Gujarati News

Gujarati News

News of Monday, 21st September 2020

કોરોના વાયરસ ઈફેક્ટ :ઈકરાએ એર ઇન્ડિયા એક્સપ્રેસનું ટૂંકાગાળાની લોન રેટિંગ ઘટાડ્યું

રેટિંગમાં સંશોધનથી કંપની પર આગામી પ્રભાવનો પણ સંકેત

નવી દિલ્હી :રેટિંગ એજન્સી ઈકરાએ એર ઇન્ડિયા એક્સપ્રેસ લિમિટેડના ટૂંકાગાળાની લોનની રેટિંગ A4+થી ઘટાડીને A4 કરી દીધી છે. કોરોના રોગચાળાને કારણે હવાઈ મુસાફરી પર પડેલા વિપરીત દબાણને કારણે એજન્સીએ આ રેટિંગ ઘટાડ્યું છે. ઈકરાના અનુસાર રેટિંગમાં સંશોધનથી કંપની પર આગામી પ્રભાવનો પણ સંકેત મળે છે.

રેટિંગમાં નેગેટિવ નેટવર્થ અને એર ઇન્ડિયા લિમિટેડ તથા અન્ય કંપનીઓ માટે ઊંચી જવાબદારીઓને કારણે એર ઇન્ડિયા એક્સપ્રેસ લિમિટેડની દબાણગ્રસ્ત લોન પ્રોફાઈલ પર ધ્યાન આપવામાં આવ્યું છે. કંપનીએ માર્ચ 2020થી ઓગષ્ટ 2020 સુધી પોતાના બેન્કર્સ પાસેથી મોરોંટોરિયમનો વિકલ્પ પસંદ કર્યો હતો.

મોરોંટોરિયમથી રોગચાળા પ્રભાવિત લોનધારકોને 6 માસ સુધી ચુકવણી નહીં કરવાની સુવિધા મળી છે. કંપનીએ નાણાકીય વર્ષ 20માં રૂ.455.5 કરોડનો ચોખ્ખો નફો નોંધાવ્યો હતો જયારે નાણાંકીય વર્ષ 19માં નફો રૂ.164.4 કરોડ નોંધાયો હતો.એર ઇન્ડિયાની સંપૂર્ણ માલિકી ધરાવતું સબસિડિયરી યુનિટ એર ઇન્ડિયા એક્સપ્રેસની સ્થાપના વ્યાજબી એરલાઇનની રીતે વર્ષ 2005માં કરવામાં આવી હતી.

(6:33 pm IST)
  • જેતપુર: જેતપુરથી ગોંડલ તરફ વીજળી ના કડાકા ભડાકા - પવન સાથે વરસાદ તૂટી પડયો છે. આખો દિવસ બફારો રહ્યા બાદ મેઘરાજાનું આગમન થતાં ગરમીમાંથી રાહત મળી છે : શહેરમાં બપોર સુધી ભારે બફારા બાદ ૩:૪૫વાગ્યા થી વીજળી ના કડાકા ભડાકા સાથે વરસાદ તુટી પડયો હતો. વરસાદી પાણી રસ્તા ઉપર ફરી વળ્યા હતા access_time 4:21 pm IST

  • રાજકોટ શહેર અને જિલ્લામાં એક તરફ કોરોના સંક્રમણની સ્થિતિ ચિંતાજનક છે. ત્યારે છેલ્લાં 15 દિવસના આંકડાઓએ આરોગ્ય તંત્રને રાહત આપી છે. છેલ્લાં 15 દિવસ દરમિયાન રીકવરી રેટ 53 ટકાથી વધીને 76 ટકા પર પહોંચ્યો છે તેમ શ્રી ગુપ્તાએ જણાવ્યુ હતું. access_time 7:28 pm IST

  • સીબીઆઈ દ્વારા ડેરી - આઈક્રીમ નિર્માતા કંપની ક્વાલિટી લિમિટેડ અને તેના ડિરેક્ટર્સ પર 1,400 કરોડના બેંક ઓફ ઈન્ડિયા હેઠળ ના 10 બેન્કના કન્સોર્ટિયમ સાથે ફ્રોડનો કેસ કર્યો : સીબીઆઈએ સોમવારે દિલ્હી અને સહારનપુર, બુલંદશહેર (ઉત્તર પ્રદેશ), અજમેર (રાજસ્થાન), પલવાલ (હરિયાણા) સહિતના અનેક શહેરોમાં કંપની અને તેના ડિરેક્ટર સહિતના આઠ સ્થળો પર તલાશી શરૂ કરી access_time 11:19 pm IST