Gujarati News

Gujarati News

News of Wednesday, 7th April 2021

શ્રીલંકાએ આઈએસઆઈએસ અને અલ કાયદા સહિત 11 ઇસ્લામિક કટ્ટરવાદી સંગઠનો ઉપર પ્રતિબંધ મુક્યો

અગાઉ ઈસ્ટર હુમલા બાદ સ્થાનિક જેહાદી સંગઠન રાષ્ટ્રીય થોહિથ જમાત અને અન્ય બે સંગઠનો પર પ્રતિબંધ મૂક્યો હતો.

કોલંબો :શ્રીલંકાએ ઇસ્લામિક રાજ્ય (આઈએસઆઈએસ) અને અલ કાયદા સહિત 11 ઇસ્લામિક કટ્ટરવાદી સંગઠનો પર પ્રતિબંધ મૂકવાનો નિર્ણય લીધો છે. બુધવારે તેની સત્તાવાર જાહેરાત કરવામાં આવી હતી. એટર્ની જનરલ દપ્પુલા ડી લીવરાની ઓફિસથી જારી કરાયેલા એક નિવેદનમાં જણાવાયું છે કે તેઓએ અલ કાયદા અને આઈએસઆઈએસ તેમજ નવ સ્થાનિક ઉગ્રવાદી સંગઠનો પર પ્રતિબંધને મંજૂરી આપી દીધી છે.

અધિકારીઓએ જણાવ્યું હતું કે ગેઝેટ જારી થતાં આ પ્રતિબંધ ટૂંક સમયમાં અમલમાં આવશે. વર્ષ 2019 માં ઇસ્ટર રવિવારે આત્મઘાતી હુમલો કર્યા પછી તરત જ શ્રીલંકાએ સ્થાનિક જેહાદી સંગઠન રાષ્ટ્રીય થોહિથ જમાત અને અન્ય બે સંગઠનો પર પ્રતિબંધ મૂક્યો હતો.

આ હુમલામાં 270 લોકો માર્યા ગયા હતા, જેમાંથી 11 ભારતીય હતા.વર્ષ 2019 માં તત્કાલીન રાષ્ટ્રપતિ મૈત્રીપલા સિરીસેના દ્વારા રચાયેલી વિશેષ તપાસ સમિતિએ આ બૌદ્ધ પ્રભાવિત દેશમાં કટ્ટરવાદની હિમાયતી મુસ્લિમ કટ્ટરવાદી સંગઠનો પર પ્રતિબંધ મૂકવાની ભલામણ કરી હતી.

(11:32 pm IST)
  • મનપાના આરોગ્ય કેન્દ્રમાં સીનીયર કલાર્ક અને જુનિયર કલાર્ક તેમજ કોમ્યુટર ઓપરેટરોને ફરજ સુપ્રત કરાઈ : ૨૬૭ કર્મચારીઓના હુકમો : આરોગ્યના કર્મચારીઓ કોરોનાની ઝપટે ચડતા સ્ટાફની ભારે અછત સર્જાઈ છે ત્યારે મ્યુ. કમિશ્નરે હવે મનપાની કચેરીના ૨૬૭ જેટલા સીનીયર કલાર્ક, જુનિયર કલાર્ક, હેડ કલાર્ક તથા સર્વેયર અને ડેટા એન્ટ્રી ઓપરેટરોને આરોગ્ય કેન્દ્રમાં સવારે ૭:૪૫ થી બપોરે ૧ વાગ્યા સુધી ફરજ સોંપતા હુકમો કર્યા છે : કોરોનાની સ્થિતિ પર કાબુ મેળવવા માટે હવે આ વ્યવસ્થા શરૂ કરવામાં આવી છે access_time 3:16 pm IST

  • સમસ્યા ત્યારે ઉભી થાય છે જયારે પરીક્ષાને જીવન મરણનો પ્રશ્ન બનાવી દેવામાં આવે છે : માતા પિતાએ બાળકો ઉપર પરીક્ષાનું ટેનશન લાદવું ન જોઈએ : પરીક્ષા માટે આપણે ત્યાં એક શબ્દ છે ' કસોટી ' : જેનો મતલબ પોતાની જાતને કસવી તેવો થાય છે : પરીક્ષા એ જિંદગીનો આખરી મોકો નથી : જે લોકો જિંદગીમાં ખુબ સફળ થાય છે તેઓ દરેક બાબતમાં પારંગત નથી હોતા, પરંતુ કોઈ એક વિષય ઉપર તેમની મજબુત પક્કડ હોય છે : ' પરીક્ષા પે ચર્ચા ' વિષય પર વડાપ્રધાન શ્રી મોદીનું ઉદબોધન access_time 7:50 pm IST

  • નક્સલવાદીઓએ છત્તીસગઢના બીજાપુર જિલ્લામાં 3 એપ્રિલે એન્કાઉન્ટર બાદથી જે ભારતીય જવાનને કબ્જે કર્યો છે, તે જવાનનો ફોટો રિલીઝ કર્યો. access_time 1:20 pm IST