Gujarati News

Gujarati News

News of Friday, 21st September 2018

મહિલાઓ વિરુદ્ધના ગુન્હાઓ રોકવા કેન્દ્ર સરકારે ડેટાબેઝ બનાવ્યો :4,50 લાખ અપરાધીઓનો રેકોર્ડ કરાશે સામેલ

જાતીય શોષણ, છેડતી કે રેપ જેવા કેસમાં સજા પામેલાદોષિતોના નામ,ફોટો,સરનામું,ફિંગરપ્રિન્ટ ડીએનએ સહિતની વિગતો

   ફોટો mahila

નવી દિલ્હી :કેન્દ્ર સરકાર દ્વારા મહિલાઓ વિરુદ્ધના ગુન્હાઓ રોકવાના ભાગરુપે ગૃહ મંત્રાલયે જાતીય શોષણ, છેડતી કે રેપ જેવા કેસમાં સજા પામેલા દેશભરના અપરાધીઓનો એક ડેટાબેઝ બનાવ્યો છે.  જાતીય અપરાધની ઘટનાઓમાં દોષિત વ્યક્તિનુ નામ, તેનો ફોટો,સરનામુ, ફિંગર પ્રિન્ટ, ડીએનએના નમૂના, પાન નંબર અને આધાર નંબર સહિતની ડીટેલ તેમાં મુકવામાં આવશે.

  આ ડેટાબેઝમાં લગભગ 4.5 લાખ અપરાધીઓનો રેકોર્ડ સામેલ કરાશે. આ માટે દેશભરની તમામ જેલમાંથી ડેટા માંગવામાં આવ્યા છે. ડેટાબેઝ તૈયાર કરવાની જવાબદારી નેશનલ ક્રાઈમ રેકોર્ડઝ બ્યુરોને સોંપાવમાં આવી છે. જોકે ભારતમાં આ ડેટાબેઝ કાયદો લાગુ કરનારી એજન્સીઓ માટે જ ઉપલબ્ધ રહેશે

  અમેરિકામાં આવો ડેટાબેઝ એફબીઆઈ રાખે છે અને પબ્લિક માટે તે ઉપલબ્ધ હોય છે. ભારતમાં તૈયાર કરાયેલા ડેટાબેઝમાં ઓછા ખતરનાક અપરાધીઓનુ નામ 15 વર્ષ જ્યારે ગેંગરેપ, કસ્ટોડિયલ રેપ જેવા અપરાધમાં સંડોવાયેલા દોષિતોનુ નામ આખી જીંદગી રાખવામાં આવશે.

  ડેટાબેઝમાં હાલમાં ધરપકડ કરાયેલા અને જેમની સામે ચાર્જશીટ થઈ છે તેવા અપરાધીઓના નામ પણ હશે. જોકે તે માત્ર ગણતરીના અધિકારીઓ માટે ઉપલબ્ધ હશે. જ્યારે સગીરવયના અપરાધીઓના નામ તેમાં પાછળથી સામેલ કરાશે. અત્યાર સુધી ઘણા કિસ્સામાં એક વખત જાતીય અપરાધમાં સંડોવાયેલા લોકો બીજી વખત પણ આવી ઘટનાઓને અંજામ આપતા રહ્યા છે કારણકે ડેટાબેઝના અભાવે તેમને રોકવુ મુશ્કેલ હતુ.

(5:36 pm IST)
  • અમરેલી જીલ્લાના જંગલમાં ૧૧ સિંહોના મોત પ્રકરણમાં વન વિભાગના ઉચ્ચ અધિકારીઓ દ્વારા તપાસનો ધમધમાટ : ગીર જંગલના પૂર્વ વિભાગના દલખાણીયા રેન્જમાં ૧૧ સિંહોના મોતની ગંભીરતાને લઇ વન વિભાગના ઉચ્ચ અધિકારીઓ ગીર પહોંચ્યાઃ ગુજરાત વન વિભાગના પીસીસીએફ વાઇલ્ડ લાઇફ અક્ષય સકસેના, વિજિલન્સ આરએલ મીના, સીસીએફ વાઇલ્ડ એસી પટેલ સહિતના અધિકારીઓ ધારીમાં અલગ અલગ જગ્યાએ ૬ બાળ સિંહ, ૩ માદા સિંહણ અને ર સિંહના મોત : ૩ બાળ સિંહના ઇનફાઇટમાં, ૩ના સારવાર દરમિયાન, ર બીમારીથી અને ૩ના ફેફસા અને લીવરમાં સંક્રમણના કારણે મોત થયાનું તારણ બહાર આવ્યું છે access_time 3:31 pm IST

  • રાજકોટ SOG પોલીસે શહેરના રૈયાધાર વિસ્તારમાં પાડ્યા દરોડા. ગાંજાનો મોટો ઝથ્થો પકડી પાડ્યો. SOG પોલીસની કામગીરી ચાલુ . access_time 1:10 am IST

  • બોરસદ તાલુકાના અલારસા ગામની ચિભડીયાપુર સીમમાં યુવતીની હત્યા કરાયેલ મળી લાશ : યુવતીની લાશ નગ્ન હાલતમાં મળતા રેપ વિથ મર્ડરની આશંકા:હાલ બોરસદ પોલીસે યુવતીની લાશને પેનલ ડોક્ટર થી પીએમ માટે કરમસદ હોસ્પિટલ ખસેડી :અજાણ્યા હત્યારાને શોધવા ચક્રોગતિમાન કર્યા access_time 10:45 pm IST