Gujarati News

Gujarati News

News of Tuesday, 23rd February 2021

ચીને લશ્કર પાછુ ખેંચ્યા પછી વ્યાપારીક સંબંધો શરૂ કરવા કવાયત

ચીનના ૪૫ રોકાણ પ્રસ્તાવોને મંજૂરીની શકયતા : અત્યારે લગભગ ૧૫૦ પ્રસ્તાવો અભેરાઇએ ચડાવી દેવાયા છે

નવી દિલ્હીઃ લદાખના પેન્ગોંગ સરોવાર પર જામેલ ભારત-ચીનના સંબંધોનો બરફ ઓગળવાની સાથે જ હવે રોકાણના દ્વારો ખુલવા લાગ્યા છે. સરહદ પર બંને દેશો વચ્ચેની તંગદિલી દરમ્યાન વ્યાપારિક સંબંધોમાં આવેલી ખટાશ પછી ચીનના લગભગ ૪૫ પ્રસ્તાવોને ટુંક સમયમાં મંજૂરી મળવાના અણસાર છે. સુત્રો અનુસાર, આમ તો છેલ્લા એક વરસથી ચીનના લગભગ બે અબજ ડોલરના ૧૫૦ રોકાણ પ્રસ્તાવો અભેરાઇએ ચડાવી દેવાયા છે.

પ્રથમ તબક્કામાં ઓટોમોબાઇલ, ઇલેકટ્રોનિકસ, કેમીકલ અને ટેક્ષટાઇલ સેકટરમાં મંજૂરી મળી શકે છે જો કે ડેટા, ફાઇનાન્સ અને ભારતની સુરક્ષા અંગેના સંવેદનશીલ સેકટરોમાં હાલ તો કોઇ મંજૂરી નહીં અપાય. કેન્દ્રિય ગૃહ મંત્રાલયની અંતર વિભાગીય સમિતિએ હોંગકોંગ દ્વારા આવનારા અમેરિકા, દક્ષિણ કોરીયા અને જાપાનના રોકાણોમાં ચીની સંબંધ હોવાની શંકા વ્યકત કરી છે. એટલે હોંગકોંગથી આવનારા રોકાણોની તપાસ કરવામાં આવી રહી છે.

(2:41 pm IST)
  • દેશમાં કોરોનાના ધીમીગતિએ વધતા કેસ :રાત્રે 11 વાગ્યા સુધીમાં કોરોનાના નવા 13,979 કેસ નોંધાયા :કુલ કેસની સંખ્યા 1,10,05,071 થઇ :એક્ટિવ કેસ 1,47,100 થયા: વધુ 9476 દર્દીઓ સ્વસ્થ થતા કુલ 1,06,97,014 થયા :વધુ 79 લોકોના મોત સાથે કુલ મૃત્યુઆંક 1,56,418 થયા access_time 12:09 am IST

  • ઝારખંડમાં કોંગ્રેસની જન આક્રોશ રેલીમાં થયો ડાન્સ : મંત્રીઓ સામે ડાન્સરે લગાવ્યા ઠુમકા : વિડિઓ વાયરલ થતા ચકચાર : ત્રણ કૃષિ કાયદાના વિરોધમાં દેશભરમાં યોજાતા કાર્યક્રમો વચ્ચે ઝારખંડના સરાયકેલા -ખરસાવા જિલ્લામાં ખેડૂત આંદોલનના સમર્થનમાં જન આક્રોશ રેલી યોજાઈ : મંચ પરથી છોકરીઓ દ્વારા લૈલા ગીતની ધૂન પર ડાન્સ કરાયો હતો જેમાં કાર્યકરોએ પણ ઠુમકા લગાવ્યા હતા access_time 9:27 am IST

  • શંકા ગમે તેટલી મજબૂત કેમ ન હોય , પુરાવાનું સ્થાન ન લઇ શકે : સુપ્રિમકોર્ટની ટિપ્પણી :જસ્ટિસ ઇન્દિરા બેનર્જી અને જસ્ટિસ હેમન્ત ગુપ્તાની પીઠે ઓરિસ્સા હાઇકોર્ટના એક નિર્ણંયને યથાવત રાખતા કહ્યું કે કોઈપણ આરોપી વિરુદ્ધ પુરાવાની કડી એટલી મહત્વપૂર્ણ હોવી જોઈએ,જેથી તેના વિરુદ્ધ આરોપ સાબિત થઇ શકે access_time 9:26 am IST