Gujarati News

Gujarati News

News of Thursday, 21st January 2021

એમેઝોન પરથી આવેલા છાણા બિસ્કિટ સમજીને ખાઈ લીધા

ઓનલાઈન ખરીદીમાં ગ્રાહક ભેરવાયા : ઓનલાઈન મગાવેલા છાણ ખાઈ ગયેલી વ્યકિતએ તેના રિવ્યૂમાં જણાવ્યું કે ખાધા પછી તેના હાલ કેવા થયા હતા

નવી દિલ્હી, તા. ૧૮ : એક સમય એવો હતો કે કોઈ વસ્તુ લેવા જવી હોય તો તેના માટે લાંબું અંતર કાપવું પડતું હતું, આજે શહેરોના વિકાસ વચ્ચે સમય એવો આવ્યો છે કે સામાન્ય રીતે ઓછી જરુર પડતી વસ્તુઓ શોધવી મુશ્કેલ બની જતી હોય છે. આવામાં ઈન્ટરનેટ અને ઓનલાઈન શોપિંગના કારણે ઘણી બાબતો સરળ બની છે. પરંતુ જે વસ્તુથી ફાયદો થતો હોય તેના કેટલાક પાસા નુકસાન કરાવનારા પણ હોય જ છે. આવું જ એક ઓનલાઈન ખરીદ કરનારી વ્યક્તિ સાથે બન્યું છે. જેમાં વ્યક્તિએ ઓનલાઈન છાણા મંગાવ્યા પછી તેની સાથે દાવ થઈ ગયો છે.

સામાન્ય રીતે આપણે ગામડામાં કે શહેરના છેવાડે દિવાલ પર કે રોડની બાજુમાં છાણા ટીપેલા જોઈએ છીએ. પણ વસ્તુ જ્યારે ઓનલાઈન વેચવાની આવે ત્યારે તેને વધારે સુંદર બનાવવાની કોશિશ થતી જ હોય છે. પરંતુ આ કોશિશ એક કસ્ટમરને મોંઘી પડી છે.

ઘટના એવી છે કે એક વ્યક્તિએ એમેઝોન પરથી આવેલા છાણા બિસ્કિટ સમજીને ખાઈ લીધા હોવાનું માનવામાં આવે છે. છાણાં ખાઈ લેનારી વ્યક્તિ જણાવે છે કે, આનો ટેસ્ટ એકદમ ભંગાર છે. આ તો ઘાંસ અને માટીનું બનેલું હોય એવો ટેસ્ટ આવ્યો. મને આ ખાઈને ઝાડા થઈ ગયા. આ પ્રકારની વસ્તુઓ બનાવતી વખતે શુદ્ધતાનું ખાસ ધ્યાન રાખો. આ સાથે તેના ટેસ્ટ અને ક્રન્ચિનેસનું પણ ધ્યાન રાખો.

છાણાને બિસ્ટિક સમજીને ઝાપોટી ગયેલા ભાઈને એ વાતની ખબર નહીં હોય કે આ વસ્તુ ખાવા માટે બનેલી જ નથી. એમેઝોન પર રિવ્યૂમાં પોતાની વાત રજૂ કરનાર વ્યક્તિએ પોતાનું નામ લખવાનું પણ ટાળ્યું છે. છાણ ખાઈ ગયેલી વ્યકિતએ રિવ્યૂમાં એ પણ જણાવ્યું છે કે તે ખાધા પછી તેના હાલ કેવા થયા હતા. યુઝરે પોતાની સાથે બનેલી ઘટના વિશે જણાવ્યું છે અને તે ઘટના સોશિયલ મીડિયામાં વાયરલ થઈ રહી છે.

મહત્વનું છે કે છાણાનો સામાન્ય ઉપયોગ સળગાવવા માટે તથા કેટલીક ધાર્મિક વિધિઓમાં કરાતો હોય છે. અહીં ઓનલાઈન છાણા વેચતી વખતે પણ તેના હવન, પૂજા અને ધાર્મિક કાર્ય માટે ઉપયોગ અંગે જણાવવામાં આવ્યું છે. પરંતુ આ ભાઈ તો બિસ્કિટ સમજીને તેને ઝાપોટી જ ગયા. જોકે, આ પ્રકારની કમેન્ટ કોઈ વ્યક્તિએ કરેલી રમૂજ પણ હોઈ શકે છે.

(12:00 am IST)
  • ખેડુત આંદોલન મુદ્દે ઈન્દ્રનીલ રાજયગુરૂ અને પાલ આંબલીયાની સવારે અટકાયત બાદ સાંજે તેઓને છોડી મુકાયા બાદ ફરી તેઓ 'અકિલા' ચોકમાં ધરણા પર બેસતા ફરી અટકાયત : રાજકોટના પૂર્વ ધારાસભ્ય ઈન્દ્રનીલ - પોલીસ વચ્ચે પકડમ્ દાવ શરૂ : ફરી ધરણા પર બેઠેલા ઈન્દ્રનીલ સહિતના ખેડૂત આગેવાનોની અટકાયત કરી હેડ કવાર્ટર લઈ જવાયા : જયાં સુધી ખેડૂત આંદોલનની મંજૂરી નહિં મળે ત્યાં સુધી ધરણા કરવા ઈન્દ્રનીલ મક્કમ access_time 6:39 pm IST

  • દેશની ચારેય ટોચની તપાસનીશ સંસ્થાઓને એક છત્ર હેઠળ લાવવા કસરત શરૃ : મોદી સરકાર ગંભીર રીતે દેશની ટોચની તમામ તપાસનીશ સંસ્થાઓને એક જ વડાના આધિપત્ય નીચે લાવવા ગંભીરતાથી વિચારી રહી છે જેમાં ઈડી (એન્ફોર્સમેન્ટ ડાયરેકટોરેટ), ડીઆરઆઈ (ડાયરેકટર ઓફ રેવન્યુ ઈન્ટેલીજન્સ), ડીઓડબલ્યુ (ઈકોનોમીક ઓફેન્સ વિંગ) અને એફએસઆઈઓ (સીરીયસ ફ્રોડ ઈન્વેસ્ટીગેશન ઓફીસ) આ તમામને એક જ છત્ર નીચે અને એક જ અધિકારીના વડપણ હેઠળ લાવવા મોદી સરકાર માગે છે : આગામી ૧લી ફેબ્રુઆરીના કેન્દ્રીય બજેટમાં અથવા તો તેના પછી જાહેરાત થઈ શકે તેમ ન્યુઝ ફર્સ્ટ જણાવે છે. access_time 3:32 pm IST

  • બિહારમાં ગાઢ ધુમ્મસ છવાયું : બિહારમાં આજે મુઝફ્ફરંગર સહિત અનેક શહેરોમાં ગાઢ ધુમ્મસ છવાયેલું છે. સવારે વિઝિબિલિટી ખૂબ જ ઓછી થઈ ગઈ હતી. access_time 12:51 pm IST