Gujarati News

Gujarati News

News of Monday, 21st September 2020

દિલ્હીની ફાઇવસ્ટાર હોટલમાં ગેંગરેપઃ ખળભળાટ

ટુરીસ્ટ ગાઇડ અને ટીકીટ બુકીંગ એજન્ટનું કામ કરતી ૨૭ વર્ષની યુવતી ઉપર ગેંગરેપઃ મુખ્ય આરોપી મુકેશ ઝડપાયો

નવી દિલ્હીઃ નવી દિલ્હીની એક ફાઇવસ્ટાર હોટલમાં એક યુવતી પર ગેંગરેપની ઘટના બહાર આવી છે. પોલીસ અનુસાર પીડીત યુવતી નોર્થ ઇસ્ટની વતની છે અને દિલ્હીમાં સાકેત આસપાસ રહે છે તેની ઉમર ૨૭ વર્ષ છે અને તે પરણીત છે.  પણ તેનો પતિ અત્યારે દિલ્હીથી કયાંક બહાર ગયેલ છે. યુવતીનો આરોપ છે કે તેની પૈસાની સખત જરૂર હતી અને તેનો ફાયદો ઉઠાવીને તેના એક ઓળખીતાએ પોતાના જોડીદારો સાથે ગેંગરેપ કર્યો  હતો. પોલીસે આ કેસમાં મુખ્ય આરોપી મુકેશને ઝડપી લીધો છે.

નવી દિલ્હીના ડિસીપી ડોે. ઇશ સિંધલ અનુસાર આરોપી ઓળખ શેખ સરાય નિવાસી મનોજ શર્મા (૪૮) તરીકે થઇ છે. આરોપ છે કે તેણે યુવતીના ઓછા દરે લોન અપાવવાના બહાને હોટલમાં બોલાવી હતી. યુવતી પણ તેને પહેલાથી ઓળખતી હતી. મનોજ એક કોન્ટ્રાકટર છે. તેની સામે યુવતીના બયાનના આધારે કોનોટ પ્લેસ પોલીસ સ્ટેશનમાં ગેંગરેપ અને મારપીટ કરીને ઇજા  પહોંચાડવાની કલમો હેઠળ કેસ નોંધવામાં આવ્યો છે.

પોલીસ અનુસાર આ ઘટના શુક્રવાર રાતની છે પણ પોલીસને શનિવારે રાત્રે તેની જાણ કરાઇ હતી. પીડીત યુવતીએ પોલીસને જણાવ્યુ કે તે ટુરીસ્ટ ગાઇડ અને ટીકીટ બુકીંગ એજન્ટ તરીકે કામ કરે છે. તે ઘરેથી જ કામ કરતી હતી લોકડાઉનના કારણે તેનુ કામ લગભગ બંધ થઇ ગયુ હતુ અને તેના પતિનું કામકાજ પણ બરાબર નહોતુ ચાલી રહયુ તેના લીધે તેમને પૈસાની સખત જરૂર હતી. એવામાં તેમના એક ઓળખીતા મનોજે ઓછા  વ્યાજની લોન આપવાની વાત કરીને તેને હોટલમાં મળવા બોલાવી હતી. જયાં આ ઘટના બની હતી.

(1:06 pm IST)
  • સીબીઆઈ દ્વારા ડેરી - આઈક્રીમ નિર્માતા કંપની ક્વાલિટી લિમિટેડ અને તેના ડિરેક્ટર્સ પર 1,400 કરોડના બેંક ઓફ ઈન્ડિયા હેઠળ ના 10 બેન્કના કન્સોર્ટિયમ સાથે ફ્રોડનો કેસ કર્યો : સીબીઆઈએ સોમવારે દિલ્હી અને સહારનપુર, બુલંદશહેર (ઉત્તર પ્રદેશ), અજમેર (રાજસ્થાન), પલવાલ (હરિયાણા) સહિતના અનેક શહેરોમાં કંપની અને તેના ડિરેક્ટર સહિતના આઠ સ્થળો પર તલાશી શરૂ કરી access_time 11:19 pm IST

  • ફાંસીવાદી સરકાર સામે સંસદથી સડક સુધી લડત આપીશ : કૃષિ બિલનો વિરોધ કરનાર 8 સાંસદો સસ્પેન્ડ થવા સામે મમતા બેનરજીનો આક્રોશ : લોકશાહીના નિયમોનું સરકાર ઉલ્લંઘન કરી રહી હોવાનો આક્ષેપ access_time 1:04 pm IST

  • રાજકોટ શહેર અને જિલ્લામાં એક તરફ કોરોના સંક્રમણની સ્થિતિ ચિંતાજનક છે. ત્યારે છેલ્લાં 15 દિવસના આંકડાઓએ આરોગ્ય તંત્રને રાહત આપી છે. છેલ્લાં 15 દિવસ દરમિયાન રીકવરી રેટ 53 ટકાથી વધીને 76 ટકા પર પહોંચ્યો છે તેમ શ્રી ગુપ્તાએ જણાવ્યુ હતું. access_time 7:28 pm IST