Gujarati News

Gujarati News

News of Sunday, 21st July 2019

કોંગ્રેસના મહાસચિવ પ્રિયંકા ગાંધીએ ધરણા પૂર્ણ કર્યા: વારાસણી-મિર્ઝાપુરમાં પૂજા-દર્શન કર્યા

વારાણસી : કોંગ્રેસ પાર્ટીના મહાસચિવ પ્રિયંકા ગાંધી વાડ્રાએ અહીં વડાપ્રધાન મોદીના સંસદીય વિસ્તારના બે મંદિરોમાં દર્શન કરીને પુજા-અર્ચના કરી હતી. સોનભદ્રમાં થયેલા જાતીય નરસંહારના પીડિત પરિવારજનો સાથે મિર્ઝાપુરમાં ચુનાર ગેસ્ટ હાઉસમાં મુલાકાત કર્યા બાદ દિલ્હી માટે રવાના થતા પહેલા પ્રિયંકાએ અહીં મંદિરોમાં દર્શન કર્યા.

મિર્ઝાપુરથી નિકળ્યા બાદ કોંગ્રેસ નેતા વારણસી ગયા અને અહીં કાલભૈરવ મંદિરમાં તેમણે પુજા-અર્ચના કરી. તેમણે કાશીવિશ્વનાથ મંદિરમાં પણ દર્શન કરી પુજા-અર્ચના કરી. આ દરમિયાન તેમની સાથે પાર્ટીનાં વરિષ્ઠ નેતા તથા પૂર્વ સાંસદ સુષ્મિતા દેવ, વારાણસીથી પાર્ટીના લોકસભા ઉમેદવાર રહેલા અજય રાય અને પાર્ટી નેતા અજય કુમાર લાલુ હાજર રહ્યા.

મંદિરમાં પ્રવેશ કરતા પહેલા કોંગ્રેસનાં કાર્યકર્તાઓએ તેમનું સ્વાગત કર્યું. લોકસભા ચૂંટણી દરમિયાન પોતાનાં ત્રણ દિવસીય કાર્યક્રમ વચ્ચે તેમણે 20 માર્ચે કાશી વિશ્વનાથ મંદિરમાં પુજા અર્ચના કરી હતી. આ ઉપરાંત પાર્ટીના ઉમેદવાર રહેલા અજય રાય માટે લોકસભા ચૂંટણી દરમિયાન શહેરમાં રોડ શો કરતા પહેલા પણ તેઓ કાશી વિશ્વનાથ મંદિર ગયા હતા.

(11:56 am IST)
  • રાજકોટના કાલાવડ રોડ પર ભારે વરસાદને ચાલતા એક ઝાડ કાર ઉપર પર ધરાશાયી થયું, જેના કારણે ટ્રાફિક જામ સહિતની સમસ્યા ઉભી થઇ છે, ઝાડ હટાવવાની કામગીરી ચાલુ થઈ હતી. સદનસીબે કોઈ જાનહાનીના અહેવાલ નથી. access_time 9:11 pm IST

  • કેરળના પાંચ જિલ્લામાં રેડ એલર્ટ જાહેરઃ ચાર બંધના દરવાજા ખોલાયા, સરકાર દ્વારા લોકોને ફૂડ પેકેટો અપાઇ રહ્યા છે. access_time 1:06 pm IST

  • મુંબઇના કોલાબાના અર્ચિત ચેમ્બરમાં લાગી આગ: અનેક લોકો ફસાયા છે : ૪ ફાયર ફાઇટરો ઘટના સ્થળે આગને બુઝાવવા પાણીનો મારો ચલાવી રહ્યા છે access_time 2:26 pm IST