Gujarati News

Gujarati News

News of Monday, 21st September 2020

ટિક્ટોક પર અમેરિકામાં હવે નહી લાગે પ્રતિબંધ

અમેરિકામાં ટકવા ટિક્ટોકે મોટી કિંમત ચૂકવી: ઓરેકલ અને વોલમાર્ટ સાથે ડીલ : નવી કંપની બનાવવી પડશે

નવી દિલ્હી : આખરે ભારત બાદ અમેરિકામાંથી પણ ટિક્ટોકના પ્રતિબંધનો ખતરો ટળ્યો છે. ટિક્ટોકે જો કે કારોબાર ટકાવી રાખવા સામે મોટી કિંમત ચૂકવી છે. ટિક્ટોકના અમેરિકામાં કારોબાર સંદર્ભે ઓરેકલ અને વોલમાર્ટ સાથે ડીલના પ્રસ્તાવને અમેરિકાના રાષ્ટ્રપતિ ડોનાલ્ડ ટ્રમ્પ સૈદ્ધાંતિક મંજૂરી આપી દીધી હોવાના અહેવાલ સામે આવી રહ્યાછે

ટિક્ટોકની અમેરિકન ડીલ અનુસાર નવી કંપની બનાવી ૨૫ હજાર યુવાનોને નોકરી આપવી પડશે અને ટિક્ટોક અમેરિકામાં યુવાનોના શિક્ષણ માટે ૫ અરબ ડોલર અનુદાન આપવું પડશે. બીજી તરફ અમેરિકન નાગરિકોને ટ્રમ્પએ આશ્વાસન આપ્યું છે કે ટિક્ટોક ચાલુ રખાશે તો સુરક્ષાનુ ૧૦૦ ટકા ધ્યાન રાખવામાં આવશે. સ્પષ્ટતા કરવામાં આવી છે કે નવી બનનાર કંપનીના ચીન સાથે કોઈ લેવાદેવા રહેશે નહિ.

અમેરિકામાં ટિક્ટોકની નવી બનનાર કંપનીનું નામ ટિક્ટોક ગ્લોબલ રાખવામાં આવ્યું છે. કંપનીમાં ઓરેકલની ૧૨.૫ ટકાની ભાગેદારી છે. એપના તમામ દેતા ઓરેકલ પોતાની પાસે સુરક્ષિત રાખશે તો વોલમાર્ટની હિસ્સેદારી ૭.૫ ટકા રહેશે. આમતો ટિક્ટોકની મલિક કંપની બાઈટડાન્સની હિસ્સેદારી ૮૦ ટકા છે પણ તે કંપનીમાં ૪૦ ટકા ભાગીદારી અમેરિકનોની હોવાથી ઓરેકલ અને વોલમાર્ટ ઉપરાંત નિવેશકોને જોડવામાં આવે તો કંપનીમાં પરોક્ષરીતે અમેરિકાની હિસ્સેદારી ૫૩ ટકા થાય છે

Attachments area

(11:58 am IST)
  • ભારત અને ચીન આવતીકાલે સવારે 11 વાગ્યે, ચુશુલ-મોલ્ડોની ચીની બાજુમાં, છઠ્ઠા કોર્પ્સ કમાન્ડર કક્ષાનો સંવાદ યોજશે. મોસ્કોમાં બંને દેશોના વિદેશ મંત્રીઓની બેઠક બાદ આ પહેલી કોર્પ્સ કમાન્ડર બેઠક હશે. MEA ના જોઇન્ટ સેક્રેટરી પણ ઉપસ્થિત રહે તેવી સંભાવના છે. access_time 10:04 pm IST

  • ભારત સાથે એલએસીના વધી રહેલા ઘર્ષણ વચ્ચે, ચીની સૈન્ય PLA દ્વારા એક અહેવાલ મુજબ 3 નવા મોરચા ભારત વિરુધ્ધ ખોલવામાં આવ્યા છે. દક્ષિણ ચીન સમુદ્રમાં કવાયત હાથ ધરવાની સાથે ચીની સૈન્યની પશ્ચિમી થિયેટર કમાન્ડ દ્વારા તાજેતરમાં ઝિંજિયાંગ અને તિબેટમાં પણ સૈન્યબળ વધારવામાં આવી રહયાનું જાણવા મળે છે. access_time 7:28 pm IST

  • અત્યારે રાત્રે 10:45 વાગે ઈન્સેટ તસવીરમાં સૌરાષ્ટ્ર ગુજરાત ઉપર પ્રચંડ વાદળા છવાયેલા જોવા મળે છે. રાજકોટ ઉપર વાદળાઓની ભયંકર ગડગડાટી થઈ રહી છે.. access_time 11:04 pm IST