Gujarati News

Gujarati News

News of Thursday, 21st January 2021

દિલ્હીમાં જવેલર્સમાંથી 25 કિલો સોનાના દાગીનાની ચોરી

સીસીટીવી, સશસ્ત્ર ગાર્ડની હાજરી છતાં પીપીઈ કીટ પહેરી ચોર દાગીના બઠાવી ગયો : પોલીસે 24 કલાકમાં જ 13 કરોડના દાગીના સાથે ઝડપી પાડયો

નવી દિલ્હી : રાજધાની દિલ્હીમાં PPE કિટ પહેરી જ્વેલર્સની દુકાનમાંથી 25 કિલો સોનાના દાગીનાની ચોરીનો મામલો નોંધાયો છે પોલીસે 24 કલાકમાં જ 13 કરોડની કિંમતના સોનાના દાગીની સાથે આરોપી ચોર મોહમ્મદ શેખ નૂરને ઝડપી પાડ્યો છે

પોલીસે આ ચોરી અંગેની વિગત આપતા જણાવ્યું કે આરોપી મોહમ્મદ શેખ નૂક મૂળ પશ્ચિમ બંગાળના હુબલીનો રહેવાસી છે. તે દક્ષિણ-પૂર્વ દિલ્હીના કાલકાજી વિસ્તારમાં ઇલેક્ટ્રિશિયન તરીકે કામ કરે છે.

ગઇકાલે બુધવારે શેખ નૂરે સવારે 11 વાગે આ વિસ્તારમાં મેઇન રોડ પર આવેલા અંજલિ જવેલર્સમાં ચોરી ની વારદાતે અંજામ આપી. હતી ધૂમ સ્ટાઇલમાં થયેલી ચોરી અંગે પોલીસે વધુમાં જણાવ્યું કે આરોપી ચોર બીજી ઇમારતની છત પરથી અંજલિ જવેલર્સમાં પ્રવેશ્યો હતો. નવાઇની વાત એ છે કે આજુબાજુ 5 સશસ્ત્ર ગાર્ડ તહેનાત હતા.

છતાં શેખ નૂર ચોરીની ઘરેણા બેગમાં ભરી ઓટો રિક્ષા દ્વ્રારા આબાદ નીકળી ગયો હતો. અલબત્ત માત્ર 24 કલાકમાં જ પોલીસે તેને પકડી પાડી મુદ્દામાલ કબજે કર્યો. જો કે પોલીસે આટલી ઝડપથી કઇ રીતે ચોરને પકડી પાડ્યો તેની વિગતો સાંપડી શકી નથી

13 કરોડની આટલી મોટી ચોરીની  ઘટનાથી સનસનાટી ફેલાઇ ગઇ હતી અને વિસ્તારના વેપારીઓમાં દહેશત ફેલાઇ ગઇ હતી.આસપાસના લોકોનું કહેવું છે કે દુકાનમાં CCTV કેમેરા અને સશસ્ત્ર ગાર્ડની હાજરીમાં શાતિર ચોર ચોરી કરી નીકળી ગયો અને કોઇને કાનો કાન ખબર પણ ન થઇ

(2:37 pm IST)
  • જીએસટીએન નેટવર્ક ઉપર મોટો સાયબર હુમલો : 'જીએસટીએન' નેટવર્ક ઉપર મોટો સાયબર અટેક થયો છે : કેટલાક કલાકો માટે ટેકસ સંબંધિત તમામ કાર્યવાહીઓ થંભાવી દેવામાં આવી છે : ન્યુઝ ફર્સ્ટ જણાવે છે કે સત્તાવાર વિગતોની રાહ જોવાઈ રહી છે. access_time 3:32 pm IST

  • પુલવામામાં 40 જવાનોની શહીદી ચૂંટણી જીતવાનું ભાજપનું ષડયંત્ર હતું : શિવસેનાના મુખપત્ર ' સામના ' માં સનસનીખેજ આરોપ : લોકસભા ચૂંટણી જીતવા માટે ભાજપે 40 જવાનોનો ભોગ લીધો access_time 5:19 pm IST

  • દેશની ચારેય ટોચની તપાસનીશ સંસ્થાઓને એક છત્ર હેઠળ લાવવા કસરત શરૃ : મોદી સરકાર ગંભીર રીતે દેશની ટોચની તમામ તપાસનીશ સંસ્થાઓને એક જ વડાના આધિપત્ય નીચે લાવવા ગંભીરતાથી વિચારી રહી છે જેમાં ઈડી (એન્ફોર્સમેન્ટ ડાયરેકટોરેટ), ડીઆરઆઈ (ડાયરેકટર ઓફ રેવન્યુ ઈન્ટેલીજન્સ), ડીઓડબલ્યુ (ઈકોનોમીક ઓફેન્સ વિંગ) અને એફએસઆઈઓ (સીરીયસ ફ્રોડ ઈન્વેસ્ટીગેશન ઓફીસ) આ તમામને એક જ છત્ર નીચે અને એક જ અધિકારીના વડપણ હેઠળ લાવવા મોદી સરકાર માગે છે : આગામી ૧લી ફેબ્રુઆરીના કેન્દ્રીય બજેટમાં અથવા તો તેના પછી જાહેરાત થઈ શકે તેમ ન્યુઝ ફર્સ્ટ જણાવે છે. access_time 3:32 pm IST