Gujarati News

Gujarati News

News of Wednesday, 21st March 2018

હવે ટ્રેનની ટિકિટ સાથે OLA કેબ પણ બુક કરાવી શકાશે :IRCTC દ્વારા છ મહિના માટે કરાયો કરાર

રેલ યાત્રી ઓલાની એપ અથવા IRCTCના આઉટલેટ પર જઇને કેબ બુક કરાવી શકે છે

નવી દિલ્હી :હવે ટ્રેનની ટિકિટ સાથે રેલયાત્રીઓ OLA  કેબ પણ બુક કરાવી શકશે ભારતીય રેલવે દ્વારા પ્રવાસીઓ માટે આ સુવિધાઓ  અપાઈ છે જેના કારણે હવે રેલયાત્રી ઇન્ટરનેટ અને એપ પર ટિકિટ બુક કરાવવાની સાથે OLA કેબ માટે પણ બુકિંગ કરી શકાશે. તેનાથી યાત્રી ઘરેથી સ્ટેશન અને ટ્રેનમાંથી ઉતર્યા બાદ સ્ટેશન પરથી ઘરે અથવા હોટલ પર જવા માટે સરળતાથી ટેક્સી બુક કરાવી શકશે.

   ઇન્ડિયન રેલવે કેટરિંગ એન્ડ ટૂરિઝન કોર્પોરેશને હાલ 6 મહિના માટે કરાર કર્યો છે આ કરાર અનુસાર રેલ યાત્રી આઇઆરસીટીસી કનેક્ટ એપ અથવા વેબસાઇટ પર જઇને પોતાની કેબ બુક કરાવી શકશે. રેલ યાત્રી ઓલાની એપ અથવા IRCTCના આઉટલેટ પર જઇને કેબ બુક કરાવી શકે છે.

   આઇઆરસીટીસીએ આ અંગે જણાવ્યું કે યાત્રી એક અઠવાડિયા પહેલા પોતાની કેબ એડવાન્સમાં બુક કરાવી શકે છે. યાત્રી માઇક્રો, મીની, ઑટો, શેર વગેરે તમામ પ્રકારની કેબ બુક કરી શકશે. પરંતુ અહીં મોબાઇલ એપ દ્વારા બુકિંગ કરવા પર કોઇપણ પ્રકારનું ડિસ્કાઉન્ટ આપવામાં આવશે નહિ

(12:00 am IST)
  • દિલ્હી : દ્વારકાની ઈપીએફ ઓફીસમાં બનાવટી ખાતા કૌભાંડ : કરોડો જમા કરાવ્યા : નવી દિલ્હી : કૌભાંડોની હારમાળામાં વધુ એક કૌભાંડ ઉમેરાયુ : દિલ્હીના દ્વારકા ખાતેની ઈપીએફ ઓફીસમાં ૪ કરોડ રૂપિયા બનાવટી ખાતાઓમાં જમા કરાયાની એફઆઈઆર નોંધાવાઈ : ૧ કર્મચારીની ધરપકડ થઈ access_time 3:41 pm IST

  • 'વો કૌન થી'ના રીમેકમાં ઐશ્વર્યા રાય અને શાહિદ, સાધના - મનોજકુમારના રોલમાં : ૧૯૬૪ની સાલની લોકપ્રિય ફિલ્મ ''વો કૌન થી''ની રિમેકમાં સાધનાનો રોલ ઐશ્વર્યા રાય તથા મનોજકુમારનો રોલ શાહીદ કપૂર ભજવશે access_time 3:41 pm IST

  • મનમર્જીયા ફિલ્મના ૨ ફોટા સોશ્યલ મીડીયા ઉપર મૂકાયા : અનુરાગ કશ્યપની ફિલ્મ 'મનમર્જીયા'ની અભિનેત્રી તાપસી પન્નુએ ૨ ફોટા સોશિયલ મિડીયા ઉપર શેર કર્યા : એકમાં પોતે વિકી કૌશલના ખભે બેસવાનો આનંદ વ્યકત કરતી તથા બીજામાં અભિષેક પાઘડી પહેરેલો દર્શાવ્યો access_time 3:42 pm IST