર્યું કે એક રાજનેતા તરીકે 26 વર્ષની કેરિયરમાં મેં ઘણું જોયું છે :ઉંમર અબ્દુલ્લા અને અંબિકા સોનીનો હૃદય પૂર્વક આભાર માનીશ કે જેઓએ અસંભવ જણાતી વસ્તુને હાંસલ કરવામાં મદદ કરી access_time 1:08 am IST

  • સુરત : કાપડ ઉદ્યોગમાં મહિલા રોજગાર અંગે થશે સ્ટડી :કાપડ મંત્રાલયની પાર્લામેન્ટ્રી કમિટીની ટીમ 28મી નવેમ્બરના રોજ મુલાકાત લેશે :હેન્ડલુમ-હેન્ડિક્રાફટમાં કામ કરતી મહિલાઓની મુલાકાત લેશે :મહિલાઓ સાથે મુલાકાત કરી ડિટેઈલ રિપોર્ટ તૈયાર કરાશે access_time 4:31 pm IST

  • જમ્મુ કાશ્મીરમાં તાત્કાલિક આચારસંહિતા લાગુ કરવી કે કેમ ?: ચૂંટણી પંચ કરશે સમીક્ષા : ચૂંટણી આયોગે તાજેતરમાં નિર્ણય કર્યો હતો કે જે રાજ્યોમાં સમય પહેલા વિધાનસભા ભંગ કરી દેવાઈ છે ત્યાં આચાર સંહિતા તુરત લાગુ કરી કરવી access_time 1:18 am IST