Gujarati News

Gujarati News

News of Friday, 21st June 2019

નિર્મલા સીતારામનના વડપણમાં જીએસટી કાઉન્સીલની બેઠક

GST રિફન્ડ, ઈ-ચલણ સરળ બનાવવા લેવાશે નિર્ણય

ઓટોમોબાઈલ સેકટરને દોડતુ કરવા જીએસટીનો દર ૨૮ ટકાથી ઘટાડી ૧૮ ટકા કરાશેઃ સિમેન્ટ પણ સસ્તી થશે

નવી દિલ્હી, તા. ૨૧ :. નાણાપ્રધાન નિર્મલા સીતારમણની અધ્યક્ષતામાં શુક્રવારે પહેલીવાર મળનારી જીએસટી પરિષદની મીટીંગમાં ઘણા મહત્વપૂર્ણ મુદ્દાએ પર ચર્ચા થશે. જેમાં જીએસટી રીફંડની પ્રક્રિયા સરળ બનાવવી અને ઈ-ચલણની સારી વ્યવસ્થા અમલી કરવા બાબતે નિર્ણયો લેવાઈ શકે છે. પરિષદ રાષ્ટ્રીય નફાખોરી વિરોધી એજન્સીનો કાર્યકાળ પણ વધારી શકે છે.

સૂત્રોનું કહેવુ છે કે જીએસટી પરિષદ રીફંડના દાવાઓની તપાસ માટે સીંગલ પોઈન્ટ વ્યવસ્થા બનાવવા બાબતે ચર્ચા કરશે. સિંગલ પોઈન્ટ રિફંડ પ્રણાલીથી રીફંડનું પેમેન્ટ ઝડપી થઈ શકશે. આ ઉપરાંત કંપનીઓને ઈ-ચલણ (ઈ-ઈનવોઈસ) ઉપલબ્ધ કરાવવા માટે સીંગલ પ્રણાલી બનાવવા અંગે પણ નિર્ણય થશે. આ પગલાથી નિકાસકારોના દાવાઓની ઓળખ કરવી સરળ બનશે અને વ્યવસ્થામાં વધુ પારદર્શકતા આવશે.

પરિષદની બેઠકમાં જીએસટી કાયદામાં ફેરફાર માટે સુધારા ખરડાના મુસદ્દા પર પણ ચર્ચા થશે. તેનાથી વેપારીઓ અને કંપનીઓને જીએસટીની ચુકવણીમાં થયેલી ભૂલો સુધારવાનો મોકો મળશે. જીએસટી ચુકવણી મોડુ થવા પર વ્યાજ ફકત રોકડાવાળા ભાગ પર લાગુ કરવાની રાહત પણ મળી શકે છે.

ઓટોમોબાઈલ સેકટરમાં હાલ મંદીનો માહોલ છે. તેમાં પ્રાણ ફુંકવા માટે જીએસટીનો દર હાલ ૨૮ ટકા છે તે ઘટાડીને ૧૮ ટકા કરાય તેવી શકયતા છે. ઉપરાંત સિમેન્ટને પણ સસ્તી કરવાનો નિર્ણય લેવાય તેવી શકયતા છે.

(10:11 am IST)
  • પીએમ મોદીની ડિનર ડિપ્લોમસી :પીએમ મોદીએ લોકસભા અને રાજ્યસભાના સભ્યોને દિલ્હીની ફાઇવ સ્ટાર હોટલમાં રાત્રીભોજનનું આયોજન કર્યું:બંન્ને સદનનાં લગભગ 750 સભ્યોને સંસદીય કાર્યમંત્રી દ્વારા આમંત્રણ મોકલ્યું : હોટલ અશોકમાં આયોજીત રાત્રીભોજનમાં રાજ્યસભાનાં વિપક્ષી નેતા ગુલામ નબી આઝાદ ઉપરાંત એનડીએ અને યુપીએના ઘટક દળનાં નેતાઓ જોડાયા:દ્રમુકની કનિમોઇ, આપનાં રાજ્યસભા સભ્ય સંજય સિંહ, ભાજપમાં જોડાયેલા ટીડીપીના ત્રણ સહિતના જોડાયા હતા. access_time 1:12 am IST

  • અમદાવાદના કાકરિયા વાણિજ્ય ભવન પાસે આવેલ પેટ્રોલપંપ પરની ઘટના:પંપ મા કામ કરતા ૪૫ વષઁના કમઁચારીની લાશ પંપના પાણી ટાંકીની અંદરથી મળી આવી:યુવકના મોત અંગે અનેક તકઁવિતકો : યખડની પીર બાવાની ચાલીમા રહેતો હતો" મૃતક ઈમામ પઠાણની લાશને પી એમ માટે મોકલવાની તજવીજ હાથ ધરાઈ access_time 11:10 pm IST

  • ભારતમાં મોબાઇલ ફોનોની ચોરી અને કલોનીંગ અટકાવવા માટે ટેલીકોમ ખાતાએ ''સીઇઆઇઆર'' સેન્ટ્રલ ઇકવીપમેન્ટ આઇડેન્ટીટી રજીસ્ટર ઉભુ કરવાનું જાહેર કર્યું છે. access_time 11:35 am IST