Gujarati News

Gujarati News

News of Monday, 21st September 2020

IPL -2020 :રોમાંચક મેચમાં બેંગ્લોરે 10 રને હૈદરાબાદને હરાવ્યું : ચહલે ત્રણ વિકેટ ઝડપી

સનરાઇઝર્સ હૈદરાબાદની ટીમ 19.4 ઓવરમાં 153 રન બનાવી ઓલઆઉટ થઈ ગઈ

 

દુબઈઃ દુબઈ ઈન્ટરનેશનલ સ્ટેડિયમ ખાતે રમાયેલી ઈન્ડિયન પ્રીમિયર લીગની ત્રીજી મેચમાં રોયલ ચેલેન્જર્સ બેંગલોરએ સનરાઇઝર્સ હૈદરાબાદને 10 રને હરાવ્યું હતું  વિરાટ સેનાએ ટોસ હારીને પ્રથમ બેટિંગ કરતા 20 ઓવરમાં એબી ડિવિલિયર્સ (51) અને દેવદત્ત પડિક્કલ (56)ની અડધી સદીની મદદથી 20 ઓવરમાં 5 વિકેટે 163 રન બનાવ્યા હતા. જેના જવાબમાં સનરાઇઝર્સ હૈદરાબાદની ટીમ 19.4 ઓવરમાં 153 રન બનાવી ઓલઆઉટ થઈ ગઈ હતી. બેંગલોર તરફથી ચહલે શાનદાર બોલિંગ કરતા 4 ઓવરમાં 18 રન આપીને ત્રણ વિકેટ ઝડપી હતી

આરસીબીએ આપેલા 164 રનનો પીછો કરવા માટે ઉતરેલી હૈદરાબાદની ટીમને પ્રથમ ઝટકો કેપ્ટન ડેવિડ વોર્નરના રૂપમાં લાગ્યો હતો. તે દુર્ભાગ્યપૂર્ણ રીતે માત્ર 6 રન બનાવી રનઆઉટ થયો હતો. આમ ટીમે 18 રનના સ્કોર પર પ્રથમ વિકેટ ગુમાવી હતી. ત્યારબાદ મનીષ પાંડે અનેજોની બેયરસ્ટોએ બીજી વિકેટ માટે 81 રનની ભાગીદારી કરી હતી. ટીમનો સ્કોર 89 રન હતો ત્યારે મનીષ પાંડે (34) રન બનાવી આઉટ થયો હતો. તેણે 33 બોલમાં 3 ચોગ્ગા અને 1 છગ્ગો ફટકાર્યો હતો. જોની બેયરસ્ટોએ શાનદાર ફોર્મ જારી રાખતા 43 બોલમાં 61 રન બનાવ્યા હતા. તેણે દરમિયાન 6 ચોગ્ગા અને 2 છગ્ગા ફટકાર્યા હતા. યુવા બેટ્સમેન પ્રિયમ ગર્ગ (12)ને શિવમ દુબેએ બોલ્ડ કર્યો હતો.

અભિષેક શર્મા (7) રન બનાવી રનઆઉટ થયો હતો. ત્યારબાદ 18મી ઓવરમાં નવદીપ સૈનીએ ભુવનેશ્વર કુમાર (0) અને રાશિદ ખાન (6)ને બોલ્ડ કર્યાં હતા. બેંગલોર તરફથી ચહલે 18 રન આપીને ત્રણ, નવદીપ સૈની તથા શિવમ દુબેએ બે-બે વિકેટ ઝડપી હતી. તથા ડેલ સ્ટેનને એક સફળતા મળી હતી

એક સમયે લાગી રહ્યું હતું કે હૈદરાબાદની ટીમ આસાનીથી મેચ જીતી જશે. ત્યારે ઈનિંગની 16મી ઓવર ફેંકવા આવેલ યુજવેન્દ્ર ચહલે બેંગલોરની વાપસી કરાવી હતી. તેણે પહેલા જોની બેયરસ્ટો (61)ને બોલ્ડ કર્યો અને ત્યારબાદ ક્રિઝ પર આવેલા વિજય શંકર (0)ને બોલ્ડ કર્યો હતો

(11:53 pm IST)
  • ભારત-ચીનના : કોર્પ્સ કમાન્ડર લેવલના લશ્કરના ઉચ્ચ અધિકારીઓ વચ્ચે સરહદ મડાગાંઠ બાબતે ૬ઠ્ઠા રાઉન્ડની મંત્રણા ચાલુ છે. access_time 4:00 pm IST

  • મંત્રીઓ સહિત તમામ ધારાસભ્યોના પગારમાં 30 ટકા કાપ બિલ પાસ. આ બિલ પર કોંગ્રેસનું સમર્થન. ધાનાણીએ કહ્યું- પગાર સાથે સરકારી તહેવારો, તાયફા પાછળ ખર્ચ ઘટાડો access_time 11:21 pm IST

  • સારા સમાચાર : ભારતમાં પૂનાની સસૂન જનરલ હોસ્પિટલમાં ઓક્સફર્ડ ની કોવીડ -19 રસીના ત્રીજા ચરણનું માનવ તબીબી પરીક્ષણ શરૂ કરાયું. access_time 11:20 pm IST