Gujarati News

Gujarati News

News of Tuesday, 13th August 2019

જમ્મુ કાશ્મીર-લડાખ જવા રાહુલ ગાંધી તૈયાર દેખાયા

કાશ્મીરના રાજ્યપાલના નિમંત્રણનો સ્વીકાર : કાશ્મીરમાં સ્વતંત્રતાની સાથે ફરવાની મંજુરી હોવી જોઇએ

નવી દિલ્હી, તા. ૧૩ : જમ્મુ કાશ્મીરની વાસ્તવિક જમીની સ્થિતિને જોવા માટે રાજ્યપાલ સત્યપાલ મલિકનું નિમંત્રણ સ્વિકાર કરીને કોંગ્રેસી નેતા રાહુલ ગાંધીએ કહ્યું છે કે, તેમને કોઇ ખાસ વિમાનની જરૂર નથી. તેમને માત્ર જમ્મુ કાશ્મીરમાં સ્વતંત્રતા સાથે ફરવાની મંજુરી મળવી જોઇએ. રાહુલે આજે ટ્વિટ કરીને કહ્યું હતું કે, રાજ્યપાલ સત્યપાલ મલિકના નિમંત્રણને તેઓ સ્વીકાર કરે છે. જમ્મુ કાશ્મીર અને લડાખ જવા માટે પણ તૈયાર છે. રાહુલે કહ્યું હતું કે, જમ્મુ કાશ્મીર અને લડાખ આવવા માટે આપના શ્રદ્ધાપૂર્વકના નિમંત્રણને તેઓ સ્વીકાર કરે છે.

        વિપક્ષી નેતાઓના એક પ્રતિનિધિમંડળ સાથે તેઓ ત્યાં પહોંચશે. રાજ્યપાલ સત્યપાલ મલિકે કલમ ૩૭૦ દૂર કરવામાં આવ્યા બાદ જમ્મુ કાશ્મીરની સ્થિતિને લઇને રાહુલ ગાંધી દ્વારા કરવામાં આવેલા નિવેદન સામે જોરદાર વાંધો ઉઠાવ્યો હતો. તેમણે કહ્યું હતું કે, રાહુલે ખુબ જ વિચાર કરીને નિવેદન કરવું જોઇએ. કારણ કે, આ સંવેદનશીલ મુદ્દા ઉપર કોઇપણ ઉશ્કેરણીજનક કૃત્યો ખતરનાક બની શકે છે. રાજ્યપાલે એમ પણ કહ્યું હતું કે, તેઓએ રાજ્યમાં આવવા માટે રાહુલ ગાંધીને નિમંત્રણ આપ્યું છે. રાહુલ માટે વિમાન મોકલવાની પણ વાત કરી હતી. સાથે સાથે સ્થિતિની સમીક્ષા કરવાની પણ વાત કરી હતી.

        આના જવાબમાં રાહુલે ટ્વિટ કરીને કહ્યું છે કે, તેમને કોઇ ખાસ વિમાનની જરૂર નથી પરંતુ જમ્મુ કાશ્મીરમાં સ્વતંત્રતા સાથે ફરવાની તક મળવી જોઇએ. મુખ્ય કલમો હેઠળ ફરવાની મંજુરી હોવી જોઇએ નહીં. તેમને મુખ્ય પ્રવાહના નેતાઓ અને સૈનિકોને મળવાની પણ સ્વતંત્રતા મળવી જોઇએ. રાહુલ ગાંધીએ હાલમાં જ કહ્યું હતું કે, જમ્મુ કાશ્મીરમાં હિંસાના અહેવાલો આવી રહ્યા છે.

(7:49 pm IST)
  • કૃષ્ણ -અર્જુન વાળા રજનીકાંતના નિવેદનથી તામિલનાડુ કોંગ્રેસને આંચકો ;કહ્યું ફરીથી વાંચે મહાભારત : તામિલનાડુ કોંગ્રેસ કમિટીના અધ્યક્ષ કે,એસ,અલ્લગીરીએ કહ્યું કે રજનીકાંતની આવી પ્રતિક્રિયાથી આશા નહોતી આ પ્રકારના નિવેદનથી હેરાન થયા છું ;સાઉથના સુપર સ્ટાર અને રાજનીતિમાં પ્રવેશેલા રજનીકાંતે કાશ્મીરમાં આર્ટિકલ 370 હટાવતા પીએમ મોદીને કૃષ્ણ અને ગૃહમંત્રી અમિતભાઇ શાહની તુલના અર્જુન સાથે કરી હતી access_time 12:56 am IST

  • નિતિન ગડકરી સાથેના વિમાનને રન-વે ઉપરથી પાછું વાળ્યું: નાગપુરથી દિલ્હી જતી ઇન્ડિગો ૬ઇ ૬૩૬ નંબરની ફલાઇટ નાગપુરના રન-વે ઉપરથી પાછી વાળી લેવામાં આવેલ હતી. કોઇ ટેકનીકલ ક્ષતિ સર્જાયાનું કહેવાય છે. આ ફલાઇટમાં કેન્દ્રીય મંત્રી શ્રી નિતિન ગડકરી સહિત તમામ મુસાફરોને સહી સલામત ઉતારી લેવામાં આવેલ access_time 11:23 am IST

  • અલગાવવાદી નેતાઓને ૧ વર્ષ સુધી 'અંદર' રહેવું પડે તેવી શકયતાઃ નવી દિલ્હીઃ જમ્મુ-કાશ્મીરમાંથી ધરપકડ પામેલા અલગાવવાદી નેતાઓ વહેલી તકે છુટે તેવી શકયતા નથીઃ સંબંધિત અધિકારીઓનું માનીએ તો આ બધાને ૧ વર્ષ અંદર રહેવું પડશેઃ તંત્રએ છેલ્લા ૮ દિવસમાં ૭૦૦ લોકોની ધરપકડ કરી છે જેમાથી ૧૫૦ને દેશની વિવિધ જેલોમાં મોકલી દેવાયા છે જેમની ધરપકડ થઈ છે તેમાં ઉમર અબ્દુલ્લા, મહેબુબા મુફતી પણ સામેલ છેઃ જો કે મહેબુબાને હરિનિવાસ અને ઉમરને વન વિભાગના ગેસ્ટ હાઉસમાં રખાયા છે access_time 11:25 am IST