Gujarati News

Gujarati News

News of Tuesday, 21st May 2019

ચોમાસુ સમય કરતા બે દિવસ પહેલા જ અંદમાન-નિકોબાર પહોંચ્યુ

નવીદિલ્હી,તા.૨૧: દક્ષિણ પશ્ચિમી મોનસુન દક્ષિણ અંદમાન સાગર, દક્ષિણ બંગાળની ખાડીના કેટલાક વિસ્તાર અને નિકાબોર દ્વિપ સમૂહમાં શનિવારે વરસાદ પહોંચી ગયો હતો. અહીં સામાન્ય દિવસોમાં ૨૦ મેના રોજ મોનસુન પહોંચે છે પરંતુ આ વખતે ૨ દિવસ પહેલા જ વરસાદ અહીં પહોંચી ગયો હતો. 

આ અંગે ભારતીય હવમાન વિભાગે એક નિવેદન બહાર પાડીને માહિતી આપી હતી કે સાઉથ અંદામાન સાગર, દક્ષિણ બંગાળની ખાડીના કેટલાક ભાગોમાં તેમજ નિકોબાર દ્વિપ સમૂહ પર મોનસુન સમય પહેલા પહોંચી ગયું છે.

નિવેદનમાં કહેવામાં આવ્યું છે કે, મોનસુન શરૂ થતાં નિકોબાર દ્વિપ સમૂહમાં પાછલાં ૪૮ કલાકથી વરસાદ થઇ રહ્યો છે. હવામાન વિભાગના અધિકારીના જણાવ્યા અનુસાર, અંદમાન સાગરમાં સમય પહેલા મોનસુન આવવાથી કેરળ તરફથી આવતાં મોનસુનમાં હજી ટાઇમિંગ પર અસર નહીં પડશે.

ઉલ્લેખનીય છે કે હવામાન વિભાગ અને સ્કાયમેટ દ્વારા એવી આગાહી કરવામાં આવી હતી કે, આ વખતે ચોમાસું બે થી ત્રણ દિવસ મોડું થઇ શકે છે. અંદમાનમાં વરસાદ શરૂ થતાં કેરળ તરફથી આવતું ચોમાસું પણ વહેલું આવવાની સંભાવના છે. જો કે હવામાન વિભાગ તરફથી સ્પષ્ટતા આપી છે કે આનાથી કેરળમાં ચોમાસાની શરૂઆત થવા પર કોઇ પ્રભાવ નહીં પડે અને ચોમાસું ૬ જૂનની આસપાસ શરૂ થશે જે આ પહેલા આગાહી કરવામાં આવી હતી.

(3:39 pm IST)
  • ભાજપ સાંસદ બાબુલ સુપ્રીયોએ કહ્યું પોલ ગમે તે કહે પરંતુ આવશે રાહુલ ગાંધી !:નીચે લખ્યું થાઈલેન્ડ ટુરિઝમ :જબરો વ્યંગ : સુપ્રીયોએ ટ્વીટર એકાઉન્ટ પર તસ્વીર શેર કરી, જેમાં તેમણે કોંગ્રેસ અધ્યક્ષ રાહુલ ગાંધી પર વ્યંગ કર્યો: તસ્વીરમાં લખ્યું હતું કે, આવશે તો રાહુલ ગાંધી જ. સાથે જ આ તસ્વીરની ફોટો નીચે લખેલું છે થાઇલેન્ડ ટૂરિઝમ access_time 12:40 am IST

  • માત્ર વંદેમાતરમ અથવા જયહિઁદ કરવું દેશભક્તિ નથી :ઉપ રાષ્ટ્રપતિ વેંકૈયા નાયડુએ ચેતવ્યા : બંધારણને નબળું નહિ પાડો :એક દીક્ષાંત સમારોહમાં સંબોધિત કરતા ઉપરાષ્ટ્રપતિએ એ વાત પર ભાર મુક્યો કે માત્ર વંદેમાતરમ અને જયહિન્દ બોલાવથી દેશભક્તિ સાબિત થતી નથી access_time 1:10 am IST

  • જોધપુર જિલ્લાના મેલાણા ગામે બોરવેલમાં ચાર વર્ષની બાળકી પડી ગઈ :બાળકીનો અવાજ બોરવેલમાંથી આવી રહ્યો છે : ઘટનાસ્થળે એસડીઆરએફની ટીમ મદદે પહોંચી :મોટી સંખ્યામાં બચાવકર્મીઓ બાળકીને બહાર કાઢવા મહેનત access_time 12:48 am IST