Gujarati News

Gujarati News

News of Monday, 21st September 2020

અડધી રાત સુધી ચાલી સંસદઃ લોકસભામાં આ ૪ અગત્યના બિલ થયા પાસ

નવી દિલ્હી, તા.૨૧: કૃષિ બિલોને લઈને રવિવારે રાજયસભા જયાં હોબાળાના કારણે સમાચારોમાં રહી, તો લોકસભાની કાર્યવાહી શાંતિપૂર્ણ રીતે અડધી રાત સુધી ચાલી. લોકસભા અધયક્ષ ઓમ બિરલાએ તમામ સભ્યોની સહમતિથી શૂન્ય કાળની કાર્યવાહી શરૂ કરી. આ દરમિયાન ૮૮ સભ્યોએ જનહિતના અગત્યના મુદ્દા ઉઠાવ્યા. આ દરમિયાન લોકસભામાં મંત્રીઓના પગાર અને ભથ્થા (સંશોધન) બિલ, ૨૦૨૦ પાસ થઈ ગયું, જેમાં કોવિડ-૧૯ મહામારીના કારણે સાંસદોના પગાર, ભથ્થામાં ૩૦ ટકાના ઘટાડાની જોગવાઈ છે. આ બિલ રાજયસભામાં ૧૮ સપ્ટેમ્બરે જ પાસ થઈ ચૂકયું હતું.

રાત્રે ૧૨:૩૬ વાગ્યા સુધી લોકસભાની કાર્યવાહી દરમિયાન ધ બાઇલેટરલ નેટિંગ ઓફ કવાલિફાઇડ ફાઇનાન્સિયલ કોન્ટ્રાકટ્સ બિલ ૨૦૨૦, રાષ્ટ્રીય રક્ષા યુનિવર્સિટી બિલ ૨૦૨૦ અને ધ નેશનલ ફોરેન્સિક સાયન્સ યુનિવર્સિટી બિલ ૨૦૨૦ પણ પાસ થઈ ગયું છે.

કાર્યવાહી શરૂ થવામાં એક કલાકની વિલંબ ચોક્કસ થયો, પરંતુ કાર્યવાહી નિયત સમયથી ૫:૩૬ કલાક વધુ ચાલી. સ્પીકર ઓમ બિરલાએ ગૃહની કાર્યવાહીને સોમવાર સાંજે ૩ વાગ્યા સુધી સ્થગિત કરી દીધી છે. નોંધનીય છે કે કોવિડના કારણે લોકસભાની કાર્યવાહી માટે સાંજે ૩ વાગ્યાથી ૭ વાગ્યા સુધીનો સમય નિશ્યિત છે. સોમવારે ૯ વાગ્યાથી ૧ વાગ્યા સુધી રાજયસભાની કાર્યવાહી થશે.

આ પહેલા લોકસભામાં કોરોના પર ફરી એકવાર ચર્ચા થઈ, જે મોડે સુધી ચાલી. સ્પીકરે દેશમાં કોવિડ-૧૯ મહામારી પર ચર્ચાની શરૂઆત પહેલા પોતાનું વકતવ્ય આપ્યું. તેઓએ કહ્યું કે દેશ ચર્ચા અને પારસ્પરિક સમન્વયથી કોરોના વાયરસ પર કાબૂ મેળવી લેશે. કોવિડ-૧૯ પર ચર્ચાની શરૂઆત કરતાં કો ંગ્રેસ સાંસદ શશિ થરૂરે કહ્યું કે દેશમાં કોરોનાની સ્થિતિ સમગ્ર દુનિયાને મુકાબલે ખૂબ ખરાબ છે. તેઓએ કહ્યું કે, ન તો આપણે વાયરસના પ્રસારને રોકી શકયા અને ન તો અર્થવ્યવસ્થાની ગતિ કાયમ રાખવામાં સક્ષમ થયા. જીડીપી ૪૧ વર્ષમાં પહેલીવાર માઇનસમાં જતો રહ્યો છે.

(9:58 am IST)
  • ભારત સાથે એલએસીના વધી રહેલા ઘર્ષણ વચ્ચે, ચીની સૈન્ય PLA દ્વારા એક અહેવાલ મુજબ 3 નવા મોરચા ભારત વિરુધ્ધ ખોલવામાં આવ્યા છે. દક્ષિણ ચીન સમુદ્રમાં કવાયત હાથ ધરવાની સાથે ચીની સૈન્યની પશ્ચિમી થિયેટર કમાન્ડ દ્વારા તાજેતરમાં ઝિંજિયાંગ અને તિબેટમાં પણ સૈન્યબળ વધારવામાં આવી રહયાનું જાણવા મળે છે. access_time 7:28 pm IST

  • ભારત અને ચીન આવતીકાલે સવારે 11 વાગ્યે, ચુશુલ-મોલ્ડોની ચીની બાજુમાં, છઠ્ઠા કોર્પ્સ કમાન્ડર કક્ષાનો સંવાદ યોજશે. મોસ્કોમાં બંને દેશોના વિદેશ મંત્રીઓની બેઠક બાદ આ પહેલી કોર્પ્સ કમાન્ડર બેઠક હશે. MEA ના જોઇન્ટ સેક્રેટરી પણ ઉપસ્થિત રહે તેવી સંભાવના છે. access_time 10:04 pm IST

  • ચેન્નાઈને વધુ એક ફટકો : ડેવેન બ્રાવો ઈન્જર્ડ : આઈપીએલના પ્રથમ મેચમાં ચેન્નાઈએ મુંબઈને હરાવી જીતનું ખાતુ ખોલી નાખ્યું છેઃ ત્યારે ચેન્નાઈમાં સ્ટાર ખેલાડીઓ નથી. રૈના, હરભજન ટીમમાં નથીઃ ત્યારે ડેવેન બ્રાવો પણ ઈન્જર્ડ હોય અમુક મેચો રમી શકશે નહિ access_time 3:59 pm IST