Gujarati News

Gujarati News

News of Friday, 11th June 2021

મંડપમાં ગુટખા ચાવતો હતો વરરાજો : કન્યાએ વિધિ અટકાવી કહ્યું મારે નથી કરવા લગ્ન

દુલ્હને કહ્યું જે છોકરો થોડીવાર માટે પોતાની લત ન છોડી શકે એની સાથે મારે લગ્ન નથી કરવા : છેલ્લે વરરાજો ગુટખા ઘસતો રહી ગયો

બલિયા,તા. ૧૧ : ઘણા કપલનું લગ્નજીવન શરુ થતા પહેલાં જ લગ્નનાં મંડપમાં જ પૂરૃં થઈ જાય છે. મંડપમાં દુલ્હા કે દુલ્હને મેરેજની ચોખ્ખી ના પાડી દીધી હોય તેવા ઘણા કિસ્સા આવતા રહે છે. હાલમાં જ ઉત્ત્।ર પ્રદેશનાં બાલિયા જીલ્લામાં દુલ્હનના નિર્ણયને લીધે લગ્ન ટોક ઓફ ધ ટાઉન બન્યા છે. મંડપમાં દુલ્હો ગુટખા ખાતો આવ્યો હતો, આ જોઇને દુલ્હને તેની સાથે પરણવાની ઘસીને ના પાડી અને જાન ખાલી હાથે પાછી વળી.

મિશરૌલી ગામની દુલ્હન અને ખેજુરી ગામના દુલ્હાનાં લગ્ન શનિવારે થવાના હતા. દુલ્હને જોયું કે તેનો થનારો પતિ દારૂ પીને અને ગુટખા ખાતો ખાતો મંડપ સુધી આવ્યો હતો. આ જોઈને દુલ્હને મંડપમાં જ લગ્ન કરવાની ના પાડી. અનેક કલાક સુધી દુલ્હનને મનાવી પણ તે માની નહીં. અંતે બંને પરિવારે એકબીજાને આપેલી ગિફ્ટ પરત કરીને લગ્ન કેન્સલ કર્યા. ગુટખાને લીધે લગ્ન કેન્સલ થયેલા જોઇને મહેમાનો પણ આશ્ચર્યચકિત થઈ ગયા હતા.

આની પહેલાં પણ ઉત્ત્।ર પ્રદેશમાં અન્ય એક ૨૨ વર્ષીય દુલ્હને લગ્નમાં મંડપમાં વરરાજાનું ખરાબ વર્તન જોઇને તેને મોઢા પર જ લગ્ન કરવાની ના પાડી હતી. વરરાજો વરમાળાની વિધિ પૂરી થયા પછી દુલ્હન અને તેના પરિવારને જબરદસ્તી ડાન્સ કરાવવા માગતો હતો. દુલ્હને તેને ના પાડી તો પણ બળજબરીપૂર્વક તેને ડાન્સ કરવા કહી રહ્યો હતો.

બધા મહેમાનો વચ્ચે આવું વર્તન જોઈને દુલ્હનને ખોટું લાગ્યું અને તેણે લગ્નની ના પાડી. આ મામલો પોલીસ સ્ટેશન સુધી પહોંચતા પોલીસે બંને પરિવારને શાંત કર્યા અને એકબીજાની ગિફ્ટ પરત આપવા કહ્યું. આ કેસ વિશે પોલીસે કહ્યું, દુલ્હનને પૂરો હક છે કે તેણે કોની સાથે લગ્ન કરવા અને કોની સાથે નહીં? વરરાજાનું વર્તન ના ગમતા યુવતીએ મેરેજની ના પાડી અને બંને પરિવારે એકબીજાને ગિફ્ટ રીટર્ન કરી.

(10:34 am IST)
  • ' વધારવી હોય તો રોજગારી વધારો દાઢી નહીં ' : મહારાષ્ટ્રમાં ચાની લારી ચલાવતા અનિલ મોરે નામક શખ્સે વડાપ્રધાન નરેન્દ્રભાઈ મોદીને દાઢી કરાવવા 100 રૂપિયાનું મનીઓર્ડર મોકલ્યું : લોકડાઉનને કારણે છેલ્લા દોઢ વર્ષથી ધંધો બંધ છે : એક ચાયવાળો બીજા ચાયવાળાની મુશ્કેલી નહીં સમજી શકે તો બીજું કોણ સમજશે ? : મનીઓર્ડર સાથે મેસેજ મોકલ્યો access_time 11:01 am IST

  • આસામના મુખ્યમંત્રી હિમંત બિસ્વા સરમાની અલ્પસંખ્યક મુસ્લિમોને અપીલ : ગરીબી દૂર કરવા પરિવાર નિયોજન અપનાવો : વધી રહેલી જનસંખ્યા ગરીબીનું મૂળ કારણ છે : મુખ્યમંત્રી પદ ઉપર 30 દિવસ પુરા કર્યા access_time 5:15 pm IST

  • 11મીથી પાવાગઢ મહાકાળી માતાજીનું મંદિર દર્શનાર્થીઓ માટે ખુલશે : કોરોના ગાઈડલાઈન સાથે ભક્તો કરી શકશે માતાજીના પ્રત્યક્ષ દર્શન : કોરોના મહામારીને લઈ ચૈત્રી નવરાત્રીથી ભક્તો માટે મંદિર બંધ હતું : હવે સવારે 6 થી સાંજે 7.30 કલાક સુધી દર્શન માટે મંદિર ખુલ્લુ રહેશે access_time 6:46 pm IST