Gujarati News

Gujarati News

News of Monday, 21st September 2020

૩૦૦થી ઓછા કર્મચારીઓ ધરાવતી કંપનીઓ સરકારની મંજૂરી લીધા વગર કર્મચારીઓને રાખી અને કાઢી શકશે : શ્રમ મંત્રાલય

નોકરી કરતા લોકો માટે વધુ એક ચિંતાના સમાચાર

નવી દિલ્હી,તા.૨૧ : ૩૦૦થી  ઓછા કર્મચારીઓ ધરાવતી કંપનીઓ ટૂંક સમયમાં સરકારની મંજૂરી લીધા વગર કર્મચારીઓને રાખી અને કાઢી શકશે, શ્રમ મંત્રાલય શનિવારે લોકસભામાં રજૂ કરાયેલા એક ખરડામાં આ માટેના સુધારાની દરખાસ્ત કરી છે.

આ દરખાસ્ત મંત્રાલય અને મજૂર સંગઠનો વચ્ચે વિવાદનો મુખ્ય મુદ્દો છે, ઈન્ડસ્ટ્રીયલ રિલેશન કોડ બિલ ૨૦૨૦માં આ દરખાસ્ત કરાઈ છે. વર્તમાન સમયમાં માત્ર તે કંપનીઓને સરકારની મંજૂરી વગર પોતાના કર્મચારીઓને રાખવાની અને કાઢવાની મંજૂરી છે જેના કર્મચારીઓની સંખ્યા ૧૦૦થી ઓછી હોય.શ્રમ મંત્રી સંતોષ ગંગવારે આ ખરડો રજૂ કર્યુ હતુ જયારે કોંગ્રેસ અને અન્ય અમુક પક્ષોએ તેનો વિરોધ કર્યો હતો.

ઈન્ડસ્ટ્રીયલ રિલેશન કોડ બિલ ૨૦૧૯ લોકસભા ુ હતુ. આ બિલ શનિવારે પાછો ખેંચી લેવાયુ હતુ. આ પહેલાં ખરડાનો મુસદ્દો શ્રમ મંત્રાલય દ્વારા ચર્ચા માટે રજૂ કરવામાં આવ્યુ હતુ તેમાં પણ આ પદ્ઘતિની દરખાસ્ત કરાઈ હતી કે ૩૦૦થી ઓછા કર્માચરીઓ હોય એવી કંપનીઓ સરકારની મંજૂરી વગર નોકરી પર કર્મચારીઓને રાખી શકે છે અને કાઢી શકે છે. જો કે આ જોગવાઈનો મજૂર સંગઠનોએ ભારે વિરોધ કર્યો હતો અને તે ૨૦૧૯ના ખરડામાં સામેલ કરાઈ ન હતી. આ વર્ષની શરૂઆતમાં સંસદીય કમિટિએ પણ ૩૦૦થી ઓછા કર્મચારીઓ ધરાવતી કંપનીઓને સરકારની મંજૂરી વગર કર્મચારીઓ નિયુકત કરવા અને તેમને કાઢવાની મંજૂરી આપવાની ભલામણ કરી હતી.

ભારતમાં કોરોનાકાળમાં ફકત ચાર મહિનામાં જ ૬૬ લાખ જેટલા વ્હાઇટ કોલર વ્યવસાયિકોએ પોતાની નોકરીઓ ગુમાવવી પડી છે. વ્હાઇટ કોલર જોબ ગુમાવનાર આવા લોકોમાં એન્જિનિયરો , શિક્ષકો , પ્રોફેસરો, એકાઉન્ટન્ટો વગેરેનો સમાવેશ થાય છે. મે મહિનાથી લઇને ઓગસ્ટ સુધીમાં આ સ્થિતિ ઉત્પન્ન થઇ છે. સેન્ટર ફોર મોનિટરિંગ ઇન્ડિયન ઇકોનોમિકસના આંકડાઓ પ્રમાણે આ રીતે વ્હાઇટ કોલર જોબના સેકટરમાં રોજગારીનો આંકડો ૨૦૧૬ પછી સૌથી નીચા સ્તરે પહોંચી ગયો છે.

એ વાત સ્પષ્ટ છે કે છેલ્લા ચાર વર્ષમાં રોજગારીની બાબતમાં જે વિકાસ થયો હતો તે બધો ધોવાઇ ગયો છે. સીએમઆઇઇના આંકડા પ્રમાણે આ ચાર મહિના દરમ્યાન ૫૦ લાખ મજૂરોએ પણ પોતાની રોજગારી ગુમાવવી પડી છે. જો કે સીએમઆઇઇના કન્ઝયુમર પિરામિડ હાઉસહોલ્ડના  સર્વે પ્રમાણે આ દરમ્યાન નોકરીઓમાં સૌથી વધુ નુકસાન વ્હાઇટ કોલર પ્રોફેશનલોએ જ ઉઠાવવુ પડ્યુ છે.

(4:06 pm IST)
  • સીબીઆઈ દ્વારા ડેરી - આઈક્રીમ નિર્માતા કંપની ક્વાલિટી લિમિટેડ અને તેના ડિરેક્ટર્સ પર 1,400 કરોડના બેંક ઓફ ઈન્ડિયા હેઠળ ના 10 બેન્કના કન્સોર્ટિયમ સાથે ફ્રોડનો કેસ કર્યો : સીબીઆઈએ સોમવારે દિલ્હી અને સહારનપુર, બુલંદશહેર (ઉત્તર પ્રદેશ), અજમેર (રાજસ્થાન), પલવાલ (હરિયાણા) સહિતના અનેક શહેરોમાં કંપની અને તેના ડિરેક્ટર સહિતના આઠ સ્થળો પર તલાશી શરૂ કરી access_time 11:19 pm IST

  • રાજકોટ શહેર અને જિલ્લામાં એક તરફ કોરોના સંક્રમણની સ્થિતિ ચિંતાજનક છે. ત્યારે છેલ્લાં 15 દિવસના આંકડાઓએ આરોગ્ય તંત્રને રાહત આપી છે. છેલ્લાં 15 દિવસ દરમિયાન રીકવરી રેટ 53 ટકાથી વધીને 76 ટકા પર પહોંચ્યો છે તેમ શ્રી ગુપ્તાએ જણાવ્યુ હતું. access_time 7:28 pm IST

  • 188 દિવસના ઇન્તજાર પછી આજ સોમવારે ખુલ્લો મુકાયો ભારતની શાન સમો ' તાજમહેલ ' : કોવિદ -19 ના નિયમોના પાલન સાથે તાજના દીદાર જોવાનો લહાવો આજથી શરૂ : એક દિવસમાં 5 હજારથી વધુ પ્રવાસીઓને પ્રવેશ નહીં access_time 1:50 pm IST