Gujarati News

Gujarati News

News of Sunday, 21st October 2018

શહેરી વિસ્તારોમાં સ્ટ્રીટલાઇટ હટાવવા અને વિજળી ઉપરનો ખર્ચ ઘટાડવા માટે ૨૦૨૦ સુધીમાં પોતાનો જ કૃત્રિમ ચાંદો લોન્ચ કરશે ચીન

ચીને તેના શહેરી વિસ્તારોમાં સ્ટ્રીટ લાઈટ હટાવવા અને વીજળી પરનો ખર્ચ ઘટાડવા માટે વર્ષ 2020 સુધી પોતાનો જ કુત્રિમ ચાંદો લોન્ચ કરવાની યોજના બનાવી છે. ચાઈના ડેઈલીએ શુક્રવારે જાહેર કરેલા રિપોર્ટ પ્રમાણે દક્ષિણ પશ્ચિમી સિચુઆન પ્રાંતનું ચેંગદુ શહેર પ્રકાશ ઉત્પન્ન કરવા માટે એક ઉપગ્રહ બનાવી રહ્યું છે. આ કુત્રિમ ચંદ્ર વાસ્તવિક ચંદ્રની જેમ જ ચમકશે, પણ તેની તુલનામાં આઠગણી વધારે રોશની આપશે.

2022માં ત્રણ વધુ કુત્રિમ ચંદ્ર તૈયાર કરવામાં આવશે

કુત્રિમ ચાંદાની આ પરિયોજના પર કામ કરી રહેલ સંગઠન તિયાન ફુ ન્યૂ એરિયા સાયન્સ સોસાયટીના પ્રમુખ વુ ચુનફેંગે કહ્યું કે પ્રથમ માનવ નિર્મિત ચંદ્ર શિંચાંગ ઉપગ્રહ પ્રક્ષેપણ કેન્દ્રમાં તૈયાર કરવામાં આવશે અને પ્રથમ પ્રક્ષેપણની સફળતા પર 2022માં ત્રણ વધુ કુત્રિમ ચંદ્ર તૈયાર કરવામાં આવશે.

કુત્રિમ ચંદ્ર દ્વારા 17 કરોડ ડોલરની બચત થશે

ચાઈના ડેઈલીને આપેલા એક ઈન્ટરવ્યૂમાં તેઓએ જણાવ્યું કે કુત્રિમ ચંદ્રનું પ્રથમ પ્રક્ષેપણ પ્રાયોગિક ધોરણે કરવામાં આવશે પણ વર્ષ 2022માં જે ઉપગ્રહ મોકલવાનો છે તે વાસ્તવિક હશે અને તેનો ઉપયોગ મોટાપાયે નાગરિક અને વાણિજ્યિક ઉપયોગ માટે કરવામાં આવશે. સૂર્યના પ્રકાશની જેમ ચમકનાર આ ઉપગ્રહ જો 50 વર્ગ કિલોમીટર સુધીના વિસ્તારને પ્રકાશિત કરવા માટે સક્ષમ છે તો શહેરી વિસ્તારોમાં રસ્તાઓ પર લાગેલી સ્ટ્રીટ લાઈટની તે જગ્યા લઈ શકે છે કે જેનાથી વર્ષે 1.2 અરબ યુઆનની એટલે કે 17 કરોડ ડોલરની બચત થશે.

(12:00 am IST)
  • ભાવનગરના નગરસેવીકાના પુત્ર પર જીવલેણ હુમલો:કોંગ્રેસના કરચલિયા પરા વોર્ડના ગવુબેન ચૌહાણના પુત્ર પર હુમલો: નગરસેવીકાનો પુત્ર બિપિન ચૌહાણના સાસરે કોળિયાક ગામે બન્યો બનાવ:માતાજીના નિવેદમાં ગયેલા બિપિન પર ત્રણ શખ્સનો હુમલો:પડખામાં અજણયા ત્રણ શખ્સોએ મારી છરી:બીપીનને ગંભીર હાલતે ભાવનગરમાં ઓપરેશન કરાયું access_time 9:47 pm IST

  • સુરત :કડોદરા વિસ્તારમાં થયેલી હત્યાનો ભેદ ઉકેલાયો:ત્રણ દિવસ અગાઉ કડોદરાના તાતીથૈયામાં ચોરી કરવા આવેલા યુવકને લોકોએ મારમારી મોતને ઘાટ ઉતાર્યો હતો : ચોરી કરવા આવેલો રોશન નામના યુવાને એકલી મહિલાને જોઈ કર્યો હતો છેડતીનો પ્રયાસ : ઘટનાના વધુ 2 આરોપીને કર્યા વોન્ટેડ જાહેર access_time 9:39 pm IST

  • દ્વારકા:પાકિસ્તાનની ફરી નાપાક હરકત:ભારતીય જળસીમામાંથી 2 બોટોના અપહરણ:15થી વધુ ખલાસીઓના પણ અપહરણની આશંકા:અપહરણ કરાયેલી બોટો ઓખા-બેટની:અપહરણ કરાયેલી બોટોનો આક વધવાની આશંકા : ખુદા દોસ્તએ કરમ અને અલ ગરીબે નવાઝ નામની બોટોના અપહરણ access_time 9:44 pm IST