Gujarati News

રાજકોટ :  ઉત્તરપ્રદેશના રાજયપાલ શ્રીમતી આનંદીબેન પટેલે બાળકોને વાંચનમાં રૂચી વધારવા લખનૌની બધી સરકારી શાળાઓ અને કોલેજોમાં પઢે લખનૌ, બઢે લખનૌ  શીર્ષકથી અભિયાન ચલાવેલ. એક જ દિવસે સવારે ૧૧ થી ૧૧.૪પ વાગ્યા સુધીમાં લગભગ ૧૦ લાખ વિદ્યાર્થીઓએ આ વાંચન અભિયાનમાં ભાગ લીધેલ. આ ઘટના વિશ્વ વિક્રમ સમાન ગણાય છે. આનંદીબેનને પોતે નિશાતગજની રાજકીય ઇન્ટર કોલેજમાં જઇને બાળકોની સાથે પોણી કલાક પુસ્તક વાંચ્યુ હતું. બાળકોએ મહાપુરૂષોના જીવન વિશેના પુસ્તકો વાંચી જ્ઞાનની વૃદ્ધિ કરી હતી.