Gujarati News

Gujarati News

News of Saturday, 21st March 2020

કોવીડ-૧૯નું બીજુ અને સાવ અજાણ્યું પાસુ : ચીને પોતાની અર્થ વ્યવસ્થા બચાવવા દુનિયાની પથારી ફેરવી ?

ગજબનાકનો ખેલ રમાયાનો ભય : કોરોનાનો ભય સર્જી પોતાનું માર્કેટ : તોડી નાખ્યું : વિદેશીઓ પાસે રહેલા શેર પાણીના ભાવે ખરીદી લીધા અને હવે ૨ દિ'માં જ ૨૦ બીલીયન ડોલરની કમાણી કરી

નવી દિલ્હી તા. ૨૧ : આ થીયરી અનુસાર, ચીની નેતાગીરીએ વિશ્વના ગળે ઉતરી જાય તેવું કોવીડ-૧૯નું ગતકડું કાઢીને પોતાની અર્થવ્યવસ્થા બચાવવાની કરામત કરી હતી. અમેરિકન અર્થ વ્યવસ્થાથી આગળ નીકળવા માટે ચીન કોઇ રાજકીય કામગીરી કરી શકે તેમ નહોતું. કારણ કે તેમ થાય તો યુરોપીયનો અને અમેરિકનો તેની અર્થવ્યવસ્થાને મંદ પાડવાનો આરોપ ચીન પર મુકે એટલે ચીને પોતાની પ્રજાને બચાવવા થોડાક લોકોનું બલિદાન આપી દીધું.

આ કરામત વાપરીને ચીન બધાને છેતરવામાં સફળ થયું અને બે દિવસમાં તેણે ૨૦ બીલીયન ડોલર મેળવી લીધા. ચીની પ્રમુખ વિચારી પણ ન શકાય તેવી ગેમ રમીને અમેરિકા અને યુરોપીય સંઘની આંખોમાં ધૂળ નાખવામાં સફળ થયા.

કોરોના વાયરસના સમાચારો જાહેર થયા તે પહેલા ચીનમાં ટેકનોલોજી અને કેમીકલના ઉત્પાદનની મોટી કંપનીઓમાં યુરોપ અને અમેરિકન રોકાણકારોનું જ મોટાભાગનું રોકાણ હતું. આનો અર્થ એ થાય કે મોટી ટેકનોલોજીકલ અને કેમીકલ કંપનીઓનો નફો વિદેશી રોકાણકારોના હાથમાં જતો હતો, ચીની તિજોરીમાં નહીં. આના પરિણામે ચીની કરન્સી યુઆનનું સતત ધોવાણ થઇ રહ્યું હતું અને ચાઇનીઝ સેન્ટ્રલ બેંક પણ તેમાં કંઇ નહોતી કરી શકતી.

ચીની રાષ્ટ્રપતિના 'આ વાયરસ દેશને બચાવવા માટે અમારી પાસે પુરતી તૈયાર નથી' એવા નિવેદન પછી ચીનમાં આવેલી ટેકનોલોજી અને કેમીકલની કંપનીઓના શેર સાવ ગગડી ગયા હતા અને વિદેશી રોકાણકારોમાં આ શેર ઇતિહાસમાં કયારેય ન જોવાયા હોય તેવા ભાવે વેચવાની હોડ મચી ગઇ હતી.

ચીની સરકાર આ શેરના ભાવ ગગડીને તળીયે પહોંચે અને મફતના ભાવે મળતા થાય તેની રાહ જોઇને જ બેઠી હતી. પછી તેણે આ શેરો ખરીદી લેવાનો હુકમ કર્યો હતો.

વિદેશી રોકાણકારોને જ્યારે તેઓ છેતરાયા હોવાની ખબર પડી ત્યારે તો બહુ મોડું થઇ ચુકયું હતું. કેમકે ત્યારે તો તે શેર ચીની સરકારના હાથમાં આવી ગયા હતા અને તેણે કંઇ પણ કર્યા વગર વિદેશી કંપનીઓનું રાષ્ટ્રીયકરણ કરી નાખ્યું હતું.

આ બધું તેણે કોઇ પણ પ્રકારની રાજકીય કટોકટી વગર મફતના ભાવે કરી નાખ્યું છે અને આના પરિણામે જગતભરની અર્થ વ્યવસ્થા મંદીમાં જતી રહી છે, જ્યારે ચીનની અર્થવ્યવસ્થા મજબૂત થવાની શરૂઆત થઇ ગઇ છે.

(4:04 pm IST)
  • જો ભાજપ સરકાર બને તો : શિવરાજસિંહ માટે ચોથી વખત મુ.મંત્રી બનવાનું આસાન નથી જ : જયોતિરાદિત્યના બળવા અંગે હાઇકમાન્ડે શિવરાજને છેવટ સુધી અંધારામાં જ રાખેલ નરોત્તમ મિશ્ર, ગોપાલ ભાર્ગવ, વી.ડી.શર્મા, રાકેશ સિંહ, નરેન્દ્રસિંહ તોમર જેવા નામો પણ વહેતા થયા છે access_time 1:00 pm IST

  • કોરોના વાઇરસ સારવાર માટે રાજકોટ ,અમદાવાદ,સુરત અને વડોદરામાં અલગ હોસ્પિટલ ઉભી કરાશે : અમદાવાદની 1200 બેડની નવી સિવિલ હોસ્પિટલ કોરોના વાઇરસ આઇસોલેશન માટે ઉભી કરાશે : કોરોના વાઇરસ સારવાર માટે સ્ટાફ મુકાશે : ગભરાવાની જરૂર નથી : કોરોના વાઇરસને કારણે મૃત્યુનું પ્રમાણ 2 ટકાથી ઓછું છે : વિદેશથી આવેલા લોકો 14 દિવસ સુધી ઘરની બહાર ન નીકળે : મુખ્યમંત્રી વિજયભાઈ રૂપાણી access_time 8:17 pm IST

  • સમગ્ર રાજસ્થાન 22 થી 31 માર્ચ સુધી સંપૂર્ણ બંધ જાહેર :અશોક ગેહલોતે લોકડાઉનજાહેર કર્યું :કોરોના ફાટી નીકળતા રાજસ્થાનના મુખ્યમંત્રી અશોક ગેહલોતે સમગ્ર રાજસ્થાનમાં આજે મધરાતથી 31 માર્ચ સુધી લોકડાઉન જાહેર કર્યું છે.: શાકભાજી, ડેરી પ્રોડક્ટ, દવાની દુકાનો ખુલ્લી રહેશે. access_time 10:54 pm IST