Gujarati News

Gujarati News

News of Wednesday, 21st March 2018

સામાન્ય માણસને લાગશે મોટો ઝાટકો :પાવર કંપનીઓની વીજળીના ભાવ વધારવા તૈયારી

પ્રદૂષણ ઘટાડવા માટે પ્લાન્ટને ટેકનીકલી અપગ્રેડ કરવો પડશે ;સરકારની માંગી મદદ

 

નવી દિલ્હી :સામાન્ય માણસને આગામી દિવસોમાં મોટો ઝાટકો લાગી શકે છે પાવર કંપનીઓ દ્વારા વીજળીના ભાવ વધારવા તૈયારી થઇ રહી હોવાનું જાણવા મળે છે દેવાના બોજા નીચે દબાયેલી દેશની વીજળી ઉત્પાદક કંપનીઓએ પર્યાવરણ મંત્રાલયના નિર્દેશોનું પાલન કરવા માટે સરકારની મદદ માગી છે.મળતી વિગત મુજબ સરકારી અને પ્રાઇવેટ વીજળી ઉત્પાદક કંપનીઓએ કોલસા આધારિત જુના પ્લાન્ટેને ટેકનીકલી અપગ્રેડ કરવા માટે થનારા ખર્ચમાં મદદ કરવા માટે સરકાર પાસે અરજી કરી છે. નવી ગાઇડલાઇન પ્રમાણે કંપનીઓએ વીજળી ઉત્પાદનમાં પ્રદૂષણ ઘટાડવા માટે પ્લાન્ટને ટેકનીકલી અપગ્રેડ કરવો પડશે

પાવર પ્લાન્ટને ટેકનીકલી અપગ્રેડ કરવાથી વીજળી કંપનીઓના ઇનપુટ કોસ્ટમાં વધારો થશે. વીજળી ઉત્પાદક કંપની પહેલાંથી દેવાના ભારે બોજ નીચે દબાયેલી છે અને માનવામાં આવે છે કે આનાથી એની મુશ્કેલીમાં વધારો થશે. સરકારે સંસદમાં પણ નિવેદન આપ્યું છે કે નવી ગાઇડલાઇનના કારણે ઇનપુટ કોસ્ટમાં વધારો થશે અને વીજળીની કિંમત પ્રતિ યુનિટ 93 પૈસા જેટલી વધી શકે છે જેની સીધી અસર ગ્રાહકોના ખિસ્સાં પણ પડશે

હાલમાં લગભગ 300 પ્લાન્ટને ટેકનીકલ અપડેટ કરવાનું આયોજન છે. સુત્રોએ આપેલી માહિતી પ્રમાણે સરકાર 25 વર્ષથી જુના પ્લાન્ટને ટેકનીકલી અપડેટ કરવાના પક્ષમાં નથી. આમ, સરકાર બને એટલા ઓછા પાવર પ્લાન્ટને વધારાના ખર્ચનો બોજ આપવા માગે છે જેથી વીજળીની કિંમતને કાબૂમાં રાખવામાં મદદ મળે.

(11:07 pm IST)
  • ભારે કરી.... નિદાહાસ ટ્રોફીની ફાઈનલ મેચમાં ભારત સામે બાંગ્લાદેશનો પરાજય થયો હતો. વલસાડ તાલુકાનાં વાંકલ ગામે રહેતા નિવૃત્ત શિક્ષક પ્રવીણભાઈ બાબરભાઈ પટેલ રવિવાર રાત્રે ભારત અને બાંગ્લાદેશ વચ્ચેની નિદાહાસ ટ્રોફીની ફાઈનલ મેચ પત્ની સાથે નિહાળી રહ્યા હતાં. છેલ્લા બોલે છગ્ગો ફટકારતા જ પ્રવિણભાઈનું હ્રદય હુમલો થયો, હોસ્પિટલે જતા રસ્તામાં જ કાળ ભેટી ગયો હતો. access_time 1:49 am IST

  • રાજકોટમાં પવનની ઝડપમાં વધારો : ગરમીમાં ઘટાડો :બપોરે ૧:૩૦ વાગ્યાની આસપાસ ૨૪ કિ.મી.ની ઝડપે અને એવરેજ ૧૬ કિ.મી.ની ગતિએ પવન ફૂંકાઈ રહ્યા છે : ૩૩.૬ ડિગ્રી તાપમાન : ગરમીમાં ઘટાડો થતા આંશિક રાહત access_time 4:23 pm IST

  • દિલ્હી : દ્વારકાની ઈપીએફ ઓફીસમાં બનાવટી ખાતા કૌભાંડ : કરોડો જમા કરાવ્યા : નવી દિલ્હી : કૌભાંડોની હારમાળામાં વધુ એક કૌભાંડ ઉમેરાયુ : દિલ્હીના દ્વારકા ખાતેની ઈપીએફ ઓફીસમાં ૪ કરોડ રૂપિયા બનાવટી ખાતાઓમાં જમા કરાયાની એફઆઈઆર નોંધાવાઈ : ૧ કર્મચારીની ધરપકડ થઈ access_time 3:41 pm IST