Gujarati News

Gujarati News

News of Thursday, 21st March 2019

યુપીમાં પાર્ટી ઓફિસમાં હોળી રમી રહેલા ભાજપના ધરાસભ્ય પર ગોળીબાર

કોઈ બાબતે વિવાદ થતા આરોપીએ ધારાસભ્ય પર ગોળી ચલાવી :હોસ્પિટલમાં સુરક્ષા વધારી

લખનઉઃ ઉત્તર પ્રદેશની લખીમપુર સદર સીટથી ભાજપ પાર્ટીના ધારાસભ્ય યોગેશ વર્મા પર હોળી રમતી વખતે ગોળીબાર થયો હતો  યોગેશ વર્મા જે સમયે પાર્ટી ઓફિસમાં હોળી રમી રહ્યા હતા ત્યારે તેમના પગ પર કોઈએ ગોળી મારી હતી. જે બાદ તેમને હોસ્પિટલે દાખલ કરવામાં આવ્યા છે. એસપી લખીમપુર પૂનમે જણાવ્યું કે વર્માના પગમાં ગોળી લાગી છે. હોસ્પિટલમાં તેમનો ઈલાજ થઈ રહ્યો છે

યોગેશ વર્મા લખીમપુર સદરથી ભાજપના ધારાસભ્ય છે. ઘટના બપોર બાદ બની, જ્યારે પાર્ટી ઑફિસમાં હોળીનું જશ્ન ચાલી રહ્યું હતું. ગોળી કોણે ચલાવી તે અંગે હજુ સુધી માલુમ નથી પડ્યું. ધારાસભ્ય તુલસી હોસ્પિટલમાં દાખલ છે, પોલીસે આ મામલે કેસ નોંધી તપાસ હાથ ધરી છે. પોલીસ અધીક્ષક પૂનમે હોસ્પિટલની સુરક્ષા વધારી દીધી છે. ડીએમ એસપી સહિત કેટલાય અધિકારીઓ ઘટના સ્થળે પહોંચી ગયા છે.

 

લખીમપુરના ડીએમ એસ સિંહે જણાવ્યું કે કેટલાક લોકો સાથે ધારાસભ્ય યોગેશ વર્મા વાતચીત કરી રહ્યા હતા, ત્યારે જ કોઈ જોડે તેમનો વિવાદ થયો અને વાત એટલી આગળ નીકળી ગઈ કે આરોપીએ ધારાસભ્ય પર ગોળી ચલાવી દીધી. ધારાસભ્યની હાલત ખતરાથી બહાર છે પરંતુ સદમામાં હોવાથી તેઓ નિવેદન નથી આપી શકતા.

(8:29 pm IST)
  • સાંબરકાઠાઃ હાથરોલ જંગલમાં ભીષણ આગઃ જંગલમાં આગ લાગતા વનરાજી બળીને ખાખઃ આગ પર કાબુ મેળવવાના પ્રયાસો શરૂ કરાયા access_time 6:53 pm IST

  • દિલ્હીમાં મસ્જિદમાં લાઉડસ્પીકરથી લોકોને પરેશાની :નેશનલ ગ્રીન ટ્રિયુબનલે કહ્યું આ ગંભીર અપરાધ : પોલીસે તુર્ત કાર્યવાહી કરવી જોઈએ : NGT પીઠે કહ્યું નાગરિકોને શાંતિપૂર્ણ પર્યાવરણનો બંધારણીય અધિકાર છે અને તેને નિર્ધારિત માપદંડથી વધુ ધ્વનિ પ્રદુષણ દંડનીય અપરાધ છે સાથોસાથ પોલીસને કહ્યું કે આવા સ્થળોની ઓળખ કરે અને ઉલ્લંઘનકર્તાઓ વિરુદ્ધ સખ્ત કાર્યવાહી માટે એક નિગરાની પ્રણાલી સ્થાપિત કરે access_time 12:21 am IST

  • સપા -બસપાના ઉમેદવાર શફીકુર્રરહમાન બર્કનું વિવાદી નિવેદન :કહ્યું વંદેમાતરમના આજે પણ અમે વિરોધી છીએ :ચાર વખત સાંસદ અને યુપી સરકારમાં મંત્રી રહી ચૂકેલા બર્કે મુરાદાબાદમાં કહ્યું કે તેઓ વંદેમાતરમનો ખુલીને વિરોધ કરે છે :પૂર્વ સંસદે કેમરા સમક્ષ ભાર મૂકીને કહ્યું કે તેઓ આજે પણ વંદેમાતરમનો વિરોધ કરે છે :ગત સરકારમાં સંસદમાં ચાલતા રાષ્ટ્રગીતનો વિરોધ કરીને બર્કે વોકઆઉટ કર્યો હતો access_time 12:31 am IST