Gujarati News

શ્રી મોમ્બાસા સીમેન્ટ વાળા હસમુખભાઇ ભૂડિયાના નિમંત્રણને માન આપી શ્રી સ્વામિનારાયણ ગુરુકુલ વિશ્વવિદ્યા પ્રતિષ્ઠાનમ્ (SGVP)ના અધ્યક્ષ પરમ પૂજ્ય સ્વામી શ્રી માધવપ્રિયદાસજી આ પરિવાર દ્વારા ચાલતી શ્રી સહજાનંદ સ્પેશ્યલ સ્કુલમાં પધાર્યા હતા. જેમાં અંધ, અપંગ, રેડીયેશનને લીધે વિકાસ નહીં પામેલા, માબાપથી તરછોડાયેલા એક હજાર ઉપરાંત દિવ્યાંગ બાફ્રકોની સાર-સંભાળ રાખવામાં આવે છે.

આ બાળકોને સાચવવા માટે બસો માણસોનો સ્ટાફ છે. હસમુખભાઇ ભુડીયા તથા સુરજ ભુડીયા વગેરે પરિવાર આ સ્કુલને નિભાવવા માટે દર મહિને આશરે ત્રણ કરોડ શલીંગથી પણ વધારેની સેવા કરે છે.

સ્વામીશ્રીએ અહીં જણાવ્યું હતું કે, આ દિવ્યાંગ બાળકોને જોતા હૃદય કરુણાથી દ્રવી જાય છે. આ દિવ્યાંગ બાળકોના સાચા માવતર બનનાર શ્રી હસમુખભાઇ ભુડીયા, સૂરજ ભુડીયા તથા આ પરિવારના બહેનો રતનબેન, ધનબાઇ, ભાનુબેન, પુષ્પાબેન વગેરે સર્વને જેટલા અભિનંદન આપીએ તેટલા ઓછા છે. આ પરિવારના હૃદયમાંથી આ કરુણાની સરિતા આ પરિવારના અક્ષરનિવાસી આત્માઓ કેશુભાઇ, કાનજીભાઇ તથા અરવિંદના સમયથી અવિરત વહી રહી છે.

બીજે દિવસે હસમુખભાઇના નિમંત્રણથી સ્વામીશ્રી પ્રેમજી ફાર્મમાં આવેલ સહજાનંદ ફીડીંગ સેન્ટરમાં પધાર્યા હતા. એક વરસ પહેલા સ્વામીશ્રીના હસ્તે આ ફીડીંગ સેન્ટરનું ઉદ્ઘાટન કરવામાં આવ્યું હતું, આજે આ સેન્ટરમાં દર રવિવારે આસરે સાત હજાર બાફ્રકોને પૌષ્ટિક આહાર પૂરો પાડવામાં આવે છે. આ માટે આ પરિવાર દર મહિને એક કરોડ શીલીંગની સેવા કરે છે. આ ઉપરાંત સમગ્ર મોમ્બાસા શહેરને નીટ એન્ડ ક્લીન રાખવામાં આ પરિવારનો ખૂબ મોટો ફાફ્રો છે. ઉપરાંત સેંકડો ગામોમાં લાખો લીટર પાણી અને હજારો મણ અનાજ પૂરું પાડવાની સેવા આ પરિવાર કરે છે. કેન્યા ખાતે આ પરિવાર ન માત્ર કચ્છ, પરંતુ સમગ્ર ભારતનું ગૌરવ છે. યુનો લેવલે આ પરિવારની સેવાની નોંધ લેવાયેલી છે.

સહજાનંદ ફીડીંગ સેન્ટર ખાતે પ્રથમ કેન્યાનું રાષ્ટ્ર ગીત ગવાયું હતું અને ત્યાર બાદ હજાર બાળકોને પૌષ્ટિક આહાર આપવામાં આવ્યો હતો. મોમ્બાસાના ઉત્સાહી ભાઈ-ભહેનોએ આ વિતરણની સેવા ઉત્સાહથી ઉપાડી લીધી હતી.