Gujarati News

Gujarati News

News of Sunday, 21st July 2019

અમેરિકાના ૨૦૨૦ની સાલના પ્રેસિડન્ટ પદના ડેમોક્રેટ ઉમેદવાર પીટ બટ્ટીગીગના ચૂંટણી કમ્પેનમાં સુશ્રી સોનલ શાહની નિમણુંકઃ નેશનલ પોલીસી ડીરેકટર તરીકે જવાબદારી સંભાળશે

વોશીંગ્ટનઃ અમેરિકાના ૨૦૨૦ની સાલના પ્રેસિડન્ટ પદના ડેમોક્રેટ ઉમેદવાર પીટ બટ્ટીગીગના ચૂંટણી કમ્પેનમાં નેશનલ પોલીસી ડીરેકટર તરીકે ઇન્ડિયન અમેરિકન મહિલા સુશ્રી સોનલ શાહની નિમણુંક થઇ છે.

સુશ્રી શાહ હાલમાં જયોર્જેટ ટાઉન યુનિવર્સિટીમાં એકઝીકયુટીવ ડીરેકટર તરીકે સેવાઓ આપી રહ્યા છે જ્યાંથી રજા ઉપર ઉતરી જઇ તેઓ ઉપરોકત ચૂંટણી કમ્પેનની જવાબદારી સંભાળશે. જે માટે તેમણે ટિવટરના માધ્યમ મારફત ખુશી વ્યકત કરી છે.

ઉલ્લેખનીય છે કે બટ્ટીગીગ ચૂંટણી કમ્પેનમાં બીજા કવાર્ટરમાં સૌથી વધુ એટલે કે ૨૪.૯ મિલીઅન ડોલરનું ફંડ ભેગુ કરી શકનાર ડેમોક્રેટ ઉમેદવાર તરીકે સહુથી આગળ છે. તેમના ચૂંટણી કમ્પેન સ્ટાફમાં ૨૫૦ લોકો છે.

(9:43 pm IST)
  • મધ્ય ગુજરાતમાં વરસાદી માહોલઃ આણંદ જિલ્લામાં બોરવીયા, નડીયાદ, છોટાઉદેપુરમાં સવારથી વરસાદઃ લાંબા સમય બાદ વરસાદની એન્ટ્રીથી લોકો ખુશખુશાલ access_time 1:10 pm IST

  • રાજકોટ થી જૂનાગઢ વચ્ચે ધોધમાર ભારે વરસાદ ચાલુ : સૌરાષ્ટ્રમાં સંખ્યાબંધ વિસ્તારોમાં વરસાદ પડી રહયા અહેવાલો : આ લખાય છે ત્યારે સવારના 8 વાગ્યાથી રાજકોટ ની ભાગોળે રિબડાથી ગોંડલ, જેતપુર અને ઠેઠ જૂનાગઢ સુધી જોરદાર વરસાદ ચાલુ છે : જૂનાગઢમાં અત્યારે વીજળીના કડક ભડાકા સાથે વરસાદ રીતસર તૂટી પડ્યો છે : જૂનાગઢ જઇ રહેલા રાજકોટના કોર્પોરેટર અને બાંધકામ સમિતિના ચેરમેન મનીષ રાડિયા અને શૈલેષ ડાંગરે જણાવ્યું હતું કે રિબડાથી આગળ ઠેઠ જેતપુર અને તેથી આગળ અતિ ભારે વરસાદ ચાલુ છે : સામે કાઈ દેખાય નહિ તેવો ભારે વરસાદ પડી રહ્યો છે : જૂનાગઢમાં પણ વરસાદ ધોધમાર પડી રહ્યો હોય, આજે જૂનાગઢ કોર્પોરેશનની ચૂંટણીમાં મતદાન ઉપર ભારે અસર પડે તેવી પૂરી સંભાવના છે access_time 5:05 pm IST

  • લીંબડીમાં સવારથી ધોધમાર વરસાદ અમરેલીના કુંકાવાવમા વરસાદના પ્રારંભથી લોકો ઝુમી ઉઠયા. access_time 1:10 pm IST