Gujarati News

Gujarati News

News of Friday, 21st February 2020

ઓમાનના મસ્‍કતમાં ફસાયેલા ભારતીય મજદૂરોને નથી મળતુ ખાવાનુ, નથી મળતુ વેતનઃ પી.એમ. મોદીને મદદ માટે અરજ

નવી દિલ્લીઃ  ઓમાનના મસ્‍કતમાં ફસાયેલ ૩૦ ભારતીય મજુરોએ પ્રધાનમંત્રી નરેન્‍દ્ર મોદીને મદદ માટે અપીલ કરી. આ તમામ મજુરોનુ કહેવુ છે કે તે ભારત પરત આવવા માગે છે. પ્રધાનમંત્રી અમને આમા મદદ કરે. આ લોકોનો આરોપ છે કે અહીં જે કંપનીમા આ લોકો કામ કરતા હતા ત્‍યાંથી એમને છેલ્લા છ મહીનાથી પગાર અને બાકી રકમ નથી મળી જેના કારણથી એમને ઘણી મુશ્‍કેલીઓનો સામનો કરવો પડે છે અને આ લોકો પરત ઘરે પણ નથી જઇ શકતા.

જયારે ઓમાનમા આવેલ ભારતીય દુતાવાસનુ કહેવુ છે કે આ મામલો હાલમાં જ અમારી સામે આવ્‍યો છે અમે આ મજુરોના સંપર્કમા છીએ. આ ઉપરાંત અમે ઓમાનના પ્રશાસનના પણ સંપર્કમા છીએ. કાનૂની સલાહ પણ લઇ રહ્યા છીએ. તમામ મજુરો ઝારખંડ, તામિલનાડુ, અને કેરળના છે. ઝારખંડના મુખ્‍યમંત્રી હેમંત સોરેનએ ટવિટર પર આ મજુરોની ઘર વાપશી માટે વિદેશમંત્રીની મદદ માંગી છે. આ તમામ મજુરોના પરીવારજનોને  ફોન કરી આ વાતની જાણકારી આપી છે. આ લોકોને ૭ મહીનાથી પગાર નથી મળ્‍યો. બંધક બનાવીને રાખ્‍યા છે. આ મજુરો ર૦૧૭ મા ઓમાન ગયા હતા. ર૪ કલાકમાં એક વખત ખાવાનુ આપે છે વેતન માંગવા પર ધમકી આપે છે.

(11:19 pm IST)
  • આગામી 48 કલાકમાં પંજાબ અને હરિયાણામાં ભારે વરસાદ સાથે વીજળી પડવાની સંભાવના : દિલ્હી અને પશ્ચિમી ઉત્તર પ્રદેશમાં હળવા વરસાદની આગાહી : મેરઠ, સહારનપુર, બરેલી અને મુરબાબાદમાં આજ રાતથી વરસાદ શરુ થશે : લખનૌ, કાનપુર, ગોરખપુર, પ્રયાગરાજ, વારાણસી અને રાયબરેલીમાં બે દિવસ વરસાદની શકયતા access_time 11:02 am IST

  • સેનાના જવાનો સાથે ગેરવર્તન કરનાર અધિકારીને આદિત્ય ઠાકરેએ હટાવ્યા : મહારાષ્ટ્રના પ્રોટોકોલ મંત્રી આદિત્ય ઠાકરેએ દિલ્હી સ્થિત મહારાષ્ટ્ર સદનના એક અધિકારીને ફરજમુક્ત કર્યા : આ અધિકારીએ સેનાના જવાન સાથે ગેરવર્તન કર્યું હતું access_time 12:41 am IST

  • વારિસ પઠાણના નિવેદનથી કોંગ્રેસ મહાસચિવ દિગ્વિજયસિંહ તથા આર જે ડી નેતા તેજસ્વી યાદવ લાલઘૂમ : 15 કરોડ મુસ્લિમો 100 કરોડ હિંદુઓને ભારે પડશે તેવા નિવેદનના કારણે ધરપકડ કરવા માંગણી : AIMIM તથા ભાજપ એકબીજાના પૂરક છે : ધાર્મિક કટ્ટરવાદ ફેલાવી નફરત પેદા કરતા હોવાનું મંતવ્ય access_time 7:59 pm IST