Gujarati News

Gujarati News

News of Sunday, 21st July 2019

સોનભદ્ર હત્યાકાંડ પર દીદી બોલ્યા- ભાજપ બંગાળમાં આવી શકે:અમને યુપીમાં રોક્યા

ટીએમસીનું પ્રતિનિધિ મંડળને અટકાવતા મમતા આકરાપાણીએ

નવી દિલ્હી :પશ્ચિમ બંગાળનાં મુખ્યમંત્રી મમતા બેનરજીએ સોનભદ્ર હત્યાકાંડ મામલે ભાજપ પર નિશાન તાક્યું છે. મમતા બેનરજીએ કહ્યું કે, જ્યારે બંગાળમાં સાંપ્રદાયિક હિંસક ઘટનાઓ બને તો ભાજપ પોતાનું પ્રતિનિધી મંડળ મોકલે છે. તેમજ ભાજપનું પ્રતિનિધી મંડળ કોઇ પણ પ્રકારની મંજૂરી વગર ઘટનાસ્થળે પહોંચી જાય છે. તેઓ અમારી એક વાત સાંભળતા નથી, પરંતુ ટીએમસીનું પ્રતિનિધી મંડળને ઉત્તર પ્રદેશમાં જવા દેવાતો નથી. તેમને એરપોર્ટ પર રોકી દેવાઇ છે. મને લાગે છે કે નિયમોનું પાલન થવું જોઇએ, પ્રિયંકા ગાંધીએ જે કાંઇ કર્યુ તે ખોટું નથી કર્યું.

મીડિયા સાથે વાત કરતા મમતા દીદી બોલ્યા કે, ઉત્તર પ્રદેશમાં કાયદો અને વ્યવસ્થાની સ્થિતિ પડી ભાંગી છે. એન્કાઉન્ટર અને મોબ લિન્ચિંગમાં 1100થી વધુ લોકોની હત્યા કરાવમાં આવી છે. મારૂ માનવું છે કે, દરેક સ્થિતિ પર નિરીક્ષણ કરવું જોઇએ.

ઉત્તર પ્રદેશનાં સોનભદ્રમાં હત્યાકાંડ મામલે વિપક્ષ પાર્ટીઓ યોગી સરકાર પર આકરા હુમલા કરી રહી છે. હત્યાકાંડમાં મોતને શરણ થયેલા 10 લોકોનાં પરિવારજનો સાથે મુલાકાત કરવા માટે તૃણમૂલ કોંગ્રેસનાં 3 સાંસદોનું એક પ્રતિનિધી મંડળ આજે સોનભદ્ર જઇ રહ્યું હતું. જો કે વારાણસી જિલ્લા પ્રશાસન દ્વારા તે તમામ ચારેય સાંસદોને એરપોર્ટ પર જ અટકાવી દેવાયા હતાં.

(12:00 am IST)
  • જૂનાગઢ મહાનગર પાલિકાની સામાન્ય ચૂંટણીમાં સાંજે પાંચ વાગ્યા સુધીમાં 49.68 ટકા મતદાન access_time 6:21 pm IST

  • સોનભદ્ર હત્યાકાંડના પીડિતો સાથેની મુલાકાત બાદ પ્રિયંકાએ 26 કલાકના ધરણાં પુરા કર્યા : મૃતકોના પરિવારને 10 લાખ રૂપિયાની આર્થિક મદદનો વિશ્વાસ અપાવ્યો access_time 7:50 pm IST

  • રાજકોટ થી જૂનાગઢ વચ્ચે ધોધમાર ભારે વરસાદ ચાલુ : સૌરાષ્ટ્રમાં સંખ્યાબંધ વિસ્તારોમાં વરસાદ પડી રહયા અહેવાલો : આ લખાય છે ત્યારે સવારના 8 વાગ્યાથી રાજકોટ ની ભાગોળે રિબડાથી ગોંડલ, જેતપુર અને ઠેઠ જૂનાગઢ સુધી જોરદાર વરસાદ ચાલુ છે : જૂનાગઢમાં અત્યારે વીજળીના કડક ભડાકા સાથે વરસાદ રીતસર તૂટી પડ્યો છે : જૂનાગઢ જઇ રહેલા રાજકોટના કોર્પોરેટર અને બાંધકામ સમિતિના ચેરમેન મનીષ રાડિયા અને શૈલેષ ડાંગરે જણાવ્યું હતું કે રિબડાથી આગળ ઠેઠ જેતપુર અને તેથી આગળ અતિ ભારે વરસાદ ચાલુ છે : સામે કાઈ દેખાય નહિ તેવો ભારે વરસાદ પડી રહ્યો છે : જૂનાગઢમાં પણ વરસાદ ધોધમાર પડી રહ્યો હોય, આજે જૂનાગઢ કોર્પોરેશનની ચૂંટણીમાં મતદાન ઉપર ભારે અસર પડે તેવી પૂરી સંભાવના છે access_time 5:05 pm IST