Gujarati News

Gujarati News

News of Wednesday, 21st March 2018

અમિતાભ બચ્ચને કયો ફોટો મોકલતા ફિલ્મોના રોલ માટે રિજેક્ટ થયા? :બિગ બીએ કર્યો ખુલાસો

-ખુદ અમિતાભે ફોટો શેર કરીને પાંચ દાયકા પહેલાની વાતનો કર્યો ઉલ્લેખ

મુંબઈ ;બોલીવુડના મહાનાયક અમિતાભ બચ્ચન ફિલ્મ ઇન્દ્રસ્ટ્રીઝમાં ખુબ આદરભર્યું સ્થાન ધરાવે છે તેઓ ફેસબુક, ટ્વીટર, ઇન્સ્ટાગ્રામ અને બ્લોગ સાઈડસ પર પણ ખૂબ સક્રિય રહે છે. તેવામાં બિગ બીએ એક ફોટો સોશિયલ મીડિયા સાઈટ ઇન્સ્ટાગ્રામ પર ખૂબ પસંદ કરવામાં આવી રહ્યો છે અમિતાભે આ ફોટો ફિલ્મોમાં રોલ માટે મોકલ્યો હતો પરંતુ તેમને રિજેક્ટ કરી દેવામાં આવ્યા હતા.

   ખુદ અમિતાભ બચ્ચને આ ફોટો શેર કરતા લખ્યું કે, ફિલ્મોમાં જોબ માટે મારી એપ્લીકેશન પિક્ચર. ૧૯૬૮. કોઈ આશ્ચર્ય નથી કે હું રિજેક્ટ થઇ ગયો હતો!

આ ફોટાને 5 લાખ કરતા વધુ વખત લોકોએ અત્યાર સુધી પસંદ કર્યો છે. અમિતાભ બચ્ચન ઘણી જગ્યા પર જણાવી ચૂક્યા છે કે, તેમને ફિલ્મોમાં રોલ મેળવવા માટે ઘણી મહેનત કરવી પડી હતી. અમિતાભ બચ્ચનને ૧૯૬૯ માં સાત હિન્દુસ્તાની ફિલ્મ દ્ધારા બોલીવુડમાં ડેબ્યુ કર્યું હતું. અત્યારે અમિતાભ બચ્ચનની ત્રણ મોટી ફિલ્મો પાઈપલાઈનમાં છે. તેમાં ઠગ્સ ઓફ હિન્દુસ્તાન, ૧૦૨ નોટ આઉટ અને બ્રહ્માસ્ત્ર છે. થોડા સમય પહેલા ફિલ્મના સેટ પરથી આમિર ખાન અને અમિતાભ બચ્ચનના ફોટા સામે આવ્યા હતા. 'ઠગ્સ ઓફ હિન્દુસ્તાન' માં ફર્સ્ટ ટાઈમ આમિર ખાન અને અમિતાભ બચ્ચન એકસાથે આવી રહ્યા છે

     અત્રે ઉલ્લેખનીય છે કે, અમિતાભ બચ્ચન ફિલ્મ ઠગ્સ ઓફ હિન્દુસ્તાનના શૂટિંગ માટે રાજસ્થાનના જોધપુરમાં છે. જોધપુરમાં ઠગ્સ ઓફ હિન્દુસ્તાનના ક્લાઈમેક્સના શૂટિંગ દરમિયાન બિગબીની તબિયત બગડી હતી. મુંબઈથી ડોક્ટર્સની ટીમ જોધપુરમાં પહોચી હતી અને તેમનો ચેકઅપ કર્યો હતો. એવું જણાવવામાં આવી રહ્યું હતું કે, થાક અને હવામાનમાં પરિવર્તનના કારણે તેમની તબિયત બગડી હતી. તેમને શૂટિંગમાંથી બ્રેક લઇ આરામ કરવાનું કહેવામાં આવ્યું છે.

(10:22 pm IST)
  • દિલ્હી અને એનસીઆર ઉપર જોરદાર વાદળા ઘેરાયાઃ વરસાદની અને પવન ફુંકાવાની આજે પુરી સંભાવનાઃ જો કે આવતીકાલ સુધીમાં હવામાન ચોખ્ખુ થઈ જવા આગાહી access_time 12:52 pm IST

  • વિશ્વના સૌથી ઊંચા શિખર માઉન્ટ એવરેસ્ટ પર પ્રવાસીઓ અને પવર્તારોહકો દ્વારા ફેંકવામાં આવેલો કરચો કિલોમાં નહીં પણ ટનમાં છે. અહીં અંદાજે 100 ટન કચરો એકત્ર થયેલો છે. જેને એકત્ર કરી એરલિફ્ટ કરવાનું અભિયાન શરૂ કરવામાં આવ્યું છે. અભિયાનના પહેલા દિવસે 1200 કિલો કચરો લુકલા ઍરપૉર્ટથી કાઠમંડૂ 'ઍરલિફ્ટ' કરવામાં આવ્યો જે રિસાઇકલ માટે મોકલવામાં આવ્યો. access_time 2:12 am IST

  • રાજસ્થાનના પાલીમાં ગણગૌર પુજન માટે લાખોટીયા તળાવ સ્થિત સિરેઘાટ ઉપર બેડા લઈને પાણી ભરવા આવેલ મહીલાઓ તસવીરમાં દર્શાય છે. access_time 3:43 pm IST