Gujarati News

Gujarati News

News of Wednesday, 21st March 2018

હલકી ગુણવતા અને ડુપ્લીકેટ હેલ્મેટ બનાવનાર -વેચનાર વિરુદ્ધ કર્યવાહી કરો: સચિન તેંડુલકરે લખ્યો ગડકરીને પત્ર

દ્વિચક્રી વાહન ચાલક સસ્તાના ચક્કરમાં હલકી ગુણવત્તાના હેલ્મેટ ન ખરીદે;સચિનની અપીલ

નવી દિલ્હી : નવી દિલ્હીઃ ક્રિકેટર અને રાજ્યસભાના સાંસદ સચિન તેંડુલકરે હલકી ગુણવત્તાના હેલ્મેટ બનાવનાર વિરુદ્ધ કાર્યવાહીની માંગ કરી છે પરિવહન પ્રધાન નીતિન ગડકરીને લખેલા પત્રમાં સચિને કહ્યું કે, દ્વિચક્રી વાહોની વધતી દુર્ઘટનાને લઈને તેની સુરક્ષાના ઉપકરણ ઉચ્ચ પ્રકારના હોય તે જરૂરી છે. 

   તેમણે લખ્યું. હું તમારા મંત્રાલયને વિનંતિ કરીશ કે, હલત્તી ગુણવત્તા અને ડુપ્લીકેટ આઈએસઆઈ માર્કની સાથે વેંચનારા વિરુદ્ધ કાર્યવાહી કરવામાં આવે.એક ખેલાડી હોવાને કારણે હું સમજુ છું કે મેદાન પર અમે જ્યારે રમીએ છીએ ત્યારે ઉચ્ચ ગ્રેડને કારણે સુરક્ષાના ઉપકરણો કેટલા જરૂરી હોય છે.હેલ્મેટ માટે પણ જરૂરી છે કે ગુણવત્તાનું સ્તર જાળવી રાખવામાં આવે.    

   રસ્તા પર સુરક્ષાના હિમાયતી સચિન તેંડુલકર લોકોને હેલ્મેટનો ઉપયોગ કરવા માટે સોશિયલ મીડિયા પર હંમેશા લખતા રહે છે. તેમણે સારા પ્રકારના હેલ્મેટના ભાવ ઓછા કરવાની અપીલ કરી જેથી દ્વિચક્રી વાહન ચાલક સસ્તાના ચક્કરમાં હલકી ગુણવત્તાના હેલ્મેટ ન ખરીદે. 

  આ પહેલા પણ સચિન લોકોને હેલ્મેટ પહેરવાની સલાહ આપતો જોવા મળ્યો હતો. તે હંમેશા લોકોને પ્રેરિત કરતા રહે છે. આ પહેલા ઘણીવાર રસ્તા પર લોકોને સુરક્ષાના પાઠ ભણાવી ચૂક્યો છે. ગત વર્ષે સચિને નવેમ્બરમાં પોતાના ટ્વીટર પર એક વીડિયો પોસ્ટ કર્યો હતો. જેમાં તે પોતાની ગાડીને રોકીને લોકોને હેલ્મેટ પહેરવાની સલાહ આપતા દેખાઇ છે. તે દ્વિચક્રી વાહનમાં પાછળની સીટ પર બેઠેલા લોકોને પણ હેલ્મેટ પહેરવાની સલાહ આપે છે. 

(12:00 am IST)
  • ભારે કરી.... નિદાહાસ ટ્રોફીની ફાઈનલ મેચમાં ભારત સામે બાંગ્લાદેશનો પરાજય થયો હતો. વલસાડ તાલુકાનાં વાંકલ ગામે રહેતા નિવૃત્ત શિક્ષક પ્રવીણભાઈ બાબરભાઈ પટેલ રવિવાર રાત્રે ભારત અને બાંગ્લાદેશ વચ્ચેની નિદાહાસ ટ્રોફીની ફાઈનલ મેચ પત્ની સાથે નિહાળી રહ્યા હતાં. છેલ્લા બોલે છગ્ગો ફટકારતા જ પ્રવિણભાઈનું હ્રદય હુમલો થયો, હોસ્પિટલે જતા રસ્તામાં જ કાળ ભેટી ગયો હતો. access_time 1:49 am IST

  • ભારતરત્ન બિસ્મીલ્લાખાનની આજે ૧૦૨મી જન્મજયંતિ : ભારત રત્ન એવોર્ડ વિજેતા શરણાઈ વાદક ઉસ્તાદ બિસ્મિલ્લાહ ખાનની આજરોજ ૧૦૨મી જન્મજયંતિ છે : આ નિમિતે ગુગલે ડુગલ ઉપર તુમનો ફોટો મૂકયો છે access_time 3:41 pm IST

  • રાજકોટમાં પવનની ઝડપમાં વધારો : ગરમીમાં ઘટાડો :બપોરે ૧:૩૦ વાગ્યાની આસપાસ ૨૪ કિ.મી.ની ઝડપે અને એવરેજ ૧૬ કિ.મી.ની ગતિએ પવન ફૂંકાઈ રહ્યા છે : ૩૩.૬ ડિગ્રી તાપમાન : ગરમીમાં ઘટાડો થતા આંશિક રાહત access_time 4:23 pm IST