Gujarati News

Gujarati News

News of Wednesday, 21st April 2021

ભારતમાં હવે કોરોનાના ટ્રિપલ મ્યૂટેશન સ્ટ્રેનનો ખતરો

દેશના અમુક ભાગોમાં 'ટ્રિપલ મ્યૂટેશન સ્ટ્રેન' જોવાયો :કોરોનાના એક પ્રકાર B.1.167માં ત્રીજા મ્યૂટેશનની ઓળખ થઈ : આ મ્યૂટેન્ટ મહારાષ્ટ્ર, પશ્ચિમ બંગાળ અને દિલ્હીમાં જોવા મળ્યાનો અહેવાલ

મુંબઈઃ કોરોનાવાઈરસ મહાબીમારીએ એક વર્ષ વીતી ગયું તે છતાં હજી પણ દેશમાં હાહાકાર મચાવવાનું ચાલુ રાખ્યું છે અને તે પણ ગયા વર્ષ કરતાં વધારે ઉગ્ર સ્વરૂપે. આ રોગચાળાનું સંકટ દરરોજ ઘેરું બનતું જાય છે અને દેશના આરોગ્યતંત્ર પર બોજો વધતો જાય છે. એવામાં હવે એવા અહેવાલો છે કે દેશના અમુક ભાગોમાં 'ટ્રિપલ મ્યૂટેશન સ્ટ્રેન' ધ્યાનમાં આવ્યો છે. મ્યૂટેશન ત્યારે થાય છે જ્યારે વાઈરસ સ્વરૂપ બદલ્યા કરે છે અને જેટલો એ મ્યૂટેટ થાય છે એટલો એ ફેલાય છે. ભારતમાં ડબલ મ્યૂટેશન સ્ટ્રેનવાળા વાઈરસના કેસોમાં આવું થઈ ચૂક્યું છે.

હવે કોરોનાના એક પ્રકાર B.1.167માં ત્રીજા મ્યૂટેશનની ઓળખ થઈ છે. નિષ્ણાતોનું કહેવું છે કે આને ગંભીરતાથી લેવું પડશે. આ સ્ટ્રેન ભારત માટે નવો પડકાર બની શકે છે. એ બરબાદી લાવે એ પહેલાં જ એને હરાવવો પડશે. ટૂંકમાં, ટ્રિપલ મ્યૂટેશન વેરિએન્ટમાં કોરોનાના ત્રણ સ્ટ્રેન મળ્યા છે. આ ત્રણેય સ્ટ્રેન મળીને એક નવો વેરિએન્ટ બનાવે છે. હાલ આ મ્યૂટેન્ટ મહારાષ્ટ્ર, પશ્ચિમ બંગાળ અને દિલ્હીમાં જોવા મળ્યાનો અહેવાલ છે.

(7:32 pm IST)
  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST

  • દેશમાં હાહાકાર મચી ગયો : છેલ્લા 24 કલાકમાં ભારતમાં ઓલટાઈમ રેકર્ડબ્રેક 3 લાખથી વધુ નવા કોરોના કેસ નોંધાયા અને 2050 થી વધુ દુઃખદ મૃત્યુ નોંધાયા : લોકો ખળભળી ઉઠ્યા access_time 11:23 pm IST

  • આજે રાજકોટ શહેર - જિલ્લામાં કોરોના આંશિક શાંત પડ્યો : આજે સાંજ સુધીમાં રાજકોટ શહેરમાં 397 અને ગ્રામ્યના 119 કેસ સાથે કુલ 516 નવા કોરોના ના કેસ નોંધાયા access_time 7:54 pm IST