Gujarati News

Gujarati News

News of Wednesday, 21st April 2021

કોવેક્સિનનો ક્લિનિકલ પ્રભાવ ૭૮ ટકા, ગંભીર કોરોના સામે ૧૦૦ ટકા

કોવેક્સિનના ત્રીજા તબક્કાની ટ્રાયલનો ડેટા જાહેર : ભારતમાં બનેલી સ્વદેશી વેક્સિન કોવેક્સિન સાર્સ-કોવ-૨ના તમામ વેરિએંટ સામે પ્રભાવી હોવાનું સામે આવ્યું

નવી દિલ્હી, તા.૨૧ : ભારત બાયોટેક અને આઈસીએમઆર દ્વારા કોરોના વેક્સિન કોવેક્સિનના ત્રીજા તબક્કાની ટ્રાયલનો ડેટા જાહેર કરવામાં આવ્યો છે. જે પ્રમાણે  આ વેક્સિનનો ક્લિનિકલ પ્રભાવ ૭૮% અને ગંભીર કોરોના રોગ સામે ૧૦૦% પ્રભાવી છે. જો કે હજું કોવેક્સિનનો અંતિમ ડેટા જૂન મહિનામાં આવી શકે છે.

માત્ર આટલું જ નહીં પરંતુ આઈસીએમઆરના નવા સંશોધનમાં સામે આવ્યું છે કે ભારતમાં બનેલી સ્વદેશી કોરોના વેક્સિન કોવેક્સિન સાર્સ-કોવ-૨ના તમામ પ્રકારના વેરિએંટ સામે પ્રભાવી છે. ઉલ્લેખનીય છે કે ભારતમાં કોરોના વેક્સિનની બીજી લહેર પાછળ ડબલ મ્યુટેંટ સ્ટ્રેન કારણભૂત છે. ત્યારે કોવેક્સિન ડબલ મ્યુટેંટ સ્ટ્રેન સામે પણ પ્રભાવી છે. ફેઝ-૩ના ટ્રાયલમાં ૧૮-૯૮ વર્ષની વચ્ચેના ૨૫૦૦૦ લોકોને સામેલ કરવામાં આવ્યા હતા. જેમાં ૬૦ વર્ષથી વધારે ઉંમરના ૧૦ ટકા લોકો સામેલ છે. ટ્રાયલ દરમિયાન આ લોકોને ૧૪ દિવસ બાદ વેક્સિનનો બીજો ડોઝ આપવામાં આવ્યો. નેશનલ ઇંસ્ટીટ્યુટ ઓફ વાયરોલોજીએ સાર્સ-કોવ-૨ વાયરસના અનેક વેરિએંટસને સફળતાપૂર્વક અલગ કરવામાં આવ્યા છે. જેમાં બ્રાઝિલ વેરિએંટના બી.૧.૧.૨૮, યુકે વેરિએંટના બી.૧.૧.૭, સાઉથ આફ્રિકન વેરિએંટના મ્.૧.૩૫૧ સામેલ છે.

ભારત બાયોટેકના ચીફ કૃષ્ણા એલાએ કહ્યું કે કોવેક્સિન સાર્સ-કોવ-૨ સામે સારી પ્રભાવશાળઈ સાબિત થઇ છે. ઇમરજન્સી ઉપયોગમાં કોવેક્સિને રેકોર્ડ પ્રદર્શન કર્યુ છે. વિશ્વસ્તરીય માપદંડોને પુરા કર્યા છે, અને અંતિમ ટ્રાયલનો ડેટા જાહેર કર્યો છે.

(7:55 pm IST)
  • દેશમાં કોરોનાએ હાહાકાર મચાવ્યો : તમામ રેકોર્ડ તોડ્યા : રાત્રે 12 વાગ્યા સુધીમાં કોરોનાના નવા સર્વાધિક 3.15.552 કેસ નોંધાયા : કુલ કેસની સંખ્યા 1.59.24.806 થઇ : એક્ટિવ કેસ 22.84.248 થયા : વધુ 1.79.407 દર્દીઓ સ્વસ્થ થતા કુલ 1,34,49,406 સ્વસ્થ થયા : વધુ 2101 લોકોના મોત સાથે કુલ મૃત્યુઆંક 1,84,672 થયો : દેશમાં સૌથી વધુ મહારાષ્ટ્રમાં નવા 67,468 નવા કેસ નોંધાયા access_time 1:39 am IST

  • કેન્દ્રીય આરોગ્યમંત્રી ડો. હર્ષવર્ધનની જાહેરાત : COVID19 પ્રધાનમંત્રી ગરીબ કલ્યાણ પેકેજ (PMGKP) હેઠળની વીમા યોજના, આરોગ્ય સેવા આપતા કર્મચારીઓ માટે આજથી વધુ 1 વર્ષ માટે લંબાવવામાં આવી છે. access_time 11:31 pm IST

  • કેન્દ્રીય સંરક્ષણ પ્રધાન રાજનાથસિંહના કાર્યાલયમાં મંત્રણાનો દોર શરૂ : જે રાજયોમાં કોરોનાની પરિસ્થિતિ બેકાબુ બની છે તે રાજયોની આર્મી હોસ્પિટલને કોવિડ હોસ્પિટલમાં ફેરવી આમ પ્રજા માટે ખુલ્લી મૂકવામાં આવે તેવા વિચાર કરી રહ્યા છે access_time 12:43 pm IST