Gujarati News

Gujarati News

News of Wednesday, 21st April 2021

કોરોના સંકટને કારણે બિહારમાં પંચાયત ચૂંટણી મોકૂફ : પખવાડિયા પછી સ્થિતિની સમીક્ષા કરીને નિર્ણય લેવાશે

રાજ્યમાં ઓક્સિજનની અછત વચ્ચે પંચાયત ચૂંટણી મોટી આફતને નોતરવા સમાન હતી.

બિહારમાં કોરોનાવાયરસના સંકટને ધ્યાનમાં રાખીને પંચાયત ચૂંટણી હાલ પૂરતી ટાળી દેવામાં આવી છે. એપ્રિલ મહિનાના અંતમાં યોજાનાર ચૂંટણી માટે હજી સૂચના જારી કરવાની હતી. જ્યારે કોરોના મહામારીને ધ્યાનમાં રાખતા સ્ટેટ ઈલેક્શન કમિશન દ્વારા હાલમાં જ પંચાયત ચૂંટણી રદ કરવામાં આવી છે. આગમી 15 દિવસ બાદ ફરીથી સ્થિતિની સમીક્ષા કરીને આગળ નિર્ણય લેવામાં આવશે.

જણાવવામાં આવી રહ્યું છે કે જિલ્લાના અધિકારીઓની સીએમ નીતિશ સાથે બેઠકમાં કોરોના સંકટને ધ્યાનમાં રાખીને પંચાયત ચૂંટણી કરવાની અસમર્થતા જતાવવામાં આવી હતી. કોરોનાના કારણે રાજ્યમાં સ્વાસ્થ્ય સેવા ઉપર ખૂબ જ દબાણ ઊભું થઈ રહ્યું છે. રાજ્યમાં ઓક્સિજનની અછત સર્જાઇ રહી છે તેવામાં પંચાયત ચૂંટણી એક મોટી આફતને નોતરવા સમાન હતી. આથી હાલપૂરતી બિહારમાં પંચાયતની ચૂંટણી રદ કરવામાં આવી છે. ઉલ્લેખનીય છે કે બિહારમાં પણ કોરોના સંક્રમણ દિવસેને દિવસે વધી રહ્યું છે. મંગળવારે છેલ્લા 24 કલાકમાં 10000 થી વધારે કોરોના પોઝિટિવ કેસ નોંધાયા હતા અને અત્યાર સુધીમાં 1841 દર્દીઓનો જીવ કોરોના લઈ ચૂક્યો છે.

(7:37 pm IST)
  • કોરોનાની અસર વડોદરા હવાઇ સેવા ઉપર પડી : વડોદરામાં કોરોનાની અસર હવાઇ સેવા ઉપર પડી, મુસાફરો ન મળતા ર ફલાઇટ કેન્સલ થઇ. વડોદરાથી દિલ્લી અને મુંબઇની ફલાઇટ કેન્સલ થઇ છે. access_time 4:06 pm IST

  • સાબરમતી કાંઠામાં કમોસમી વરસાદથી પાકને નુકશાન : સાબરકાંઠાના વાતાવરણમાં પલટોઃ જિલ્લામાં મધરાત બાદ ભારે પવન સાથે વરસાદ, ખેતરમાં ઘઉંના પાકને નુકસાનની ભીતિ છે. access_time 4:07 pm IST

  • આયુષ મંત્રાલયના નિર્દેશોના પગલે, ગુજરાતના ફૂડ એન્ડ ડ્રગ કંટ્રોલ એડમિનિસ્ટ્રેશન દ્વારા ગેરમાર્ગે દોરેલા દાવા બદલ રાજકોટ સ્થિત ઉત્પાદકને સમન્સ પાઠવવામાં આવ્યા છે, જેમણે કહ્યું છે કે તેમનું ઉત્પાદન 'આયુધ એડવાન્સ' એ 'કોવિડ ટ્રીટમેન્ટ માટે પહેલી ક્લિનિકલ રીતે ચકાસાયેલ દવા' છે અને તે રિમડેસિવીર કરતા ત્રણ ગણી સારી છે : PIB access_time 10:06 am IST