Gujarati News

Gujarati News

News of Tuesday, 13th August 2019

ઈમરાન સરકારની ભેજાગેપ એડવાઈઝરીઃ તમામ ન્યુઝ ચેનલોને ૧૫ ઓગસ્ટે લોગો બ્લેક એન્ડ વ્હાઈટ રાખવા આદેશ

નવી દિલ્હીઃ કાશ્મીરમાંથી ૩૭૦ની કલમ દુર થતા પાકિસ્તાન રઘાવયુ બની ગયુ છે. પાકિસ્તાન ઈલેકટ્રોનીક મીડીયા રેગુલેટરી ઓથોરીટી (પેમરા)એ જમ્મુ- કાશ્મીરની સ્થિતિ અંગે મીડીયા સંસ્થાઓને માટે એડવાઈઝરી જાહેર કરી છે.

એડવાઈઝરીમાં જણાવ્યા અનુસાર ચેનલ્સે ઈદ ઉલ અજહા ઉપર કોઈ પણ પ્રકારની સ્પેશ્યલ પ્રોગ્રામીંગ (પ્રિ- રેકોર્ડેડ અથવા લાઈવ) પ્રસારીત ન કરે. કેમકે તેનાથી પાકિસ્તાનની સાથે-સાથે કાશ્મીરના લોકોની પણ ભાવનાઓને ઠેસ પહોંચી શકે છે.

બધી ટીવી ચેનલો, એફએમ રેડીયો સ્ટેશન અને ડિસ્ટ્રીબ્યુશન ઓપરેટર્સને એવા પ્રોગ્રામ બતાવવા જણાવ્યું છે કે જેથી કાશ્મીરીઓ સાથે ભાઈચારાની ભાવના દેખાઈ. ઉપરાંત ૧૪ ઓગસ્ટે પાકિસ્તાનના સ્વતંત્ર દિવસને કાશ્મીરીઓ સાથે ભાઈચારા દિવસના રૂપે મનાવાશે.

ભારતના સ્વતંત્ર દિવસ ૧૫ ઓગસ્ટના દિવસે કાળો દિવસ મનાવવા અને પાકિસ્તાની રાષ્ટ્રીય ધ્વજને અડધી કાઠીએ ફરકાવવા પણ જણાવાયું છે. પેમરાએ ટીવી ચેનલ્સને ૧૫ ઓગષ્ટના  દિવસે આખો દિવસ પોતાનો લોગો બ્લેક એન્ડ વ્હાઈટ રાખવા પણ કહયું છે. અગાઉ ૮ ઓગષ્ટે ન્યુઝ ચેનલોને નિર્દેશ અપાયેલ કે તેઓ ટોક શોમાં કોઈપણ પ્રકારની ટિપ્પણીઓ કે વિશ્લેષણ માટે કોઈ ભારતીય સેલીબ્રીટી, રાજનેતા કે પત્રકારને આમંત્રીત ન કરે.

(3:33 pm IST)
  • સિક્કીમ ડેમોક્રેટિક ફ્રંટના ૧૦ વિધાયક બીજેપીમાં સામેલ : સિક્કીમનો મુખ્ય પક્ષ એસડીએફના ૧૦ વિધાયક આજે નવી દિલ્હીમાં બીજેપીમાં સામેલ થયાઃ પૂર્વ સીએમ પવનકુમાર ચામલિંગ સહિત ૪ અન્ય વિધાયકોને છોડીને બાકી રહેલા વિધાયકો બીજેપીમાં સામેલ થયાઃ સિક્કીમમાં હજુ સુધી ખાતુ નહિ ખોલી શકેલી બીજેપીના પાલામાં ૧૦ વિધાયકો થઈ ગયા access_time 4:07 pm IST

  • રાજકોટ મ્યુ.કોર્પોરેશનનાં જનરલ બોર્ડનો પ્રારંભઃ પ્રિ-મોન્સુન કામગીરી પ્રશ્ને તડાપીટ: ભાજપના ૧૪ અને કોંગ્રેસના ૧૩ કોર્પોરેટરો દ્વારા કુલ ૬૩ પ્રશ્નો રજૂઃ પ્રથમ ભાજપનાં મનીષ રાડીયાનાં પ્રશ્નથી ચર્ચા શરૂ: મવડી બ્રિજ, સાધુ વાસવાણી રોડની લાયબ્રેરીનાં નામકરણ સહિતની ૮ દરખાસ્તો અંગે નિર્ણય access_time 11:21 am IST

  • કૃષ્ણ -અર્જુન વાળા રજનીકાંતના નિવેદનથી તામિલનાડુ કોંગ્રેસને આંચકો ;કહ્યું ફરીથી વાંચે મહાભારત : તામિલનાડુ કોંગ્રેસ કમિટીના અધ્યક્ષ કે,એસ,અલ્લગીરીએ કહ્યું કે રજનીકાંતની આવી પ્રતિક્રિયાથી આશા નહોતી આ પ્રકારના નિવેદનથી હેરાન થયા છું ;સાઉથના સુપર સ્ટાર અને રાજનીતિમાં પ્રવેશેલા રજનીકાંતે કાશ્મીરમાં આર્ટિકલ 370 હટાવતા પીએમ મોદીને કૃષ્ણ અને ગૃહમંત્રી અમિતભાઇ શાહની તુલના અર્જુન સાથે કરી હતી access_time 12:56 am IST