Gujarati News

ઇસ્લામાબાદઃ પાકિસ્તાનના સિંધ પ્રાંતમાં આવેલા રહીમ યાર ખાનમાંથી એક હિન્દુ સગીર યુવતિ નયનાનું ૧૩ માર્ચ ૨૦૧૯ના રોજ અપહરણ કરાયુ હોવાનું સમાચાર સૂત્રો દ્વારા જાણવા મળે છે. જેના વિરોધમાં હિન્દુઓ દ્વારા દેખાવો થઇ રહ્યા છે તથા પોતાની પુત્રીને સલામત રીતે પાછી અપાવવા માટે યુવતિના પિતા રઘુ રામએ પાંચ એપ્રિલના રોજ ફરિયાદ નોંધાવી છે.

અપહૃત યુવતિના પિતાએ કરેલી ફરિયાદમાં જણાવાયા મુજબ તાહિર તામરી નામક એક વગદાર વ્યકિતએ ૬ માણસોની મદદથી પોતાની પુત્રીનું અપહરણ કર્યુ છે. જેઓએ નયનાને કરાંચી લઇ જઇ ધર્માંતર કરાવી તેનું નામ નૂર ફાતિમા રાખી દીધું છે. જેને અપહરણ કર્તાઓના તાબામાંથી મુકત કરાવવા દેખાવો કરવાનું ચાલુ છે.