Gujarati News

Gujarati News

News of Thursday, 21st January 2021

મમતાના નજીક રહેલા પીરઝાદા અબ્બાસ સીદ્દીકી દ્વારા નવા પક્ષની જાહેરાત : ૧૦૦ બેઠકો ઉપર તેમનો દબદબો : મમતા ઉપર નવી આફત

પશ્ચિમ બંગાળના મુખ્યમંત્રી મમતા બેનર્જીની ખૂબ જ નજીક ગણાતા પીરજાદા અબ્બાસ સીદ્દીકી નવો પક્ષ બનાવી રહ્યાની જાહેરાત કરી છે : બંગાળની ૧૦૦ બેઠકો ઉપર તેમનો દબદબો હોવાનું કહેવાય છે : એપ્રિલ - મેમા વિધાનસભાની ચૂંટણીઓ આવી રહી છે ત્યારે મમતાદીદીને મોટી લપડાક પડી છે : સિંગુર અને નંદીગ્રામ આંદોલનમાં મુખ્ય ભૂમિકા ભજવનાર ફુરફુરા શરીફ દરગાહના સ્થાપક પીરઝાદા અબ્બાસ સીદ્દીકી આજે નવા પક્ષની ઘોષણા કરી રહ્યા છે : તેમણે ઓવૈસી સાથે પણ મુલાકાત કરી હતી : ઓવૈસીએ એવી જાહેરાત કરેલ કે તેમનો એઆઈએમઆઈએમ પક્ષ અને મૌલવીના પક્ષ સાથે મળી પશ્ચિમ બંગાળની ચૂંટણી લડશે : મમતા બેનર્જીને મુસ્લિમો દલીતો અને આદિવાસીઓનું મોટુ સમર્થન છે ત્યારે સીદ્દીકીની નવા પક્ષની રચનાની જાહેરાતથી તેમને મોટો ફટકો પડશે : જો કે મૌલવી પોતે ચૂંટણી લડવાના નથી : મમતા બેનર્જીના નેતૃત્વ વાળી તૃણમુલ કોંગ્રેસને ૨૦૧૬માં ૨૯૪ સભ્યોની વિધાનસભામાં ૨૧૧ બેઠકો મળી હતી : જયારે આ વર્ષે એબીપી - સી વોટર સર્વે મુજબ તેમને ૧૫૬ બેઠકો આસપાસ મળવાની ધારણા છે.

(3:31 pm IST)
  • દેશની ચારેય ટોચની તપાસનીશ સંસ્થાઓને એક છત્ર હેઠળ લાવવા કસરત શરૃ : મોદી સરકાર ગંભીર રીતે દેશની ટોચની તમામ તપાસનીશ સંસ્થાઓને એક જ વડાના આધિપત્ય નીચે લાવવા ગંભીરતાથી વિચારી રહી છે જેમાં ઈડી (એન્ફોર્સમેન્ટ ડાયરેકટોરેટ), ડીઆરઆઈ (ડાયરેકટર ઓફ રેવન્યુ ઈન્ટેલીજન્સ), ડીઓડબલ્યુ (ઈકોનોમીક ઓફેન્સ વિંગ) અને એફએસઆઈઓ (સીરીયસ ફ્રોડ ઈન્વેસ્ટીગેશન ઓફીસ) આ તમામને એક જ છત્ર નીચે અને એક જ અધિકારીના વડપણ હેઠળ લાવવા મોદી સરકાર માગે છે : આગામી ૧લી ફેબ્રુઆરીના કેન્દ્રીય બજેટમાં અથવા તો તેના પછી જાહેરાત થઈ શકે તેમ ન્યુઝ ફર્સ્ટ જણાવે છે. access_time 3:32 pm IST

  • રાજકોટ-68નાં કોંગ્રેસનાં પુર્વ ધારાસભ્ય ઈન્દ્રનીલ રાજ્યગુરુ, રાજકોટ મહાનગરપાલિકાનાં પુર્વ વિપક્ષી નેતા વશરામ સાગઠીયા સહિતનાં આગેવાનોની આજે મોડી રાત્રે અકિલા ચોકમાં અનશન ઉપર બેસતા ત્રીજી વખત અટકાયત કરતી રાજકોટ પોલીસ... access_time 11:10 pm IST

  • મંદિરના પૂજારીનો મૃતદેહ મળી આવ્યો: અનેક શંકા કુશંકા : ઉત્તર પ્રદેશના લખનૌ પંથકના બીકેટી વિસ્તારમાં એક મંદિરના પૂજારીનો મૃતદેહ મળી આવતાં ખળભળાટ. access_time 12:51 pm IST