Gujarati News

Gujarati News

News of Friday, 21st June 2019

બંગાળમાં ફરી હિંસા : એકનું મોત, ઘણા લોકો ઘાયલ થયા

બે જૂથના લોકો આમને સામને આવતા હિંસા : એકબીજા જૂથ ઉપર બોંબ ઝીંકાયા અને ગોળીબાર કરાતા તંગ સ્થિતિ : મોટી સંખ્યામાં આરએએફના જવાનો તૈનાત

કોલકાતા, તા. ૨૦  : પશ્ચિમ બંગાળના ઉત્તર ૨૪ પરગના જિલ્લામાં ભાટપારા વિસ્તારમાં ફરી એકવાર હિંસા ભડકી ઉઠી છે જેમાં એકનું મોત થયું છે. અથડામણમાં અન્ય ત્રણ લોકો ઘાયલ થયા છે. બે જૂથ વચ્ચે આજે અથડામણ થયા બાદ તંગ સ્થિતિ જોવા મળી હતી. પોલીસ અધિકારીઓના કહેવા મુજબ મૃત્યુ પામેલા વ્યક્તિની ઓળખ રામબાબુ તરીકે થઇ છે. ઘાયલ થયેલા લોકોની ઓળખ હજુ સુધી થઇ શકી નથી. રિપોર્ટમાં જણાવ્યા મુજબ બે લડી રહેલા જૂથના સભ્યો દ્વારા હવામાં ગોળીબાર કરવામાં આવ્યા હતા. સાથે સાથે એકબીજા ઉપર બોંબ ઝીંકવામાં આવ્યા હતા. નવા બનાવવામાં આવેલા પોલીસ સ્ટેશન નજીક આ હિંસક અથડામણ થઇ હતી. નવા બનાવવામાં આવેલા પોલીસ સ્ટેશનનું આજે જ ઉદ્ઘાટન કરવા માટેની તૈયારી હતી પરંતુ હિંસા ભડકી ઉઠી હતી. હિંસા ભડકી ઉઠવાની સાથે જ આસપાસના વિસ્તારોની તમામ દુકાનો, માર્કેટ અને વેપારી પેઢીઓ અંધાધૂંધી વચ્ચે બંધ થઇ ગઇ હતી. રેપિડ એક્શન ફોર્સના જવાનોની સાથે તરત જ પોલીસ ટુકડી પણ ગોઠવી દેવામાં આવી હતી. ભાટપારામાં ૧૯મી મે બાદથી શ્રેણીબદ્ધ અથડામણ થઇ ચુકી છે. ૧૯મી મેના દિવસે આ વિધાનસભા ક્ષેત્રમાં પેટાચૂંટણી યોજાઈ હતી ત્યારબાદ લોકસભાની ચૂંટણી વેળા પણ વ્યાપક હિંસા બંગાળના જુદા જુદા ભાગોમાં થઇ હતી. લોકસભામાં તમામ સાત તબક્કાની ચૂંટણી દરમિયાન હિંસા થતાં મોટી સંખ્યામાં લોકોના મોત પણ થયા હતા. બંગાળની ચૂંટણી રક્તરંજિત બની હતી. અંતે પરિણામ જાહેર કરવામાં આવ્યા બાદ ભારતીય જનતા પાર્ટીએ જોરદાર દેખાવ કરીને ૧૮ બેઠકો જીતી હતી જ્યારે મમતા બેનર્જીની પાર્ટી ટીએમસીને મોટો ફટકો પડ્યો હતો. ટીએમસી અને ભારતીય જનતા પાર્ટી વચ્ચે ચૂંટણી દરમિયાન મુખ્યરીતે હિંસા થઇ હતી. એકબીજાના કાર્યકરોની હત્યા કરવાના આરોપ થયા હતા.

(12:00 am IST)
  • ગુજરાતમાં આવી રહી છે નવી ફાયર પોલીસી : સુરત અગ્નિકાંડના પગલે હવે મિલ્કતના માલીકોની જવાબદારી પણ નકકી થશે : બિલ્ડર્સ-ડેવલપર્સની જવાબદારીઓ પણ ફીક્ષ થશે access_time 1:12 pm IST

  • બનાસકાંઠામાં હાહાકાર...એક સાથે ૪ હત્યાઃ કુડા ગામે ૨૧ લાખ રૂપિયાના વિવાદમાં ચાર જીવ લેવાયા access_time 11:35 am IST

  • પીએમ મોદીની ડિનર ડિપ્લોમસી :પીએમ મોદીએ લોકસભા અને રાજ્યસભાના સભ્યોને દિલ્હીની ફાઇવ સ્ટાર હોટલમાં રાત્રીભોજનનું આયોજન કર્યું:બંન્ને સદનનાં લગભગ 750 સભ્યોને સંસદીય કાર્યમંત્રી દ્વારા આમંત્રણ મોકલ્યું : હોટલ અશોકમાં આયોજીત રાત્રીભોજનમાં રાજ્યસભાનાં વિપક્ષી નેતા ગુલામ નબી આઝાદ ઉપરાંત એનડીએ અને યુપીએના ઘટક દળનાં નેતાઓ જોડાયા:દ્રમુકની કનિમોઇ, આપનાં રાજ્યસભા સભ્ય સંજય સિંહ, ભાજપમાં જોડાયેલા ટીડીપીના ત્રણ સહિતના જોડાયા હતા. access_time 1:12 am IST