Gujarati News

Gujarati News

News of Wednesday, 21st April 2021

મહિલા ડોકટરે રડતાં રડતાં કહ્યું:-'પહેલા આવી સ્થિતિ કયારેય નથી જોઈ'

તુટતા શ્વાસ-ઇલાજ માટે દર્દીઓની દોડધામ વચ્ચે મુંબઇના એક ડોકટરનો ઇમોશનલ વિડિયો વાયરલ : 'હાલ અમને ડોકટરોને પણ કયાંકને કયાંક ઇમોશનલ બ્રેકડાઉન થઈ રહ્યું છેઃ આથી જ તમારૂ પોતાનું ધ્યાન રાખો અને સુરક્ષિત રહો'

મુંબઈ, તા.૨૧: દેશની હોસ્પિટલોમાં ઓકસીજન બેડ અને વેન્ટિલેટરની અછત વચ્ચે કોરોના વાયરસની બીજી લહેર ખૂબ જ ખતરનાક થઈ રહી છે. મંગળવારે દેશમાં ૨.૯૪ લાખ નવા કેસ નોંધાયા છે. આ દરમિયાન ૨૦૨૦ લોકોનાં મોત થયા છે. મહારાષ્ટ્ર અને દિલ્હીની હાલત સૌથી વધારે ખરાબ છે. દેશની આર્થિક રાજધાની મુંબઈમાં હેલ્થ સેવા ભાંગી પડી છે. કોરોનાના દર્દીઓ દવા અને ઓકસીજન વગર તડપી તડપીને મોતને ભેટી રહ્યા છે. ડોકટરો પણ લાચાર છે. આ બધાની વચ્ચે ઇન્ફીશિયસ ડિસીઝ ફિઝીશિયન ડોકટર તૃપ્તિ ગિલાડાનો એક વીડિયો સોશિયલ મીડિયા પર ખૂબ જ વાયરલ થયો છે.

વીડિયોમાં ડોકટર તૃપ્તિ ગિલાડી રડી રહ્યા છે. તેઓ કહી રહ્યા છે કે, 'બહુ બધા ડોકટર્સની જેમ હું પણ પરેશાન છું. મુંબઈની હાલત તો ખૂબ જ ખરાબ છે. અહીં હોસ્પિટલોના ICUમાં જગ્યા નથી. અમે પહેલા આવી સ્થિતિ કયારેય નથી જોઈ. અમે અસહાય છીએ. વર્તમાન સ્થિતિમાં અમે બધા ડોકટરો પણ કયાંકને કયાંક ભાવુક થઈને ભાંગી રહ્યા છીએ. આથી તમારું ધ્યાન રાખો અને સુરક્ષિત રહો.

વીડિયોમાં ડોકટર ગિલાડા કહે છે કે, તમને છેલ્લા એક વર્ષથી કોરોના નથી થયો. તમે એવું માનો છો કે તમે સુપરહીરો છો, તમારી રોગપ્રતિકારક શકિત ખૂબ સારી છે, તો તમે ભ્રમમાં છો. અમે ૩૫ વર્ષના યુવાઓને પણ વેન્ટિલેટર પર જોઈ રહ્યા છીએ, જેમની સ્થિતિ ખૂબ નાજુક હોય.

ડોકટરે કહ્યુ કે, 'આવું પહેલા કયારેય નથી જોયુ, જયારે એકસાથે આટલા બધા લોકોનું ધ્યાન રાખવું પડે. અમે લોકોના ઘરોમાં ઓકસીજન લગાવીને વ્યવસ્થા કરી રહ્યા છીએ. જે લોકોએ વેકસીનના બે ડોઝ લઈ લીધા છે તેમાં કોરોનાની ઇન્ફેકશન ઓછું દેખાઈ રહ્યું છે. તેમને હોસ્પિટલોમાં નથી દાખલ કરવા પડતા. સ્પષ્ટ છે કે રસી કોરોના સામે લડવા માટે મદદરૂપ થઈ રહી છે.

આ દરમિયાન ડોકટર ગિલાડા પોતાના આંસુઓને રોકવાનો પ્રયાસ કરતા ખૂબ જ ભાવુક થઈને કહે છે કે, 'હાલ અમને ડોકટરોને પણ કયાંકને કયાંક ઇમોશનલ બ્રેકડાઉન થઈ રહ્યું છે. આથી જ તમારું પોતાનું ધ્યાન રાખો અને સુરક્ષિત રહો. ડરીને હોસ્પિટલમાં દાખલ થવાની જરૂર નથી. અમુક લોકોને દાખલ કરવા જરૂરી છે, તેમના માટે બેડ નથી.

(11:07 am IST)
  • કેન્દ્રીય આરોગ્યમંત્રી ડો. હર્ષવર્ધનની જાહેરાત : COVID19 પ્રધાનમંત્રી ગરીબ કલ્યાણ પેકેજ (PMGKP) હેઠળની વીમા યોજના, આરોગ્ય સેવા આપતા કર્મચારીઓ માટે આજથી વધુ 1 વર્ષ માટે લંબાવવામાં આવી છે. access_time 11:31 pm IST

  • કોરોનાના વધતા કહેરને લઈ યુજીસી નેટની (UGC Net May Exam 2021) પરીક્ષા પણ સ્થગિત કરી દેવામાં આવી છે. કેન્દ્રીય શિક્ષા મંત્રી રમેશ પોખરિયાલ નિશંકે ટ્વીટ કરીને જાણકારી આપી છે. શિક્ષણ મંત્રીએ ટ્વીટ કરીને લખ્યું, અત્યારના કોરોનાકાળ દરમિયાન ઉમેદવારો અને પરીક્ષા અધિકારીઓની સુરક્ષા તથા કલ્યાણને ધ્યાનમાં રાખી મેં ડગ NTA ને યુજીસી નેટ ડિસેમ્બર સાયકલની પરીક્ષા સ્થગિત કરવાની સલાહ આપી છે. પરીક્ષાની નવી તારીખો હવે પછી જાહેર કરાશે. access_time 9:43 pm IST

  • છેલ્લા 24 કલાક દરમ્યાન દેશમાં 1,45,000 થી વધુ લોકોએ કોરોનાનો મહાત કર્યો : જ્યારે 2,71,000 થી વધુ નવા કેસ અને 1780 થી વધુ દુઃખદ મૃત્યુ નોંધાયા છે : રાત્રે 10.15 વાગ્યાની સ્થિતિએ હજુ 6 રાજ્યોના છેલ્લા 24 કલાકના નવા કેસ રિપોર્ટ કરવાના બાકી છે. access_time 10:59 pm IST