Gujarati News

નવી દિલ્હીઃ દુનિયાભરમાં જાહેર તેમજ ખાનગી દેવું રેકોર્ડ સ્તરે પહોંચ્યું છે તેનાથી વૈશ્વિક મંદીનું જોખમ તોળાઈ રહ્યું છે આંતરાષ્ટ્રીય મુદ્રા કોષ (IMF) ના મતે વૈશ્વિક દેવું વધીને 164 ટ્રિલયન ડોલર એટલે કે 164 લાખ કરોડ ડોલરના રેકોર્ડ ઉચ્ચ સ્તર પર પહોંચી ગયું છે. જો આ દેવાને ભારતીય મુદ્રામાં બદલવામાં આવે તો અંદાજીત 10,66,000000 કરોડ રૂપિયા (અંદાજીત 10,660 લાખ કરોડ રૂપિયા) થાય છે.

   IMFએ ચેતવણી આપી છે કે વધી રહેલા વૈશ્વિક જેવાનું ટ્રેન્ડ એટલો જોખમી છે કે નાણાકીય સ્થિતિ બગડતા તમામ દેશોને પોતાનું દેવું ચૂકવવામાં મુશ્કેલી આવી શકે છે.જેના કારણે દુનિયામાં વૈશ્વિક મંદી આવી શકે છે. બ્લૂમબર્ગમાં છપાયેલા રિપોર્ટ મુજબ વધી રહેલું દેવું વૈશ્વિક મંદીનું કારણ બની શકે છે.

  IMF દર 6 મહિને ફિસ્કલ મોનિટર રિપોર્ટ જાહેર કરે છે અને આ વખતે રિપોર્ટ જાહેર કરવામાં આવ્યો. રિપોર્ટ મુજબ વર્ષ 2016માં ગ્લોબલ પબ્લિક અને પ્રાઈવેટ દેવું વધી પોતાના સર્વોચ્ચ સ્તર પર પહોંચી ગયું છે. જે દુનિયાની જીડીપીના 225 ટકા થઈ ગયું છે. આ પહેલા વૈશ્વિક દેવું 2009માં પોતાના ઉચ્ચ સ્તર પર હતું.

IMFના ફિસ્કલ અફેયર્સ ડિપાર્ટમેન્ટના પ્રમુખ વિટોર ગેસ્પરે એક ઈન્ટરવ્યૂમાં ‘164 ટ્રિલયનનો આંકડો એ ખુબ વિશાળ સંખ્યા છે. જ્યારે આપણે જોખમોની વાત કરીએ છીએ કે તેમાં મોટું જોખમ પબ્લિક અને પ્રાઈવેટ દેવું હાલ ઉચ્ચ સ્તર પર છે.’

દુનિયામાં ખાનગી દેવું ખુબ ઝડપથી વધી રહ્યું છે ખાસ કરીને ચીનમાં. દુનિયાભરના કુલ ખાનગી ખર્ચમાં અંદાજીત ત્રણ ચતૃર્થાંશ ભાગ તો માત્ર ચીનનો છે. IMFના રિપોર્ટમાં કહ્યું છે કે વધારે પડતા દેવાને કારણે દેશના ખર્ચ કરવાની ક્ષમતા પર પણ અસર પડશે. જેનાથી દેશનો વિકાસ દર પ્રભાવિત થશે અને તે મંદી આવી શકે છે.