Gujarati News

Gujarati News

News of Wednesday, 21st March 2018

યાસીર ઉસ્‍માનની બુક સંજય દત્તઃ ધ ક્રેઝી અનટોલ્ડ લવસ્‍ટોરી ઓફ બોલીવુડ બેડ બોય વિરૂદ્ધ અભિનેતાઅે કાનૂની પગલા લેવા નિર્ણય લીધો

મુંબઇઃ યાસીર ઉસ્‍માનની સંજય દત્ત ઉપર બાયોગ્રાફી બુક અંગે વિવાદ સર્જાયો છે અને આ મુદ્દે અભિનેતા સંજય દત્ત કાનૂની પગલા લેવા આગળ વધી રહ્યા છે.

સંજય દત્તની બાયોગ્રાફી કહીને માર્કેટમાં વેચવામાં આવી રહેલી યાસીર ઉસ્માનની બુક સંજય દત્ત : ધ ક્રેઝી અનટોલ્ડ લવસ્ટોરી ઑફ બૉલીવુડ બૅડ બૉયવિરુદ્ધ અભિનેતાએ કાનૂની પગલા લેવાનો નિર્ણય લીધો છે. તેણે ટ્વિટર પર જાણકારી આપતા કહ્યું કે તેમની સત્તાવાર બાયોગ્રાફી ટૂંક સમયમાં રજૂ થશે. જે વાસ્તવિકતા પર આધારિત હશે.

તેમણે ટ્વિટર પર જણાવ્યું કે મે યાસીર ઉસ્માન અને સંબંધિત પબ્લિકેશનને મારી બાયોગ્રાફી પબ્લિશ કરવાની સત્તા નથી આપી. મારા વકીલે તેમને કાનૂની નોટિસ મોકલી છે, જેના જવાબમાં પબ્લિકેશને કહ્યું છે કે પુસ્તકનિં કન્ટેન્ટ પબ્લિક ડોમેઇનમાં રહેલી માહિતીના આધારે લેવામાં આવ્યું છે. જો કે કેટલાંક અંશ મારા અગાઉના ઇન્ટરવ્યુના આધારે લેવામાં આવ્યાં છે અને કેટલાંક 1990ના દશકના મેગેઝિનમાં છપાતી ગોસિપ્સ અને ટેબલૉઇડ માંથી છે. જે સંપૂર્ણ રીતે કલ્પના જ છે. આવા સમાચારોમાં કોઇ તથ્ય નથી.

આ પોસ્ટ સાથે તેણે મેસજ પણ લખ્યો છે કે આશા છે કે હવે આ પ્રકારની ખોટી ખબરો નહી આવે જેનાથી મને અને મારા પરિવારને તકલીફ થાય.

ઉલ્લેખનીય છે કે અભિનેતાની આ કથિત બાયોગ્રાફીમાં તેમના અંગત જીવન અંગે અનેક ખુલાસાઓ કરવામાં આવ્યાં છે. માધુરી સાથે તેમના અફેરનો કિસ્સો પણ તેમાં છે. પુસ્તકમાં જણાવવમાં આવ્યું છે કે કેવી રીતે અભિનેતાની પત્ની રિચા સુધી તેમના અફેરની વાત પહોંચી.

ઉલ્લેખનીય છે કે જાણીતા ફિલ્મ નિર્માતા રાજકુમાર હિરાની સંજય દત્તના જીવન પર આધારિત ફિલ્મ બનાવી રહ્યાં છે. આ ફિલ્મનું શુટિંગ પૂરૂ થઇ ચુક્યું છે અને તેમાં રણબીર કપૂર સંજય દત્તની ભુમિકામાં જોવા મળશે.

(8:06 pm IST)
  • આધાર કેસમાં દલિલો દરમિયાન એટર્ની જનરલ કે. કે. વેણુગોપાલે સુપ્રીમ કોર્ટમાં કહ્યું હતું કે આધાર યોજના હેઠળ એકત્ર થયેલ તમામ ''ડેટા'' સલામત છે ! આ ''ડેટા''ને એવા બિલ્ડીંગમાં રખાયા છે જેની દિવાલો ૧૦ ફૂટ જાડી છે !! : આધાર કેસમાં અદ્ભૂત-લાજવાબ દલિલ! access_time 4:24 pm IST

  • સિંગર અલકા યાજ્ઞિક આજે પોતાનો 52મો જન્મદિવસ ઉજવી રહી છે. અલકાનો જન્મ કલકત્તાના એક મધ્યમ વર્ગીય પરિવારમાં થયો હતો. અલકાએ પોતાના માતા શુભા યાજ્ઞિક પાસેથી શાસ્ત્રીય સંગીતનો અભ્યાસ કર્યો હતો. અલકાએ 1989માં નીરજ કપૂર સાથે લગ્ન કર્યા, પરંતુ તે પાછલા 25 વર્ષથી પતિથી અલગ રહે છે. બન્ને વચ્ચે કોઈ મતભેદ કે ઝઘડો નથી, પણ પોતાના કામને કારણે તેમણે આ નિર્ણય લીધો છે. access_time 1:49 am IST

  • સોનિયા ગાંધીના સ્થાપિત ટ્રસ્ટ સહિત ૪૨ એનજીઓ વિરૂદ્ધ તપાસનો ધમધમાટ : વિદેશોમાંથી ફંડ મેળવવા અંગે : સોનિયા ગાંધી સ્થાપિત રાજીવ ગાંધી ચેરીટેબલ ટ્રસ્ટ સહિત ૪૨ એનજીઓ વિરૂદ્ધ વિદેશોમાંથી ફંડ મેળવવા અંગે તપાસ ચાલુ થઈ છેઃ લોકસભામાં માહિતી આપતા રાજયકક્ષાના ગૃહમંત્રી કિરણ રિજ્જુ access_time 3:40 pm IST